Khaw tin 10h30 saong 14h30 harei 8/11/2016

      # patui veik danak dak mbang nyaom ka 2, Quốc hội khóa 14, page ini 8/11, dom urang Quốc hội ginum biai pak tổ ka dự án Hukum Thủy lợi; dự án Hukum Du lịch (pasiam veik). Biar harei ini, Quốc hội pang harak pathau khan taong yaom dự án Hukum Daong ba doanh nghiệp mbiah haong sit saong ginum biai pak hội trường ka dự thảo sarak pasiam veik, pabak dom paka di sarak 55 ka bruk miễn, giảm jien je pandar taneh ngak nong; saong brei tapa sarak ka jalan ngak pasiam veik bruk ngak mbang kinh tế vaktu 2016-2020.

       # Harei kabroi (7/11), hadei di var ginum biai, akaok taneh ia Trần Đại Quang saong Tổng thống Ai-len Mai-Cơn Đ. Hích-ghin hu dang akaok var họp báo saong khan brei thau dom asal kadha praong di mbang ginum biai. Dua urang dang akaok ndom lac, caong khin jhul khang talei pambuak bruk rilo gah siam mekre di Việt Nam saong Ai-len patagok dalam jang di tukvak tal . 

       # Dalam danak dak Harei pataom dam dara Việt - Trung mbang ka III, harei kabroi (7/11) labaih 200 urang lambaok dam dara tỉnh Lào Cai (Việt Nam) saong tỉnh Vân Nam (Trung Quốc) hu mbaok dalam diễn đàn "Dam dara nao dahlau patagok bruk ngak mbang kinh tế - xã hội". Pak diễn đàn, lambaok dam dara dua gah hu ginum bai nao mai, khan brei gauk thau dom bruk ngak hu dalam cakrok patagok kinh tế - xã hội di dam dara; klah rabha dom ilamo piah patagok  bruk ngak  di  Đoàn saong dam dara dalam bruk patagok kinh tế di dua negar; khan brei thau dom mô hình ngak mbang kinh tế, jeng yau dom ilamu saong dom jak jeng bo doanh nghiệp ranaih di 2 negar mek hu dalam bruk padamng mbang ngui. 

      # mBan bangsa tỉnh Thái Nguyên brei thau, tukvak tapa, tỉnh hu mboh rilo kreih camin hadah dalam ngak mbang, patagok kinh te, padang ngak palei pala barau jeng ye khik caga an ninh negar bhum bhapbini bangsa takik.  Yau ye ông Lục Văn Sáu (bangsa Sán Dìu) daok di huyện Phú Bình, hu jak ba mikva dalam palei brei labaih 3.000 m2 taneh; saai Ngô Văn Mình (bangsa Mông) di  huyện Đồng Hỷ, hu pathau khan mikva Mông oh jia, oh pang, oh caik ka kol kayaik jhal dui ba, rik daong tame bruk khik caga an ninh trật tự, an toàn xã hội..vv

        # Ủy ban Bhap bani tỉnh Quảng Bình bahrau tabiak sarak miễm giảm jien bac saong daong jien bac ka anek saih, sinh viên gaok kan kandah kayua bruk môi trường saong ribuk aia sua. Ini lac bruk ngak siam, samar drah piah klah rabha naong trak ka amaik ame saong anek saih hadei di bala meng langik tasik. Dom anek saih hu sahanang hatai nao bac, tui dom caong khin di drei, rik daong pren yava dak padang bhummi, taneh aia dak harei dak cakrok patagok.

       # Harei kabroi 7/11, Hội đồng Đội ban raya Hồ Chí Minh saong Báo Khăn Quàng Đỏ peih bruk pakacah caik ka uranaih ban raya ngan saong kadha “ adei ranam negar Việt Nam”. Bruk pakacah piah daong ka dom adei uranaih thau dom ilamu thực hành xã hội, rik daong pato pakai anit ranam palei negar, taneh ia, anek menuac.

     # Meng akaok thun tal ini, dalam tỉnh Bạc Liêu hu labaih 8 ribau mbang urang prong thun hu iek ruak, brei jru sraoh. Yaok thun, dalam dom harei  lễ, tết, Kapul urang taha dom pakat dalam tỉnh hu tham mưu brei karja puk palei peih bruk tadhau yuh pren yava ka labaih sa ribau urang taha meng 70 thun tagok; alin brei pandap ka labaih 800 baoh sang urang taha kathaot, hu rai diuk kan kandah, jaoh jo. Kapul hu jak ba rik daong hu jaik 300 triệu đồng piah daong ka urang taha hu rai diuk kan kandah, padang ngak 3 baoh sang ranam ka baoh sang urang taha kathaot.