Khaw tin 10h30 saong 14h30 harei 9/11/2016

       # Biar harei kabroi 8/11, pak jabat Trung ương Đảng, Tổng Bí thư Nguyễn Phú Trọng hu taduan raok Tổng thống Ai-len, Hích-gin daok rivang pakat karja pak Việt Nam. Pak van taduan raok, Tổng Bí thư Nguyễn Phú Trọng caong khin dua negar patagok bruk ginum biai nao mai pakat glaong, jhul pakhang bruk pambuak gauk dalam dom gah ngak nong, năng lượng hacih, công nghệ glaong, pato megru, tui jalan patagok khang kajap, patagok bruk pambuak gauk angaok dom diễn đàn dunya piah khik iek sron mbon, an ninh, jhul patagok talei pambuak bruk saong patagok angaok dunya.

       # Dalam mbang nyaom bair harei kabroi 8/11, ngan saong 82% urang QH njauk hatai, Quốc hội brei tapa Sarak ka bruk rami ramik veik kinh tế tukvak 2016-2020. Bruk rami ramik veik kinh tế tukvak 2011-2015, Sarak taong yaom : taphia dom bruk ngak hu, bruk ngak tui 3 kadha praong rami ramik veik kinh tế oh ka ngak hu njauk bruk ba tabiak. Cơ cấu đầu tư suai salih bahrau, bruk đầu tư bair. Dom yếu kém, hạn chế barau ndom nan rilo meng kayua chủ quan.

        # Page harei  8/11, pak Jabat Raja-ei, hu rah tabiak mbang nyaom Ban tacei pato ka dom jalan ngak grap tanat rai diuk saong ngak mbang, pala drak, pablei salih ka bhap bani 4 tỉnh gah kreh negar njauk neriak tachuac di tasik. Hadei di tuk pang Mentri Ngak nong saong patagok palei pala, lambaok dom Mentri, ngành, puk palei pathau khan, brei panuac di van nyaom, Phaok Thủ tướng Trương Hòa Bình ba tabiak jalan ngak lac: Daong ka bhap bani 100% ngan haong kaya ikan pambuk dalam kho oh daok siam njauk ba nao am cuh klak; daong ka bhap bani 70% ngan haong kaya ikan pambuk dalam kho tapa harei pandar panduan ba nao ngak pandap mbang ka anek athur raong; daong ka bhap bani 30% ngan haong kaya ikan pambuk dalam kho daok siam, taphia di nan daong brei abih jien điện saong jien laba.

      # Adit “Jum pataom dom bangsa – inem krung ilimo  Việt Nam” thun  2016 peih pakak di harei 18/11 saong tamat di harei 23/11 di palei ilimo – du lich dom bangsa Việt Nam.  Pataom tame adit “jum pataom dom bangsa – inem krung ilimo Việt Nam” hu jaik 120 taha palei, akaok palei, nghệ nhân, bhapbini dom bangsa hu jak ba meng dom puk palei lambaok ka dom bangsa di dom bhum, puk palei dalam taneh ia.

     # Mentri Pato megru bahrau hu công văn payua ka Sang bac Đại học Luật Hà Nội pandar taduan mek sinh Đặng Thị Huyền, anek saih sang bac Phổ thông Bangsa gam bac gam daok pakat 2-3 Yên Minh, tỉnh Hà Giang – mek hu angan anek saih bac naih jioy pakat negar thun 2016, taphia di nan mek hu 27,5 điểm dalam mbang pakacah trung học phổ thông negar 2016 min jeng laik đại học, pandar sang bac tuyển adei Huyền hu tame bac ngành adei hu njauk tuyển.

      # 6 harei tapa,  ia di Suối Cái tagok glaong pacang jalan nao trun xã ngak ka labaih 80 sang bhapbini di bhum 8, palei Thái Long, xã An Lĩnh, huyện Tuy An, tỉnh Phú Yên oh nao mai hu; padai brah pandap mbang menyum caik piah di mikva jeng abih. Anak bruk ini, harei kabroi  (8/11), karja huyện Tuy An hu padang Tổ ngak bruk saong jak ba bol bala pajeng dom pandap panda ye : mì tôm, menyek mbang, ia mesin daong ka dom sang di ini. Đại tá Phạm Văn Hổ, Chỉ huy trưởng Bộ Chỉ huy quân sự tỉnh Phú Yên brei thau : Mikva bhapbini ieu nao pak libik halei lac bộ đội halan hatian hu mbaok di nan. Urak ini hu tacei pato di dom gah chuc nang ba abih pandap panda hu blaoh ba trun daong mikva, mikva caong daong bruk hagiayt ye kol dahlak daong bruk nan.

       # Sang iek ruak Bà Rịa (tỉnh Bà Rịa-Vũng Tàu) brei thau: bahrau cấp cứu ka 3 amaik anek njauk jru mek kayua mbang bu kiuk; yau nan min tal page harei kabroi 8/11, taong abih 3 anek amaik metai abih kayua njauk jru mek biak trak. Dom bác sĩ kakei bhap bani juai mbang kuec saong pandap panda ta-eng drei ngak tabiak meng kuec. Meyah hu pandar kuec ngak pandap mbang ye juai mbang baoh saong gan kuec. Dalam tukvak ngak, juai caik ka kalik kuac, tung pruac, katak kuec meluk tame rilo kuec. 

            Khaw tin dunya

       # DI ban ine Viêng Chăn, Đại sứ quán Việt Nam di Lào barau peih bruk taduan mek jien rik daong meng bhapbini urang Việt daok di Lào daong bhapbini dom tỉnh gah kreh negar ramik pasiam bala di 2 mbang ia xua barau blaoh. Tapa nan, Đại sứ Việt Nam di Lào Nguyễn Mạnh Hùng hu taduan mek paok jien jaik 12 rabau USD daong bhapbini gah kreh negar meng lambaok dom jabat doanh nghiệp, bhapbini urang Việt Nam daok di Lào. 

       # Bruk buh phiếu pilih ruah Tổng thống Mỹ hu brei thau pak dom bang. Blah Negar Mỹ harei ini brei thau bruk kiểm phiếu pak klau bal sit brei mboh, ong Trăm mek hu jayak anak amuk Hi-la-ri, ngan haong số điểm lac 32-25. Tui duah thau dahlau di tuk buh phiếu, amuk Hi-la-ri jeng daok ba akaok dut haong ong Trăm min ngan haong khoảng cách trun tagok oh ralo, meng 2 tal 5%. Yau nan min, bruk brei thau ka urang jayak jeng njauk cang tal harei 9/11 meyah dua ứng cử viên hu kết quả jaik gauk saong gaok mai njauk kiểm phiếu veik pak dom labik.

     # Gah chuyên gia hu panuac brei mboh dahlau lac jien Ringgit di Malaysia saong dom đồng nội tệ di dom darak pasal barau tamuh mbang tui tame thương mại di châu Á meda gaok kan kandah meyah ong Donald Trump (Dô-nan Trăm) jayah di mbang pakacah tame Nhà Trắng di Mỹ. Dom darak pasal ini hu Singapore, Malaysia saong Đài Loan (Trung Quốc) kayua ini lac dom gah pambuak bruk pablei salih hu kim ngạch xuất khẩu praong tame darak pasal  Mỹ saong pagam pambak praong tame bruk pablei salih di dunya./.