# Hu gac sa 1 labik darak melam bahrau peih tabiak di angaok dom jalan Trần Quý Cáp, Bạch Đằng saong Tiểu La, phường Minh An dalam ban klak Hội An, tỉnh Quảng Nam. Tapa nan, daong ka bhap bini hu labik pablei salih di labik gah timur ban klak. Yau nan, di ban klak Hội An, tỉnh Quảng Nam urak ini hu 3 labik darak melam. Nan lac darak melam Nguyễn Hoàng, daok gah anak baha Chùa Cầu pablei pandap lưu niệm; Darak melam Côn Nữ Ngọc Hoa, rah tui kraong Hoài pablei pandap mbang menyum saong darak melam bahrau peih nan.

# Rayo paparsap papar binguk Đồng Nai, Hội Nhà báo Việt Nam pambuak bruk saong Hội Nhà báo tỉnh Đồng Nai peih khóa pasram nghiệp vụ “Vak tin bài paparsap barau ” dui atah  3 harei meng harei 8 tal harei 10/3 ka jaik 30 urang vak di rayo papar sap papar binguk dom tỉnh gah meraong meng Khánh Hòa tame. Khóa pasram nghiệp vụ vak tin bài papar sap papar binguk barau oh daok di lingiu bruk salih barau saong paglaong chất lượng asal kadha dom danakdak papar sap duh ka bhapbini.

         # Di tỉnh Bình Phước, mBan tacei jalan jak ba halan hatain brei darah tỉnh Bình Phước pambuak bruk haong pasak truyền máu sang iek ruak Chợ Rẫy (Thành phố Hồ Chí Minh)  peih harei pataom brei darah thun 2018, hu mbaok labaih 800 dam dara urang đoàn, urang halan hatian. Amuk Nguyễn Thị Thuận, Phó Chủ tịch Hội Chữ thập đỏ tỉnh Bình Phước brei thau: Bruk halan hatian brei darah hu rilo bhap bini saong urang halan hatian pachreih tui. Yaok thun, dom urang halan hatian brei labaih 12.000 đơn vị darah, dalam nan urang halan hatian brei darah rilo mbang hu labaih  70%. 

# Dua mintri Công thương – jien padai barau brei kaoh - padang saong chi pandar quỹ tani tanat, khik tani tanat yaom  xăng, menyek di dom mbang salih yaom giá xăng menyek harei 8/3 piah rik daong trun takik jien blei tame di doanh nghiệp ngak mbang saong pablei salih, daong raidiuk di urang bhapbini, mintri Công thương – jien padai khik tamo tanut trích lập quỹ khik kajap yaom xăng menyek ka dom janih xăng menyek ye urak ini.

# Piah pandar điện patak pataom saong kein laba jang, rilo kalup kapul urang kumei atak pataom điện hu padang tagok di tỉnh Bến Tre. Dom kalup kapul ini hu ba mai kein laba ka raidiuk bhap bini. Ong Nguyễn Trọng Hoàng, Phó jabat pasang iek bruk pablei salih điện, Công ty Điện lực Bến Tre brei thau: bruk patak pataom điện dlam thun 2017 di tỉnh Bến Tre hu labaih 26 triệu Kwh.  Dalam nan , dom kalup kapul patak pataom điện di kapul urang kumei dom pakat hu peih tabiak daok ba mai kein laba     

Khaw tin dunya

# Harei 8/3, ông Vị-rạ-thay Sẳn-tị-prạ-phốp (Veerathai Santiprabhob) – Thống đốc gilang pariak negar Thái Lan brei thau, gilang pariak negar Thái Lan barau hu patao Rama 10 phê chuẩn bruk brei adat patabiak pandar jien barau hu thaot po patao Rama 10. Ini lac jien bath kiểu barau di Thái Lan saong jeng lac jien bath yaka 17 di negar baha ameh. 

# Tui sarak bahrau di Ả-rập Xê-út, urang kumei taneh ia ini meng tuk ini hu mbaok tame ngak lin, hu quyền peih labik pablei salih bo oh cang bruk brei adat di pasang likei atau gauk gar lac urang likei. Dahlau di nan, urang kumei taneh ia  vùng Vịnh ini hu brei adat peih radaih xe hơi, hu nao iek pakacah thể thao di sân vận động. Ini hu maong lac dom salih bahrau biak praong di Ả-rập Xê-út piah jhul patagok bruk likei kumei samu gauk.

# Mintri Ngoại giao Mỹ brei thau, meng harei 11/3 tal, Ngoại trưởng Rếch Tin-lơ-xơn (Rex Tillerson) meda hu mbang ravang tal Thổ Nhĩ Kỳ saong 4 taneh ia Trung Đông karei dui atah jaik sa adit, dalam tuk căng thẳng di Oa-xinh-tơn (Washington) saong An-ca-ra (Ankara) daok dalam tukbak jaik si tal ala, hadei di mbang mesruh quân sự di Thổ Nhĩ Kỳ di Xi-ri (Syria).