Khaw tin 10h30 saong 14h30 harei 7/7/2016

        # Harei 6/7, Nyaom biai Trung ương 3 (khóa XII) yam tame harei ngak bruk ka klau. Trung ương ngak bruk pak Hội trường, ginum biaia ka dự thảo Quy định peih ngak Điều lệ Đảng saong dự thảo Quy định ka bruk pasang iek, giám sát, kỷ luật di Đảng dalam Chương VII saong Chương VIII Điều lệ Đảng. Hadei di nan,  Trung ương ngak bruk pak tổ, ginum biai ka dom asal kadha angaok nan.

         # Bair harei kabroi (6/7), Thủ tướng Nguyễn Xuân Phúc hu var ngak bruk saong mintri Kế hoạch saong Đầu tư, mintri jien padai ka bruk  peih jien brei ka bruk đầu tư công thun 2016. Thủ tướng Nguyễn Xuân Phúc tacei pato peih ngak bruk peih jien đầu tư công thun 2016 njauk tukvak, abih di nyu nan lac jien karja, jien trái phiếu rajaei saong jien ODA, piah rik daong ngak salah bruk patagok kinh tế, xã hội hu ba tabiak dalam thun ini . 

           # Pak Hà Nội, Kadung jien Uranaih Liên Hợp Quốc (Unicef) pak Việt Nam bahrau tabiak harak pathau khan bruk uranaih thun 2016. Tui harak pathau khan, Việt Nam lac negar ngak hu siam bruk patrun uranaih metai hadei di tuk menek saong đầu tư njauk tame bruk pato megru, daong jhul pasamar dom salih bahrau siam mekre ka uranaih. Yau nan min, urak ini jeng daok 5,5 triệu uranaih kathaot; uranaih lavang lavaih di palei pala glaong jang dua mbang labik bal sit bal prong, uranaih OH KA hu nao bac biak glaong, abih di nyu lac bhum ceik, bhum urang bangsa takik.

          # Ngak tuk danakdak daong sang daok ka urang kathaot tui harak ka 167 thun  2008 di Thủ tướng rajaei, tỉnh Trà Vinh hu rajaei brei adat ngak đề án daong sang daok ka jaik 11.500 sang kathaot palei pala tukvak II (2016 – 2020), saong yaom jien buh tame ngak abih tih labaih 320 tỷ đồng. Dalam nan, jaik 6.000 sang bangsa Khmer kathaot palei pala di Trà Vinh hu daong sang daok di tukvak II; yaok sang hu mesraiy jien ưu đãi glaong abih 25 triệu đồng/sa sang piah  apdang ngak barau atau ramik pasiam sang daok .

          # Sở Ngak nong saong patagok palei pala Hà Nội brei thau, tal urak ini dalam bal hu 213/401 xã mek hu chuẩn palei pala bahrau, samu labaih 53% saong sa huyện mek hu angan chuẩn palei pala bahrau nan lac huyện Đan Phượng. Anak tal, bal Hà Nội patui veik khik ramik saong paglaong chất lượng dom tiêu chí pak dom xã mek hu chuẩn palei pala bahrau, abih di nyu lac dom tiêu chí gah y tế, pato megru, ilamo, môi trường saong jien mek tame.

       # Ủy ban bhapbini tỉnh Quảng Trị brei padang Hội đồng taong yaom khat khat lihik hadei di mbang nerak moi truong di dom puk palei tapeng tasik Quảng Trị. Tui nan, Hội đồng  hu 18 urang hu brei bruk padang jalan ngak cambaih piah samal peih bruk dut iek, taong yaom ka njauk dom khat lihik di tasik di dom puk palei tapeng tasik tỉnh Quảng Trị di taong abih gah.

         # Urak ini, pak dom tỉnh Tây Nguyên daok yam tame bilan hajan, nan ye ralo janih bimao tamuh biak ralo dalam glai. Kayua yau nan ye, karja puk palei dom  tỉnh hu pachreih bhap bani, abih di nyu lac bhap bani urang bangsa takik njauk caik hatai, juai mbang bimao tamuh dalam glai plaih di njauk jru mek ngak nguy hiểm tal tính mạng.

          Khaw tin dunya

     # Dalam mbang ravang Thái Lan, harei kabroi (6/7), Thủ tướng Lào Thong-lun Xỉ-xụ-lít (Thongloun Sisoulith) hu ginum biai saong Thu tuong Thai Lan Pra-dút Chan-ô-cha (Prayuth Chan-ocha) di jabat rajaei. Tapa ginum biai, dua taneh ia taphia gauk njauk hatai brei jhul khang talei pambuak bruk di rilo gah praong ye du lịch, xuất nhập khẩu, khikt iek tapeng negar saong ba brei urang ngak . 

       # Brei panuac di harei roya Eidal-Fitr di urang Isalam pak bal ine Tehran harei 6/7, Đại giáo chủ Iran Ali-Kha-mê-nây (Ali Khamenei) brei thau, harei Raya Eid al-Fitr pak dom negar Islam thun ini njauk kaol khủng bố ngak jeng ndam tang. Ong ndom lac kol khủng bố jeng oh meda plaih hu dom hậu quả di bruk khủng bố. Ong Khamenei jeng lên án dom mbang taong tame dom negar Hồi giáo, ngak ka yaok rituh bhap bani metai, lihik.

      # Tập đoàn jru Sanofi di Pháp brei thau meda pambuak bruk saong Viện roh duah Walter Reed di bol bala Mỹ piah patagok vắc-xin caga virus Zika, janih virus ba tal ruak sit akoak di anek kamal pambak drah samal di rilo taneh ia di dunya. Tui Sanofi, Viện Walter Reed meda jao  ilamu ngak vắcxin caga virus Zika brei ka Sanofi Pasteur, meng di nan, peih tabiak jalan pambuak bruk praong jang di rajaei dua taneh ia Pháp saong Mỹ./.