# Văn phòng raja-ei bahrau di harak văn bản brei thau veik ka tacei pato di Thủ tướng Raja-ei Nguyễn Xuân Phúc yêu cầu thanh tra bruk brei adat blei tame jru, brei harak ba-at đăng ký lưu hành jru saong bruk njauk thầu cung cấp jru di Công ty cổ phần VN Pharma; khan brei ka Thủ tướng Raja-ei thau dahlau di harei 31/12/2017.

# Tui khik urang ngak taneh ia lingiu (mintri Lao động Thương binh saong Xã hội), di bilan 8, dalam taneh ia hu ba jaik 10.000 urang ngak nao ngak bruk pak taneh ia lingiu tui hợp đồng. Yau nan, dalam 8 bilan tapa, Việt Nam hu ba jaik 79 rabau urang ngak nao ngak bruk pak taneh ia lingiu (ngak hu 75,16% bruk ba tabiak dalam thun.

# Mentri pato megru bahrau payua harak gar tal om sang bac đại học, cao đẳng đào tạo gah gru pato piah mek ý kiến rik daong tame ka dự thảo jalan pakacah trung học phổ thông pakat negar 2018 saong jalan xét tuyển đại học, cao đẳng pambak tui kết quả pakacah di mbang pakacah nan. Dalam dự thảo pakacah thun 2018 hu đề xuất jalan kuhria điểm bài thi tổ hợp ngan haong sa akaok điểm yasa taong abih kadha pakacah, oh neh rabha jeng 3 akaok điểm tui yapk môn pakacah thành phần yau thun 2017. Ralo sang bac đại học brei thau lac njauk khik ka tani tanat jalan kuhria điểm yau thun 2017 piah palaghaih ka urang pakacah.

  # Tui khan brei thau meng Đội Cảnh sát giao thông số 1 (di Cục Cảnh sát Giao thông đường bộ), libik khik canah jalan cao tốc Nội Bài – Lào Cai, di km 124+850 jalan cao tốc Nội Bài – Lào Cai, canah tapa xã Quy Mông, huyện Trấn Yên, tỉnh Yên Bái barau rah tabiak mbang bala trak di jalan ngak ka rilo urang bị thương, dom janih radaih tayah tayaih trak.   

# Pak canah pak đoạn cagar gauk di jalan Trường Chinh saong jalan Lê Trọng Tấn, phường Hòa Phát, quận Cẩm Lệ, bal Đà Nẵng bahrau rah tabiak mbang bala angaok jalan mbak ngak ka sa anek saih metai. Urang metai nan lac adei Lê Thị Hồng Ánh, anek saih bac tal 8 sang bac trung học cơ sở Nguyễn Đình Chiểu, daok pak tổ dân phố 39, phường Hòa Phát, quận Cẩm Lệ.

  # Tui brei thau di gah y tế tỉnh Lào Cai, tukvak jaik ini, dom ca ruak pandiak tabiak darah hu mboh di dom puk palei jeng daok tagok glaong. DI tukvak ini dalam tỉnh Lào Cai hu mboh 84 ca, dalam nan 61 ca hu abih ruak nao sang, 21 ca jeng daok iek ruak di dom sang iek ruak dalam tỉnh. Ông Nguyễn Văn Sửu, Giám đốc pasak dut iek ruak – Sở Y tế tỉnh Lào Cai brei thau: jaik 100 ca ruak pandiak tabiak darah di tukvak tapa kol dahlak jeng mek darah xét nghiem samal drah, dom ca dương tính hu javap calei tuk nan, tapa nan daong ka bruk caga ruak iek ruak siam, dom urang ruak jeng hu pasang iek ruak catang, brei ndih karei. 

# Công an bal sit An Nhơn, tỉnh Bình Định bahrau cap kareik Trần Viết Ân, umo 34 thun, daok di xã Trà Đa, bal Pleiku, tỉnh Gia Lai, nghi can ngak tabiak mbang co klaik pak tiệm ameh angaok 2 tỉnh Bình Định saong Gia Lai. Pak jabat Công an, akaok mereip, Trần Viết Ân brei thau lac dalam jaik sa adit tapa hu peih ngak 6 mbang co klaik pak dom tiệm ameh, dalam nan hu 4 mbang angaok tỉnh Bình Định saong 2 mbang di tỉnh Gia Lai.

Khaw tin dunya

# bol bala Pháp, Anh, Hà Lan daok pataom tame daong chip di sa chuỗi dom pulao kaoh di Caribê gaok ribuk I-ma (Irma) taong tayah ngak 11 urang metai, yaok rabau urang lihik sang danaok di dom bhum lãnh thổ Pu-éc-tô Ri-cô (Puerto Rico) di Mỹ, dua bhum lãnh thổ Xanh Mác-tin (Saint Martin) saong Xanh Bat-thơ-le-mi (Saint Barthelemy) di Pháp saong dom pulao di Hà Lan.

# Pasak Hòa bình Thế giới Chê-ông-sim (Cheongshim), di ngoại ô bal ine  Xơ-un (Seoul), Hàn Quốc bahrau rah tabiak sa bruk ngak biak karei, nan lac ngak đám lakhah tập thể di 24 ribau yau uyên ương meng ralo negar angaok dunya. Dalam nan hu 4 ribau yau hu mbaok tapak dalam bruk ngak ini, daok labaih 20 ribau yau karei hu mbaok ngak adat tapa mạng in-tơ-nét.

# Cảnh sát liên bang di Braxin barau mek kareik 4 urang gam saong 250 ki-lô-gam cô-ca-in (cocaine) di mblang ahaok Ri-ô-đờ-gia-nây-rô (Rio de Janeiro). Dom urang gaok mek khik hu quốc tịch Braxin, kuhria caga dang anak daong kol pablei salih lậu ma túy di dunya saong gaok mức án guk tal 25 thun./.