# Dalam mbang nao ngak bruk di dom tỉnh gah meraong,  Tổng Bí thư Nguyễn Phú Trọng hu van ngak bruk haong tỉnh An Giang. Brei panuac dalam van ngak bruk haong urang dang akaok tỉnh An Giang page harei 15/4, Tổng Bí thư Nguyễn Phú Trọng pandar An Giang kham merat jang, patagok pren khang di drei, ba An Giang dak harei dak cakrok patagok, tui jalan: Ndom lac ngak, nao lac tal, biai ye brei tapa, ngak ye njauk sa hatai haong gauk.

# Patui mbang nyaom ka 23, pagaiy ini (16/4), Ủy ban thường vụ Quốc hội brei panuac mbang dua ka dom bruk daok ndom biai nao mai karei di gauk di dự án hukum Đơn vị hành chính-kinh tế đặc biệt. Dom urang jakar caong khin njauk hu cơ chế pasang iek quyền lực di akaok uy mban bhapbini đặc khu ngan saong jalan sahneng bahrau lac: “ưu đãi gloang lac  trách nhiệm, chế tài jeng njauk glaong jang. Tabhia nan, njauk caik hatai rilo ka quyền pandar taneh 70 thun saong oh tapa 99 thun, plaih gaok tan lợi ích, chủ quyền taneh ia.

# "Bruk padang ngak labik daok palei pala baharu kiểu mẫu, bein mẫu meda ngak jeng nền tảng prong piah pamaong tal dak padang xã palei pala pala bahrau kiểu mẫu saong huyện palei pala bahrau kiểu mẫu, dalam nan, njauk ngak brei patagok rai diuk mbang ngui, daok dang ka bhap bani di palei pala." Uỷ viên Bộ Chính trị, Phaok Thủ tướng Vương Đình Huệ hu ndom yau nan pak nyaom biai pakat negar peih ngak bruk dak padang mô hình labik daok palei pala bahrau kiểu mẫu, bein mẫu, rah tabiak page harei 15/4 pak bal Hà Tĩnh.

# Meng harei 15/4 nao, dom công trình, dom bruk ngak mbuan ba tal khuah, patuh ye: chung cư, khách sạn; danaok khik uranaih, sang bac mẫm non; cửa hàng xăng menyek hu meng sa geng tagok; sang iek ruak, sang điều dưỡng, pasak y tế, libik y tế iek ruak karei karei…jeng njauk blei bảo hiểm khuah, patuh bắt buộc di dom doanh nghiệp ngak mbang gah bảo hiểm khuah, patuh. 

# Di Buôn Trí A, xã Krông Na, huyện Buôn Đôn harei 15/4, kapul  hữu nghị Việt Nam – Lào tỉnh Đắk Lắk pambuak bruk saong uy mban bhapbini huyện Buôn Đôn peih nbruk salam uan Tết cổ truyền Bunpimay – Lào 2018. Tết Bunpimay daok ieu lac harei paraom thaic ia, roya uan thun barau, Tết mengkan di bangsa Lào. Ini lac roya praong abih dalam thun, urang bhapbini thiac ia piah caong patoah jamo, haniem siam dalam thun.

Khaw tin dunya

 # Di sa nyaom biai pakat glaong peih pakak harei ini (16/4), ngan saong bruk hu mbaok di urang dang akaok 53 taneh ia, Thủ tướng Anh Thê-rê-sa Mây (Theresa May) meda ieu Khối Thịnh vượng chung paglaong pablei salih saong ngak tabiak dom bruk pambuak gauk barau, peih ngak sa nyaom biai pakat glaing ngan saong bruk hu mbaok di urang dang akaok 53 taneh ia, hu maong lac hu sa libik dang dak harei dak praong ka Anh hadei tuk tabiak truh Liên minh châu Âu.

# Biar harei 15/4 pak tỉnh Luông pha băng (Luangprabang), Bắc Lào, rah tabiak bruk brei thau Thun du lịch Lào 2018, brei thau bruk dak padang bal Luông pha băng saong adat raok kiệu uan thun bahrau, thun 2561 Phật lịch Lào.  Bruk diễu hành saong raok kiệu nàng Xuân nan lac sa bruk ngak prong pachreih hu ralo bhap bani saong tuai damuai dalam saong langiu negar hu mbaok tame. 

# Pasak An toàn giao thông negar Thái Lan (RSC) barau ini brei thau, dalam klau harei padheih akaok meti di tết Xổng-kran (Songkran) dom urang metai saong njauk rambuac kayua gaok ginuh radaih di jalan mbak tagok glaong duk saong dom bilan ini thun dahlau. Kuhria dalam harei 13/4 hu 820 mbang bala di jalan mbak, ngak ka 86 urang metai saong 852 urang njauk rambuac.