Khaw tin 10h30 saong 14h30 harei 8/6/2016

# Pagaiy harei ini (8/6), labaih 75 rabau anek saih Hà Nội tame mbang pakacah tuyển sinh tame tan bac 10 hệ Trung học phổ thông oh chuyên thun bac 2016-2017.  Var pagaiy thí sinh tame ngak bài pakacah môn Ngữ văn, bair harei pakacah môn katih. Tukvak ngak bài pakacah yaok môn 120 minit. Daok anek saih pakacah tame tan bac chuyên pakacah di harei 9 saong harei 10/6.

/ Thủ tướng rajaei tacei mintri ngak nông saong patagok palei pala buh brei jru sát trùng khik piah di negar ka dom tỉnh: Kiên Giang, Nghệ An, Hà Tĩnh piah pacang cakak jit ruak kaya ikan. Tui sở ngak nông saong patagok palei pala tỉnh Kiên Giang, dom gah chức năng di tỉnh hu pambuak bruk saong puk palei kakei, tacei pato urang nông dom jalan ngak piah pasiam labaih 13.400 ha hadang njauk khat lahik kayua pandiak bhang dui atah, nồng độ mbak dalam danao biak glaong saong jit ruak palai pajoa tukvak tapa. 

# Harei kabroi 7/6, Ban bangsa tỉnh Hòa Bình peih nyaom biai patagok labik dang di urang hu angan je dalam bhapbini bangsa takik dalam tỉnh. 30 urang  hu angan je mai meng 11 huyện, ban dalam tỉnh mai pataom mbaok, klah rabha alamu dalam bruk jak ba bhapbini, rik daong patruh eik patrun kathaot saong dak padang raidiuk ilimo di labik bhapbini daok. Urak ini, bhapbini dom bangsa takik dalam tỉnh Hòa Bình hu pok meyaom, pilih ruah labaih 1.600 urang hu angan je hu dom taha palei, akaok palei, bản saong rilo rilo urang kurei lac bhapbini dom bangsa adei saai.

/ Meng bilan 5 tal urak ini, di tỉnh Lai Châu hu mboh tapon kok biak ralo. Ini lac janih kok dalam angan meriah VN brei khikramik. Piah khik siam mekre ka tapon ko, jabat chức năng tỉnh Lai Châu hu tacei pato dom puk palei pathau khan, jak ba saong oh brei bhap bini chap mek tapon ko.

# Dom harei tapa, pandiak khang ngak ka dom uraniah tame sang iek ruak di sang iek ruak Phụ sản – Nhi Đà Nẵng tagok glaong. Kuhria mboh yaok harei hu meng 800 tal 1.000 uranaih ruak mai iek ruak saong daok veik iek ruak. Uranaih mai iek ruak rilo meng gaok dom ruak ye : ruak jalan suak yava, viêm phổi, tiêu hóa… Bác sĩ Lê Thanh Cẩm, Phó Trưởng khoa khám đa khoa cấp cứu sang iek riak Phụ sản – Nhi Đà Nẵng kakei :  “Ini lac bilan hè, oh daok bruk khik iek di sang bac saong amaik ame, abih di nyu nan lac bilan pandiak bhang yau nan ye drei njauk sangka tal dom urang anek di drei. Sangka bruk hagait, nan lac mbang huak, hacih saat, khik caga ka uranaih jhui gaok pandiak, abih di nyu nan lac dom tuvak pandiak khang abih dalam harei meng 10 tuk pagaiy tal 15 tuk bair harei”.

/ Mban Điều hành dự án pala glai dauk ia mbak tapen tasik tỉnh Sóc Trăng (di kapul chữ thập đỏ tỉnh) barau peih bruk pala glai duak mbak di labik tasik Mỏ Ó, xã Trung Bình, huyện Trần Đề, tỉnh Sóc Trăng. Mbang pala ini hu pala labaih 110 ribau phun bần pajaih, di taneh 20 ha glai dauk mbak, yaom jien labaih 1,5 tỉ đồng. Ini lac dự án kayua Công ty Premier Oil – taneh ia Anh daong..

# Tukvak 2016 - 2020, tỉnh Hậu Giang peih rilo tan pato ilamu daoh Aday; tan paglaong ilamu daoh  Aday di bhapbini Khmer dalam tỉnh, piah khik janih daoh ini, saong yaom jien peih ngak labaih 1 tỉ đồng. Tui nan, tỉnh jhul khang dom bruk pathau khan, pato pakai paglaong akaok sahaeng di xã hội, abih di nyu nan lac rairah ranaih umo di bhapbini bangsa Khmer ka bruk khik saong patagok dom ilimo di bangsa drei dalam tinh Hậu Giang.

Patui di ini dom khau tin dunya:

/ Urang vak di rayo sap ndom VN daok di TL brei thau: mintri ngoại giao saong dom jabat pambuak bruk di TL barau peih nyaom meyai pataom mek thập thông tin phản hồi piah langyah bruk taphia negar di taneh ia ini saong Lào, dalam nan hu bruk padang quy chế pandar kraong Mê-Công di dua taneh ia.

#  Ngoại trưởng Mỹ  dahlau deih, amuk Hi-la-ry Clintơn mek hu ginup số phiếu piah hu ba tabiak ngak urang ứng cử  di đảng Dân chủ dalam mbang pilih ruah Tổng thống Mỹ di bilan thu tal. Meng jayah dalam mbang pilih ruah di Puerto Rico  puac adit blaoh gam saong panuac sanya pachreih tui di rilo  urang,  tui pasang iek di báo chí Mỹ, amuk Hillary Clinton hu ginup phiếu piah lambaok ka đảng Dân chủ dalam mbang pakacah tame ngak Tong thong Mỹ mbang yaka 45 di bilan 11 tal.

/ Dom chuyên gia kuhria mboh lac, takik tuai damuai mai tal thế vận hội Olimpic di Ri-ô đờ Gia-nê-rô, Braxin meda njom virut Xika. Panuac ndom ini piah patrun panuac ieu jaik di ini lac, brei padeih peih Olimpic kayua jit Zika./.