# Page harei 7/9, pak Phủ Chủ tịch, Akaok negar Trần Đại Quang taduan raok Đại sứ Canada David Devine (Đa-vít Đê-vin) mai salam likau drei tuk abih  nhiệm kỳ ngak bruk pak Việt Nam. Akaok negar Trần Đại Quang ndua dhal phol Đại sứ David Devine hu dom rik daong prong ngak brei jhul patagok talei rohim pambuak bruk nao mai di Việt Nam saong Canada. 

      # Dalam dom bruk di Nyaom biai pakat glong ASEAN mbang ka 28-29 song dom nyaom biai pakat glong pambuak tal peih ngak di Vientiane (Lào), harei 7/9, Thủ tướng Nguyễn Xuân Phúc pang akaok kapul VN hu mbaok di nyaom biai pakat glong ASEAN mbang ka 29, dom nyaom biai pakat glong ASEAN pagam 1 song TQ haong Nhật Bản.

      #  Gah langiu dom Nyaom biai pakat glaong ASEAN 28 – 29 saong dom Nyaom biai pakat glaong pambuak pagam tal, Thủ tướng Raja-ei Nguyễn Xuân Phúc hu mbaok dalam Nyaom biai pakat glaong Mê Công - Nhật Bản mbang ka 8 gam haong dom urang pal akaok dom negar Campuchia, Lào, Mi-an-ma, Thái Lan saong Nhật Bản.  Thủ tướng Nguyễn Xuân Phúc khang panuac lac Việt Nam iek prong saong sanya patui jalan kham merat rik daong jhul patagol talei pambuak bruk Mê Công - Nhật Bản brei ka bruk cakrok patagok khang kajap, sron mbon, tani tanat saong kaya meda di khu vực. 

      # Thủ tướng rajaei bahrau mbaoh tangin brei tabiak harak 1722/QĐ-TTg harei 2/9/2016, ka bruk brei adat peih ngak danak dak pakat negar patrun kan kathaot khang kajap tuk vak 2016-2020. Tui nan, jalan ngak di danak dak lac peih  bruk patrun kan kathaot khang kajap, patakik bruk kan veik, dong peih ngak bruk patagok KT, khik kajap an sinh XH, dong ngak ka pahu bruk patrun boh sang kan kthaot tuk vak 2016-2020 tui sarak Quốc hội ba tabiak  

      # Công an Bal raya Hồ Chí Minh bhrau taong tayah jalan talei ma túy cap mek 2 urang: Lê Văn Phương (ndih tapui thun 1971, pak quận Gò Vấp, bal raya Hồ Chí Minh) saong Nguyễn Văn Thủy, (ndih tapyui thun 1971, daok pak Bắc Ninh) cap khik jaik 4 kg ma túy patau saong 1 mbaik phao. Tapa tui iek, trinh sát hu thau Phương nan lac sa dalam dom urang bhian ba brei dom janih ma túy meng gah Barak tame ka dom urang nghiện dalam bal raya Hồ Chí Minh. Thau drei tuk halei jeng hu pasang iek, Phương oh nao mek pandap bo jao ka sa urang karei nao tabiak gah Barak mek pandap blaoh ba tame bal raya. Tapa khai thác, Phương taduan lac drei hu ngak ralo mbang; bahrau ini, ja Phương bahrau pablei 1 kg ma túy yaom 300 triệu đồng.  

      # Ngan song angan “ pambah mbang di ayuT  nao tal du lịch Châ á”, melam 7/9 Nyaom darak pasa du lịch dunya ban raya HCM, ITE HCMC hu peih ngak song hu mbaok di labaih 300 DN du lịch dalam song langiu negar. Hu mbaok tuk peih pakak, hu rilo urang dang akaok gah du lịch mai meng dom negar Campuchia, Lào, Myanmar, Thái Lan song  Việt Nam. 

     # Hadei di 4 harei pakacah, kapul đấu kiếm Việt Nam hu dang akaok taong abih kapul nyaom di giải Vô địch đấu kiếm Đông Nam Á 2016 peih tabiak pak Singapore. Dalam harei pakacah puac abih di dom nội dung đồng đội, dom kiếm thủ Việt Nam ba mai sa huy chương ameh, sa huy chương pariak saong sa huy chương bal . Dalam nan, huy chương bal hu tame tangin kapul kiếm kacoh likei hu 4 tuyển thủ nan lac Vũ Thành An, Vũ Văn Hùng, Nguyễn Xuân Lợi haong Nguyễn Văn Quyết hadei di tuk taong janeh kapul po sang Singapore di chung kết.

       Patui di ni dom khau tin dunya:

      # Kadung jien uranaih Liên hợp quốc (UNICEF) bahrau brei thau, labaih 28 triệu uranaih di dunya njauk nduac klak sang dok kayua mesruh gauk song 20 triệu uranaih klak palei pala kayua eik lipa atau bạo lực băng đảng. 45% uranaih tỵ nạn mai meng  Xyri song  Áp-ga-nix-tan. Tổ chức  UNICEF hu panuac ieu bhap bini dunya khik ramik, pabak dịch vụ pato pakai, y tế ka dom uranaih ni, saong hu panuac ieu pachreih rajaei dom negar langyah makna ba tal bruk khủng hoảng tị nạn song nhập cư.

    # Urang jakar Mê-hi-cô bahrau brei thau, ribuk Niu-tơn (Newton) tuh tame pulao kaoh Ba-gia Ca-li-phooc-ni-a (Baja California) di negar ini dalam harei kabroi ngak jeng hajan prong, ngak takik abih 2 urang metai saong 3 urang lahik. Pok sap ndom haong báo chí, ong Lu-I Ri-ốt (Jose Luis Rios), urang jaka ngak gah pabah lamnge La Pa (La Paz) dalam bang Ba-gia Ca-li-phooc-ni-a brei thau, dua urang metai ini bahrau hu duah mboh angaok mblang tasik saong ini lac dom urang dalam kapul 5 urang angaok sa sruh gilai taong ikan njauk ribuk taong karam. Urak ini 3 urang karei angaok sruh gilai ini jeng oh ka duah mboh.

     # Tui Tân Hoa xã, tỉnh Quảng Đông (Guangdong), gah merong Trung Quốc daok ngak catang bruk kiểm dịch saong pasang iek piah pacang cakak bruk njom mbak di virut Zika dok  pambak di dom negar ĐNÁ. Meng  akaok bilan 8, duk pasang iek song kiểm dịch di mblang kapan haoh dunya Bạch Vân (Baiyun) di  Quảng Châu hu peih bruk tui iek 74 tuai damuai mboh yau njom ruak mai meng dom labik atau negar hu vi rut Zika. Jabat kiểm dịch puk palei brei thau langik pandiak urak ni di Quảng đông ngak patagok bruk njom mbak zika. Harei 6/9, Singapore hu 17 mbang njom virut1 Zika, patagok urang njom vi rut nguy hiểm ni di Singapore tagok 275 urang./.