# Patui danak dak mbang nyaom ka 5, Quốc hội mbang 14, harei ni (25/5) quốc hội pataom gauk di  hội trường ginum biai brei panuac tong yaom pabak bruk peih ngak jalan tagok  kinh tế-xã hội song kadung jien karja thun 2017; bruk peih ngak jalan tagok kinh tế-xã hội song kadung jien karja dom bilan akaok thun 2018 song  Quyết toán kadung jien karja  thun 2016. Dahlau di nan, di var peih mbaok mbang nyaom ka 5, pathau khan ni hu  Phó Thủ tướng Thường trực Trương Hoà Bình lambaok Thủ tướng rajaei pathau khan anak Quốc hội. Dalam nan njauk sangka  bruk patagok  GDP - hu 6,81% yam tapa tanut Quốc hội jao, patrun boh sang kathaot tui tanut kan kathaot đa chiều lac 1,51%, daok dom huyện kathaot trun 5%.

# Barau ini, mintri Giao thông vận tải (GTVT) hu salih angan dom "trạm thu phí" BOT jeng "trạm thu giá" BOT, ngak brei menuac sia hu ralo panuac oh njauk hatai. Di lingiu mbang nyaom ka 5, Quốc hội mbang XIV, dom urang QH hu panuac ndom ka bruk pandar baoh akhar ini. Urang QH Nguyễn Thanh Hải, akaok mBan Dân nguyện ndom lac, bruk salih akhar meng “trạm thu phí” tapa “trạm thu giá” di mintri Giao thông vận tải (GTVT) meda ngak ka urang bhapbini sahaneng karei. Tui nan, mintri njauk salih atau pabak ka ginup meyah daok khik akhar “trạm thu giá”.

# Thủ tướng rajaei Nguyễn Xuân Phúc bahrau mbaoh tangin tame Chỉ thị 13/CT-TTg, harei  24/5/2018  ka bruk padang jalan patagok kinh tế - xã hội song dự toán kadung jien karja thun 2019.  Chỉ thị tacei lac , thun 2019, kham merat mek hu tanut patagok tổng sản phẩm dalam negar (GDP) labaih 6,8%.

# Rilo sang urang bhapbini di huyện Đăk Hà, tỉnh Kon Tum daok gaok khat lihik trak ka kinh te kayua ikan raong jaik si tal tukvak mek pablei ye nyu metai ndon patih mbon tagok ambaok danao. Urak ini hu jaik 13 tấn ikan metai, tui kuhria khat lihik labaih meteh tỷ đồng.

# Tuk vak 2018-2020, tỉnh Cà Mau kham merat  ba 1.000 urang ngak nao ngak bruk hu takvak di negar langiu tui harak pambuak brukg. Tui kuhria yaok thun, tỉnh Cà Mau hu ba labaih  340 urang ngak nao ngak bruk hu tuk vak di dom negar yau: Nhật Bản, Hàn Quốc, Australia, Đài Loan… 

Khaw tin dunya

# Tổng thống Pháp Em-ma-nu-en Ma-crông harei 24/5 brei thau lac  khik caga thỏa thuận hạt nhân Iran hu mbaoh tangin thun 2015 kayua dom siam mekre saong kein laba bo thỏa thuận ba mai, tsaong daok ginum biai haong Iran ka dom paka pabak ka thỏa thuận ini. 

# Thống đốc bahrau di gilang pariak negar Indonesia (BI), ong Perry Warjiyo (Pe-ri Oa-ri-y-ô) hu panuac lac bruk ngak anak meta di ong njauk tani tanat  đồng Rupiah.  BI brei tagok jien laba  4,5% dalam mbang nyaom meng bloh. BI daok kham merat ngak  piah tani tanat đồng Rupiah meng jalan buh pabak jien tame darak pasa piah patagok bruk thanh khoản song blei  trái phiếu rajaei di darak pasa thứ cấp. 

# Dom urang roh duah harei 24/5 hu panuac lac meyah oh khik hu tanut patagok nhiệt độ dunya oh tapa 2 độ C ye kinh tế dunya meda khat lihik yaok pluh rabau tỷ USD dalam 80 thun tal. Tui bruk roh duah hu ba tagok tạp chí Nature, 80% dom taneh ia saong 90% menuac sia dunya meda hu kein laba praong ka kinh tế kayua plaih hu dom paok jien lihik pambuak tal nhiệt độ dunya tagok glaong./.