Khaw tin 10h30 saong 14h30 harei  8/9/2017

  # Taduan panuac daa di akaok negar Cộng hòa Xã hội chủ nghĩa Việt Nam Trần Đại Quang, Tổng thống negar Cộng hòa Ả-rập Ai Cập Abdel-Fattah El-Sisi hu mai rivang pakat karja tal Việt Nam meng harei 6 tal harei 7 bilan 9 thun 2017. Nao tui Tổng thống Ai Cập daok hu dom akaok mentri Ngoại giao, Văn phòng Tổng thống, mentri Điện lực saong Năng lượng tái tạo, mentri Đầu tư saong pambuak bruk dunya, Mentri pajeng ba saong kapul nyaom doanh nghiệp prong lambaok ka 20 doanh nghiệp ralo gah karei di gauk.

# Di sang Quốc hội, akaok Quốc hội Nguyễn Thị Kim Ngân barau taom gaok Tổng thống Cộng hòa Ả-rập Ai Cập Abdel Fattah Al Sisi daok ravang pakat karja di Việt Nam. Dalam harei ini akaok Quốc hội Nguyễn Thị Kim Ngân brei thau,  Quốc hội Việt Nam hu dak padang kapul Nghị sỹ hữu nghị Việt Nam - Ai Cập; caong khin Ai Cập samal padang kapul Nghị sỹ hữu nghị Ai Cập - Việt Nam ngak jalan ba pagam talei pambuak bruk di dua Quốc hội.

# Nyaom biai Akaok mentri Du lịch ACMECS mbang ka 3 saong Nyaom biai akaok Mentri Du lịch Camphuchia- Lào – Myanma – Viet Nam mbang ka 4 hu peih tabiak di bal raya Hồ Chí Minh. Ini lac kadha prong daok dalam dom bruk ngak di Nyaom darak Du lịch Dunya bal raya Hồ Chí Minh mbang ka 13 thun 2017, rah tabiak meng harei 7–9/9, pak Pasak Nyaom darak saong parang iek Sài Gòn. Hu mbaok dalam nyaom biai hu dom Akaok mentri, Thứ trưởng, akaok kapul nyaom Du lịch Vương quốc Campuchia, Cộng hòa Dân chủ bhap bani Lào, Cộng hòa Liên bang Myanmar, Vương quốc Thái Lan, akaok dom bal dalam bhum kraong Mê Công.

# Jabat rajaei barau hu harak brei thau kadha tacei pato do Thủ tướng rajaei  Nguyễn Xuân Phúc pandar thanh tra bruk brei phép brei jru di taneh lingiu tame, brei harak tut angan ba jru saong njauk thầu brei jru di Công ty cổ phần VN Pharma. Taphia nan, njauk brei ka Thủ tướng rajaei thau dahlau harei 31/12/2017.

 # Patagok hệ thống pabam doanh nghiệp nan lac nền tảng piah thương mại hóa công nghệ saong jhul patagok bruk salih bahrau, panduan jao công nghệ. Langiu vai trò di karja, njauk pataom taong abih nguồn lực, abih di nyu lac hợp tác công - tư piah patagok baoh jeng siam mekre bruk dak padang sapng peih ngak labik pabam doanh nghiệp. Ini lac asal kadha hu ndom tal dalam Nyaom biai “Hiện trạng saong dom jalan ngak patagok khang kajap dom labik pabam pak Việt Nam”, kayua pasak  pabam Doanh nghiệp Ngak nong Công nghệ glaong Bal raya Hồ Chí Minh bahrau peih ngak.

# Akaok Cục Y tế Dự phòng  brei thau, dom chủng virus kum menuk ada ye kum A/H7N9, kum A/H5N2, kum A/H5N8 oh ka hu pak Việt Nam min tuk halei jeng mbuan si pambak tame taneh ia tapa bruk pajeng, pablei salih, pablei menuk ada saong ralo menuk ada blei lậu meng taneh ia lingiu oh camabih asal di nyu. Anak bruk ini, mintri Y tế barau hu công văn payua Giám đốc Sở Y tế dom tỉnh, ban ka patagok bruk caga kum menuk ada.

# Giải bóng bàn cúp Kapulurang ngak báo Việt Nam mbang ka XI, thun 2017 hu peih tabiak dalam harei 7/9, pak sang pakacah Trịnh Hoài Đức, Hà Nội. Giải bóng bàn cúp Kapul urang ngak báo Việt Nam mbang ka XI, thun 2017 kayua kapul urang ngak báo Việt Nam, Sở Ilamo padhih song rivang ma-in bal Hà Nội, Kapul urang ngak báo bal Hà Nội pambuak gauk peih ngak meng harei 7-9/9.

Khaw tin dunya

 # Tổng thống Hàn Quốc Moon Jae-in caong khin peih praong talei pambuak bruk kinh tế di Hàn Quốc saong Nga di rilo gah, dalam nan hu năng lượng, cơ sở hạ tầng saong ngak nông. Urang dang akaok Hàn Quốc ndom lac, bruk dom taneh ia Đông Bắc Á pambuak bruk patagok jak jeng bhum Viễn Đông meda daong langyah hòa bình bruk hạt nhân di Triều Tiên.

 # Tổng Giám đốc Kadung jien dunya (IMF), Christine Lagarde (Cri-xtin La-gác-đơ) bahrau pok sap iew brei patagok tỷ lệ urang kamei ngak bruk piah jhul patagok kinh tế dalam tukvak dân số châu Á dak harei dak taha nao. Tui kuhria Nhật Bản meda jeng negar hu dân số "biak taha" akaok meti, ngan haong 28% dân số meng 65 umo tagok, patui nan Hàn Quốc ngan haong labaih 20% dân số dalam umo ini dalam thun 2030.

# Tổng thống Indonesia Widodo barau nao tal Singapore pataom tame nyaom biai sit paglaong dua taneh ia. Tui kuhria, di nyaom biai ini, dua urang dang akaok meda brei thau sahneng di drei ka bruk ngak di dunya saong  khu vực, taong yaom talei pambuak bruk dua gah, taphia nan duah jalan pambuak bruk barau hu pambuak kinh tế, an ninh saong ginum biai ilimo./.