# Piah pacang caga langik tasik oh siam, gah ngak nong tỉnh Quảng Trị song karja dom puk palei tagok dom jalan tacei ba, peih bruk klauk jru pacang caga song tacei pato mik va urang nong pacang liar ka tapon menuk ada. Tỉnh Quảng Trị urak ni hu labaih 26.300 drei kabau, labaih 67.400 drie limo, 251.000 drei pabui, jiak 2,5 triệu drei menuk ada.

# Di nyaom biai tabiak bruk pala drak bilan Đông Xuân 2017- 2018 tỉnh ĐakLak harei 27/12 , bruk pilih phun pala siam saong kein laba hu ba tabiak. Uraka ini labaih 4.500 ha taneh padai takik kein laba di Đắc Lắc hu salih jalan pala drak min daok srau kadau dalam bruk pilih ruah pajaih phun pala.

   # Tui kuhira mboh di Sở pajeng ba tỉnh Kon Tum, dom mbang hajan khang meng bloh ngak ka rilo jalan yau Tỉnh lộ 673, 675, 676, jalan Ngọc Hoàng- Măng Bút- Tu Mơ Rông - Ngọc Linh njauk khut trak.  Piah pasiam veik dom jalan  nan, song piah khik caga ka bhap bini nao mai siam mekre brei hu labaih 13 tỷ đồng. 

# Di nyaom biai giao ban bruk iek ruak pandiak tabiak darah Dengue bhum gah meraong rah tabiak di ban raya Hồ Chí Minh harei 27/12, lambaok Cục khiek iek ruak mintri Y tế brei thau: Thun 2017 ruak pandiak tabiak darah patuh veik di dom puk palei, abih di nyu nan lac di Hà Nội saong dom tỉnh gah Brak, dalam nan hu 30 urang metai.

   # Beir harei 27-12, Ubbhap bini  tỉnh Tiền Giang hu yaih khan song alin brei harak pok meyaom chip ka  19 kapul nyaom, menuac urang ngak hu siam dalam bruk pacang caga ribuk ka 16. Dalam nan rayo sap ndom VN jeng hu  Ubbhap bini tỉnh pok meyaom ka bruk pathau khan pacang caga bala meng langik tasik.

Khaw tin dunya

# Mintri jien padai Trung Quốc harei 27/12 brei thau, taneh ia daok klak kak je blei radaih ô tô pandar năng lượng barau dalam 3 thun tal, hu radaih điện, radaih hybrid saong radaih nduac meng pin nhiên liệu hu adat pablei di Trung Quốc . ini lac sa dalam dom bruk kham merat di Trung Quốc piah pachreih bruk blei radaih pandar năng lượng hijao. 

# Ngoại trưởng Mỹ Rếch Tin-lơ-sơn (Rex Tillerson) song Ngoại trưởng Nga Xéc-gây La-vơ-rốp (Sergei Lavrov) harei kabroi (27/12) hu ndom biai tapa phone ka rilo bruk dunya bo dua gah dok sangka. 2 gah njauk hatai gauk brei patagok dom kham merat ka bruk ngoại giao piah langyah danak dak  hạt nhân Triều Tiên, dalam nan ndom lac, Mỹ song Nga oh taduan bruk Triều Tiên lac negar  hạt nhân. Langiu di nan, 2 gah hu ginum biai ka bruk di  gah tamun Ucraina song  Xy-ri.

# Ngoại trưởng Nhật Bản Ta-rô Kô-nô (Taro Kono) barau brei tabiak kadung jien daong 40 triệu đôla daong ka urang Palextin hu độc lập jang gah kinh tế. Kadung jien daong meda hu pandar piah padang sa pasak pato pakai urang di gah công nghệ thông tin saong padang dom libik karei dalam bhum công nghiệp./.