# Pahadar harei dunya urang kumei 8/3 saong khởi nghĩa Hai Bà Trưng, tỉnh Quảng Trị bahrau peih bruk taom mbaok dom urang kumei njauk guk chính trị anit taneh ia saong urang kumei doanh nhân hadah krah. Tapa nan, urang hu ba gauk hadar veik ilamu meng kan anh hùng, bất khuất, trung hậu, đảm đang di urang kumei Việt Nam. Tkvak tapa, dom pakat kapl rang kumei tỉnh h rilo bruk ngak sangka tal rang kumei kan kathaot. Meng thun 2013 tal ini, kapul hu padang  238 baoh sang anit ranam yaom abih tih lac 4,3 tỷ đồng; Kadung jien daong urang kumei kathaot hu 1,1 tỷ đồng hu daong ka rilo urang kumei tabiak truh kathaot

 # Kalup kapul urang kumei meng kan di dom puk laei xã, phường tỉnh Ninh Thuận hu padang meng thun 2009 tal ini padang hu hatai jia di bhap bini puk palei meng bruk rik pren di dom adei saai kumei. Oh lac ngak siam bruk kapul, dom adei saai kumei di kalup kapul ini daok padang kadung jien patruh eik patrun kathaot, daong gauk patagok kinh te sang, paglaong hatai jum pataom dalam palei.

         #Meng harei 5 tal 8/3 (18 -21 tháng Giêng năm Mậu Tuất 2018) di xã Long Thượng, huyện Cần Giuộc, tỉnh Long An rah tabiak lễ hội vía Bà Ngũ Hành. Tok dalam 3 harei meng 5-7/3, yaok pluh ribau tuai damuai mai hu mbaok. Thun 2014, lễ hội Vía Bà Ngũ Hành di Long Thượng hu pok brei angan lac inem krung ilamu phi vật thể pakat negar. Lễ hội hu peih ngak piah hadar tal dom urang nao dahlau hu buh pren yava ka taneh ia, ka bhap bini, saong tapa nan brei mboh hatai caong ka raidiuk trei sir, haniem phul. Ini jeng lac tuk pok meyaom, pato pakai rai hadei tui jalan khik ramik saong patagok ilamu meng kan di bangsa 

 # Urak ini, bruk peih ngak saong ba tabiak bruk “ libik, doanh nghiệp ngak hu chuẩn ilimo” hu peih ngak di grauk 9 quận, huyện di ban TP. Cần Thơ. Tui nan, mban tacei pato dom quận, huyện hu biai saong dom pakat brei thau 853/928 jabat, libik, doanh nghiệp tut angan ngak hu chuẩn ilimo hu 92%.  Ông Lê Văn Tâm, Phó akaok thường trực UB bhapbini ban Cần Thơ, akaok mban tacei pato bruk ngak di ban brei thau:“Yaok libik, puk palei pataom tame sangka peih praong dom mô hình, nao dahlau dalam bruk tacei pato bruk “ bhapbini dak padang raidiuk ilimo” di yaok gah. Kol drei hu dom urang hadah trah lac ngak habal pambak praong rilo veik.

# Tui mBan Chỉ đạo Bảo hiểm y tế toàn dân tỉnh Trà Vinh, kuhria tal puac thun 2017, dalam tỉnh hu 988.044 menuac blei bảo hiểm y tế, samu 94,96%, rilo jang 10,16% dut saong tanut di Thủ tướng jao saong glaong jang tanut kuhria rah tapa dalam taneh ia lac 12,76%. Dom labik mek hu tanut glaong lac huyện Trà Cú 100%, Duyên Hải 100%, Châu Thành 97,75% saong Cầu Ngang 96,73%. Ông Lâm Văn Thu, Phó Giám đốc Bảo hiểm xã hội tỉnh Trà Vinh, Phó Trưởng ban Chỉ đạo Bảo hiểm y tế toàn dân brei thaut, dom labik blei bảo hiểm y tế mek hu tanut glaong lac kayua hu kadung jien karj adaong yau ye sang sarak karja, sang urang bangsa takik, sang kathaot, jaik si kathaot…

Khaw tin dunya

         # Tui  ilamu meng kan harei 8/3, “kalup kapul động cơ ô tô Nga”(RAMK) daong dom urang kumei lái radaih saoh abih. Dom chuyên gia di kalup kapaul meda taom gaok dom urang kumei kheih, meyah baoh radaih gaok tayah, abih xăng atau njauk cẩu radaih meng bala. Di harei ini, dom thợ cơ khí tự động, dom “bác sỹ ka radaih hơi” jeng tư vấn ka dom urang kumei hu yêu cầu. Piah hu daong saoh, tok lac ieu phone tapa jalan pandak saoh 8-800-250-72-62. 

# Quân đội Pakixtan brei thau, bahrau cuh laik sa sruh kapal haoh do thám oh hu menuac peih di Ấn Độ hadei di tuk sruh kapal haok nan lih tame bhum lingik di  Pakixtan labik meriak gauk Casơmia. Panuac di Quân đội Pakixtan brei thau, kapal haok oh hu menuac peih nyu lih tame bhum lingik di Pakixtan saong daok peih bruk do thám tuk njauk cuk laik di palei Chi-ri-cót (Chirikot), rah tui jalan Kiểm soát di Casơmia.

# Ngoại trưởng Mỹ Rếch Ti-lơ-xơn hu nao tal Ethiopia, mbang nao kaoak mereip tal châu Phi piah jhul khang pambuak bruk an ninh saong dom taneh ia "Lục địa Đen". Tui bruk ba tabiak, Ngoại trưởng Tillerson hu nao ravang jabat di Liên minh châu Phi di Ethiopia dahlau dhaih tagok jalan tapa Kenya. Ini lac dua 2 đồng minh glaong di Mỹ dalam mbang mesruh piah taong tayah kapul phiến quân Hồi giáo Al Shabaab di Somalia