# Cố vấn Karja Cộng hòa Liên bang Mi-an-ma, amuk Ong San Su Chi (Daw Aung San Suu Kyi) ba akaok kapul urang lambaok pakat glaong Mi-an-ma mai rivang Việt Nam meng harei 19 – 20/4/2018. Thủ tướng Raja-ei Nguyễn Xuân Phúc brei panuac uan tabuan hu raok amuk Ong San Su Chi mai rivang  Việt Nam; tadhau ayuh dom jak jeng siam mekre bo raja-ei Mi-an-ma mek hu dalam tukvak tapa; brei thau lac pachreih tui Mi-an-ma dalam bruk hòa hợp, hòa giải bangsa jeng yau dalam bruk dak padang taneh aia Mi-an-ma sron mbon, grap tanat saong patagok.

# Di Quảng trường Đại đoàn kết, libik dom palei bangsa II, palei ilimo Du lịch dom bangsa Việt Nam, Đồng Mô, Sơn Tây, Hà Nội harei kabroi (19/4) hu peih pakak dom bruk ngak salam uan harei ilimo dom bangsa Viet Nam (19/4) thun 2018. Harei ilimo dom bangsa Việt Nam thun ini hu rilo bruk ngak brei mboh veik dom ilimo bangsa bhum palei ye: ngak veik adat Xăng Khan di bangsa Thái; parang iek ẩm thực dom bangsa bhum Tây Bắc; ngak veik adat caong khin hajan di bangsa Gia Rai; parang iek giai điệu Tây Nguyên…

   # Tui UB bhap bani tỉnh Ninh Thuận, urak ini jeng oh ka rah tabiak tua riya pandiak bhang pambak prong. Bruk pabo metai saong kurang aia pala drak tok hu mboh di dom labik dalam xã Phước Trung, huyện Bác Ái. Daok veik dom labik karei dalam tỉnh jeng daok pala drak. Hệ thống thủy lợi dalam tỉnh daok labaih 120 triệu m3, samu 62% dung tích thiết kế. Yau nan min, tui kuhria dahlau, dalam klau bilan anak tal, lượng hajan meda trun ralo dut haong dom thun dahlau, ribuk aia sua jeng takik jang nan ye tua riya pandiak bhang meda rah tabiak meyah langik pandiak dui atah. ong Trần Quốc Nam, Phaok akaok UBND tỉnh Ninh Thuận brei thau:  “Kaya nan lac pataom tame ngak tui jalan tacei ba di pakat ủy Đảng. Taong abih hệ thống chính trị tame ngak abih. Kham merat mek hu 4 mục tiêu. Nan lac oh caik kurang aia, oh caik kurang mbang, oh caik tamuh tabiak jit ruak, pataom tame ngak khang bruk pasalih janih phun pala saong pacang khik anek athur raong.”

4# Bair harei 19/4, di Hà Nội, Phó Chủ tịch - Tổng Thư ký Ủy ban Trung ương MT negar Việt Nam Hầu A Lềnh hu mbang taom gaok kapul urang jakar hu 40 kiều bào tỉnh Udon Thani, Thái Lan di tuk kapul mai ravang bpalei negar. Panuac di MT negar Việt Nam nan lac ngak jeng talei rohim ka mikva kiều bào daok atah negar kak kajap haong palei negar, Ông Hầu A Lềnh brei thau, Uỷ ban Trung ương MT negar Việt Nam tuk halei jeng sangka daong brei piah mikva kiều bào hu raidiuk tani tanat, mbeik drei tame xã hội di taneh ia daok diukrai.

# Tỉnh đoàn Khánh Hòa pambuak haong báo Tuổi Trẻ bahrau peih ngak danak dak "Nhịp cầu nhân ái" pok brei 30 drei limo pajaih ka 30 baoh sang hu rai diuk kan kandah njauk pambak ribuk aia sua di puac thun 2017. Ong Trương Tấn Hùng – phaok bí thư Tỉnh đoàn Khánh Hòa klah rabha, ngan haong bhap bani dom labik daok gaok ralo kan kandah yau Khánh Vĩnh, Vạn Ninh, Ninh Hòa... ye dom drei limo pajaih ini biak hu yaom.

Khaw tin dunya

# Mintri jien padai Mỹ daok pasang iek dom bruk trun takik  đầu tư di Trung Quốc pak Mỹ meng bruk pandar luật quyền hạn khẩn cấp. meyah dom bruk trun takik hu ba tabiak, ini lac jalan nao patui di nan di karja Đô-nan Trăm dalam bruk trừng phạt Trung Quốc ka bruk bo Mỹ ndom lac taneh ia ini ngak suan quyền sở hữu trí tuệ di Mỹ.

# Thứ trưởng Mentri Jian padai Nhật Junichi Fukuda harei 18-4 tabiak panuac từ chức kayua manuac sia lac ong quấy rối tình dục dom urang urang phóng viên. Ong Junichi Fukuda, umo 58 thun, ndom lac, dom panuac ndom ong quấy rối tình dục lac oh njauk, oh biak. Yau nan min, đơn likau padeih di ong hu Akaok mentri Jien padai Nhật Taro Aso chấp nhận dalam harei. Báo New York Times ndom lac bruk ong Fukuda từ chức nan lac kadha brei mboh Nhật Bản daok hu mbaok gam haong dunya dalam phong trào " Metoo" di Hollywood piah brei thau cambaih laih saong pacang cakak dom urang lạm dụng, quấy rối tình dục.

# Hàn Quốc daok peih ngak sa danakdak pato pakai dinh dưỡng dalam sang bac biak chreih chrai. Danakdak pato pakai dinh dưỡng dalam sang bac kayua mintri patagok palei pala Hàn Quốc peih ngak hu angan ieu “ Pandap mbang hijao” hu 18 var bac yaok thun, neh tabiak ngak 2 học kì, daong anek saih duah tabiak sa chế độ dinh dưỡng siam meng dom pandap ngak nong kayua tangin dom adei pala. Anek saih hu bac bruk pala drak, pasang iek saong paik dom janih phun pala jeng ye bruk ngak mbang saong mbang menyum ka njauk.