# 9 urang taong ikan di sruh kapal BĐ 98271 TS hu kapal 9001 di Bộ Tư lệnh Vùng Cảnh sát biển 3 sraong daong blph ba mai pulao Phú Quý, Bình Thuận hu siam mekre di jalan pandiak harei 8-7. Dahlau di nan, harei 5-7, tuk daok taong ikan di tasik, kapl BĐ 98271 TS khut jamriak, seik angaok tasik. Labik kapal khut jamriak atah di pulao Phú Quý, Bình Thuận jaik 100 hải lý nao gah đông nam. Hadei di tuk taduan hu panuac ieu daong, Bộ Tư lệnh Vùng Cảnh sát biển 3 hu ba sruh kapal CSB 9001 samar nao tal labik kapal ikan gaok bala piah daong.

# Anak bruk yaom đô la Mỹ tago hamiet meng meteh bilan 6 tal ini, gilang pariak karja hu tabiak panuac lac halan taian pablei ngoại tệ can thiệp darak pasal; meyah mboh njuak ngak, meda pablei ngoại tệ yaom  bair duk saong yaom niêm yết urak ini piah tani tanat parak pasal, rik daong tani tanat kinh tế vĩ mô. Panuac ini hu ba tabiak iek tui bruk khik piah ngoại hối di Việt Nam daok di tanut kỷ lục labaih 63 tỉ USD, 5 bilan akaok thun, Việt Nam jeng daok xuất siêu...

# Di mbang ndom biai ka bruk “Di cư saong dom bruk môi trường di dom đô thị” kayua Viện Khoa học xã hội vùng Nam bộ peih tabiak bharau ini, PGS-TS Lê Thanh Sang- Viện trưởng, brei thau, dalam tuk tỷ lệ menuac sia dalam taneh ia trun meteh ye di ban raya HCM tỷ lệ menuac sia tgaok jaik 2 mbang. Tukvak tagok khang di abih lac meng thun 1999-2009, meblah tal 1/5  meuac sia dalam taneh ia. Menuac sia tagok kayua urang di cư meng dom bhum palei dalam taneh ia.

# Dom harei tapa, lingik pandiak bhang yau nan ye sứa bhian ndon tagok mbaok ia di rilo bhum tasik saong ngak katar ka urang meniay tasik. Di bhum tasik gah Bãi Sau, ban sit Vũng Tàu,  urang menaiy tasik daok gaok sứa apui. Ông Trần Văn Trường – dahlau diah ngak akaok mBan khik ramik libik du lịch ban Vũng Tàu – brei thau sứa tasik hu dua janih lac sứa patih saong sứa apui. Urang meniay tasik meyah gaok sứa patih meda ngak katal hasit min meyah gaok sứa apui – lac dom baoh sứa hu tua sambo màu hijap, bhon ye nyu ngak brei sarao, hadei nan kalik bhong tagok. Bruk njauk biai nan lac, dom thun jaik ini sứa dak harei dak rilo. Makna tui ông Thường lac kayua ikan tasik bhian mbang dom drei sứa, hu taong cap rilo, dak harei dak abih paje.

# Mesup ini 9-7, TAND TP.HCM ba tabiak xét xử bị cáo Nguyễn Hữu Tình (ndih tapui harei 29-1-2000). Tình njauk truy tố ka 2 duah lac pametai menuac, meblah drap ar ngan saong dom bruk trak jang kayua pametai rilo menuac, pametai uraniah saong mức án glaong di abih lac tử hình. Pandiak hatai kayua amuk pô lac alah metah saong khin pateik, Nguyễn Hữu Tình sa drei mek to pametai abih 5 urang dalam sang Mai Xuân Chinh, labik Tình ngak mbang pah di quận Bình Tân, bloh meblah drap ar di dah page harei 28 Tết.

Khaw tin dunya

# 4 urang akaok meti di kapul caoh blong Thái Lan hu kapul cứu hộ ba tabiak truh hang Tham Luang di harei aakaok meti di bruk daong nan. Di mbang họp báo rah tabiak di melam 8/7 hadei tuk hu brei thau dom adei sit hu ba tabiak truh hang Tham Luang, ông Narongsak, chỉ huy trưởng chiến dịch daong bala brei thau: bruk daong bala hu jak jeng rilo duk saong caong khin. Pagaiy harei ini, di Chiang Rai lingik daok tuh hajan trak asar. Tui kuhria, pagaiy ini 9/7,Thủ tướng Thái Lan Prayut Chan-o-cha nao tapak tal mblang bala piah pasang iek jeng ye pachreih dom kapul daong bala kham merat ngak siam bruk veik.

# Cảnh sát Ý, Tây Ban Nha, Đức saong Anh hu pambuak gauk daong mek veik 25.000 cổ vật yaom abih tih labaih 40 triệu euro (lac labaih 1.000 tỉ đồng). Labaih 250 cảnh sát di 4 taneh ia nan ba gauk đột kích tame 40 baoh sang, chap mek 43 urang pambuak tal bruk pablei salih cổ vật. Ini lac bruk ngak hu meng duah thau dalam 4 thun. Cảnh sát châu Âu (Europol) brei thau, dom urang nan nyu kuac mek yaok rabau cổ vật meng dom labik khảo cổ tại Ý bloh loa ba tabiak taneh ia lingiu. Urang urang jakar brei thau, bruk ngakdi kol nyu meda hu bruk bảo kê di dom urang jakar ngak praong di dom taneh ia nan,. Cảnh sát jeng chap mek 1.500 pandap piah kuac raok, dalam nan hu jamriak dò kim loại.

# Tòa án sơ thẩm di ban Chiba di Nhật Bản barau tuyên phạt bị cáo Yasumasa Shibuya, 46 thun, án tù chung thân kayua pametai adei Lê Thị Nhật Linh, 9 thun, urang Việt Nam. Dahlau nan, dalam tuk xét xử, yaom lac Yasumasa Shibuya oh taduan lac pambuak tal bruk metai di adei Lê Thị Nhật Linh min gah công tố jeng ba tbaiak mức án tử hình ka urang ini. Anak bản án di tòa tuyên chung thân saong bị cáo Yasumasa Shibuya ka tội pametai adei Lê Thị Nhật Linh, sang adei saong yaok yaok rabau urang halan hatian brei mboh thất vọng ka bản án ini, rilo urang jeng mboh duh hatai saong ndom lac njauk  tử hình urang ini meng njauk./.