**  Taduan panuac da-a di Tổng thống negar Ấn Độ Ram Nát Cô-vin (Ram Nath Kovind), harei ini 2/3, ong Trần Đại Quang, akaok negar haong diuk di ong, gam saong kapul urang pakat glaongViệt Nam, tabiak truh ban ine Hà Nội, tagok jalan nao rivang pakat negar tal Ấn Độ meng harei 2 - 4/3. Mbang nao rivang brei mboh lac Việt Nam khang hatai tui jalan đối ngoại độc lập, tự chủ, dalam nan tuk halei jeng iek praong talei pambuak bruk siam mekre meng kan mai haong Ấn Độ.

** Phó Thủ tướng Vương Đình Huệ barau mbaoh tangin tame Harak brei thau ban sit Bình Minh, tỉnh Vĩnh Long ngak blaoh bruk padang ngak palei pala barau thun 2017. Ban sit Bình Minh hu libik dang praong lac đô thị vệ tinh di ban Cần Thơ, hu jalan kraong, jalan kabak saong dom pabah lamnge, jalan kapal haok biak lagaih ka bruk  nao mai taom gaok, pambuak bruk patagok di tukvak tapa saong dom thun tal.

  **  Harei 1/3 di bein Bách thảo Praha di Cộng hòa Séc hu peih parang iek bingu lan dom negar ASEAN, dalam nan hu Việt Nam. Ini lac mbang akaok meti sa parang iek ka bingu lan hu peih tabiak di ban ine Praha piah daong ka urang thau ka bruk pala saong me-in lan di dom negar Đông Nam Á. Pak ini, dom janih lan quí hiếm di Việt Nam hu Ban tổ chức pilih ruah piah meriak gauk haong dom janih lan mai meng dom negar Đông Nam Á karei karei. Parang iek lac tuk piah yaih khan thảm thực vật phong phú, ilamu hadah krah saong jalan cakrok patagok talei pambuak bruk du lịch di Việt Nam haong Cộng hòa Séc.

* Adat Khai ấn đền Trần rah tabiak di melam 1/3, dah page harei  2/3. mBan peih ngak adat nan kuhria mboh lac thun ini meda taduan raok jaik 150 ribau menuac, sumu thun dahlau. Adat khai ấn di Đền Trần, phường Lộc Vượng, ban Nam Định lac sa adat mengkan hu makna nhân văn praong lac caong khin ka taneh ia, bhapbini siam mekre hadah hadai. Ini lac sa dalam dom rija praong dalam taneh ia, dang pakat bhum, hu mintri ilimo -Thông tin- Thể thao saong Du lịch brei angan lac inem krung ilimo phi vật thể pakat negar.

**Malam 1/3, di ban sit Thanh Hóa hu rah tabiak “Adit ilamu ban sit Hội An – ban sit Thanh Hóa”. Ini lac sa dalam dom bruk praong piah pahadar 57 thun harei pambuak talei rohim di ban sitThanh Hóa saong ban sit Hội An (Quảng Nam). “Adit ilamu ban sit Hội An – ban sit Thanh Hóa” rah tabiak meng ini tal 4/3. Ini lac tuk piah ka 2 ban sit taom gaok, klah rabha ilamu. Jaik  30 gian hàng  di adit ilamu hu parang pablei rilo janih pandap mbang ndung bak ilamu mbang huak di 2 ban yau ye: ahar hala,  nem chua di Thanh Hóa, cao lầu, mỳ Quảng di Hội An… 

Khaw tin dunya

* Dom thun jaik ini, karja rilo ban di Trung Quốc hu ba tabiak dom  quy định pakauk cuh vàng mã di libik công cộng, libik bhapbini daok, danh lam thắng cảnh; pakauk ngak, pablei salih, pajeng ba vàng mã saong pandap tế lễ ndung bak bruk mê tín; pachreih dom bruk tế lễ văn minh ye pandar bingu that, tế lễ tapa sang tang lễ “ảo” angaok dom  trang web; tabhia nan xử phạt catang dom urang ngak suan hukum. Yau nan ye, urak ini cuh vàng mã oh lac lihik di dom libik thờ tự, bo daok dak harei dak takik mboh di dom libik bhapbini daok di dom tỉnh, ban praong di Trung Quốc. 

** Dalam harak Thông điệp liên bang pathau khan anak dua viện Quốc hội Nga harei 1/3, Tổng thống Vladimir Putin (Vla-đi-mia Pu-tin) ndom lac bruk pandar vũ khí hạt nhânhalei pamaong tame Nga atau dom đồng minh di negar ini njauk Moskva iek lac sa bruk tấn công hạt nhân saong nuak đáp trả veik chip. Tổng thống Putin jeng brei thau, dom kham merat piah mai jaik biên giới Nga di NATO oh jeng hagaih meng hu dom vũ khí bahrau abih di Nga.

* Chủng vi khuẩn Staphylococcus epidermidis bhian daok ký sinh angaok kalik menuac, meda pacang cakak bruk tamuh tagok di dom dạng ung thư. Nan lac bruk roh duah barau abih hu ba tabiak harei 28/2 angaok tạp chí Science Advances (dom tiến bộ alamu) di Mỹ. Tui dom urang alamu Mỹ, ini lac chủng vi khuẩn duy nhất ngak tabiak sa chất hóa học hu angan 6-HAP meda ngak lihik dom janih tế bào ung thư bo oh ngak jhak tal dom tế bào bình thường.