Khaw tin 10h30 saong 14h30 harei 9/6/2016 

# Pagaiy harei kabroi 8/6, di Hà Nội, Hội đồng pilih ruah negar hu nyaom mbang ka 6. Brei panuac dalam mbang nyaom, akaok Quốc hội, akaok Hội đồng pilih ruah negar Nguyễn Thị Kim Ngân lac : mbang pilih ruah di bhapbini hu rah tabiak dalam dân chủ, njauk adat hukum. Cử tri nao pilih ruah biak glaong labaih 99%. Bruk biak uan lac an ninh chính trị trật tự an toàn xã hội di negar hu rah tabiak siam. Daok kết quả pilih ruah urang ka Quốc hội, Tổng thư ký Quốc hội Nguyễn Hạnh Phúc brei thau, dalam taneh ia pilih ruah hu 496 urang, kurang  4 urang duk saong abih tih urang hu pilih ruah.

/ Harei kabroi 8/6, jaik 11.000 anek saih Đà Nẵng pakacah kadha Ngữ văn mbang pakacah tame tal 10 dom saong bac THPT di ban Đà Nẵng thun bac 2016 – 2017. Mbang pakacah tame tal 10 di ban Đà Nẵng thun ini hu ralo salih barau: sở pato megru ban ĐN klak lễ peih mbang pakacah tame tal 10 THPT; bruk giao nhận đề pakacah saong kadha pakacah hu peih ngak dalam harei di taong abih dom hội đồng pakacah; akaok hội đồng iek pakacah lac urang taduan trách nhiệm glaong abih saong puac abih di yaok bruk hu jao di labik pakacah. Thun ini, gah pato megru ban ĐN padang 27 hội đồng pakacah ngan saong 460 duk pakacah, pachreih jaik 1.500 urang jakar, gru pato iek pakacah.

# Meng bilan 3 tal ini, yaok ratuh  bhapbini palei An Nghiệp, xã Hoài Mỹ, huyện Hoài Nhơn, tỉnh Bình Định njauk mbeik drei pacang tua riya, njaom mbak. Yaok ratuh sang di ini harei harei njauk blei ia hacih mai pandar. Ia bingun njaom mbak, njaom phèn, tua riya dui atah ngak ka nồng độ ia njaom mbak saong phèn glaong jang. Ông Nguyễn Văn Hinh, urang jakar pasak ia hacih saong saat alam moi trường palei pala tỉnh Bình Định brei thau :“Anak bruk yau ini Uỷ ban bhapbini  tỉnh hu dom jalan ngak, samar ba ia ka bhapbini. Ba bộ đội kuac kraong, dom jalan ba ia, ngak bingun khoan, caoh bingun. Suai lavik lac ba ia tame abih sang mac piah brei ka bhapbini  ”.    

/ Melam kabroi 8/6, harei pataom baoh sang ilamu hadah krah tỉnh Bình Thuận mbang ka 3 thun 2016 hu peih tabiak di ban Phan Thiết. Hu mbaok tame harei pataom baoh sang ilamu hadah krah tỉnh Bình Thuận thun ini hu 24 baoh sang lambaok ka jaik 262.000 baoh sang ilamu dalam tỉnh. Nan lac dom baoh sang ralo thun gam mek hu angan baoh sang ilamu, raong pato anek jat gheih, diuk pasang hanem phon, hu rai diuk tani tanat, kham merat yam tapa yaok kan kandah piah padang baoh sang trei sil, hanem phon saong hu ralo rik daong ka XH.

# Meng akaok thun tal ini, tỉnh Đồng Nai duah mboh saong langyah 14 labik sik pabui lậu.  Urak ini gah chức năng saong karja puk palei di tỉnh ini daok pataom tame langyah dom labik sik rilo lậu. Ông Phan Minh Báu, Phó Giám đốc Sở ngak nong saong patagok palei pala tỉnh Đồng Nai brei thau :“Kol dahak mbeik veik gah thú y, khan brei ka puk palei thau khik ramik catang dom lò sik rilo lậu. Khang hatai yah klak  bruk ini. Kol dahjlak breilangyah catang , taong phạt saong mek ba nao cuh klak abih pabui lậu, yah klak abih dom labik sik  rilo lậu.

/ Harei kabroi 8/6, di ban raya HCM, HLH urang kamei ban raya HCM peih harei pataom bruk ngak urang kamei mbang ka 8 saong pambuak doanh nghiệp yaih khan pandap Việt thun 2016. Harei pataom bruk ngak urang kamei pachreih hu 90 doanh nghiệp tut angan  pilih ruah labaih 3.000 urang, ngak dom bruk yau: dang pablei salih, kỹ thuật, pambuak bruk pablei pandap tapa mạng, jang ngak takau tangin, ngak mbuk… langiu di nan, jaik 150 đơn vị pablei salih, HTX, tổ sản xuất di 24 quận huyện hu mbaok tame yaih khan pandap saong pablei dom pandap thủ công mỹ nghệ, pandap mbang hacih sa-at, dom pandap ngak meng phế liệu.

# Kiên Giang lac tỉnh ngak padai praong di bhum taneran kraong CL. Tua mbak nyu ngak ka labaih 86 rabau ha vụ Mùa saong vụ Đông Xuân khat lahik trak. Rilo labik dalam tỉnh thulagu, kurang ia trak. Dom mbang hajan akaok bilan ba tui dom jalan ia la ar, bingi. Bhapbini oh ka sumu bui sambai ye dom mbang hajan akaok bilan ngak ka labaih 30.500ha padai hè thu cang yuak jaleih abih, ngak patrun nang suat saong chat luong padai, ngak ka radiuk di mikva kan kadnah dak kandah jang.

Patui di ini dom khau tin dunya:

/ Ia sua tui kuhria meda tagok glaong abih di bang Tát-ma-ni-a, bhum cực nam Ôxtrâylia, mbuan ngak brei tayah tayac khang ban sajarah dak rai Lau-xê-stơn.

# Mintri Thương mại Thái Lan hu peih bruk đấu thầu 2,24 triệu tấn brah di harei 15/6 tal - khối lượng đấu thầu praong abih dalam 8 thun tapa. Ini lac bruk kham merat di rajaei Thái Lan piah ba tabiak abih brah caik piah dalam kho di negar .

/ Harei 7/6, gah y tế Lúc-xăm-bua brei thau lac hu sa urang njom virut Zika akaok meti di taneh ia ini. Urang ruak lac sa urang kamei umo 65 thun, njauk ruak Zika dalam mbang du lịch tal Mêhicô./.