# Sang iek ruak urang kamei Đà Nẵng  hu pambuak bruk haong sang iek ruak BNH Thái Lan peih bruk iek ruak, tacei pato iek ruak ung thư tasau tui jalan bahrau.  Di labik ni, 40 urang ruak hu dom bác sỹ sang iek ruak BNH Thái Lan blai draih tui jalan khik veik tasau; pandar xạ trị dalam bruk blai draih, dong ka bruk  hóa trị trun bruk jaruh mbuk di urang ruak. Ni lac sa dalam dom jalan ngak bahrau abih di dunya.

# Tui Viện alamu Kỹ thuật Nông - lâm nghiệp Tây Nguyên, urak ini, Viện hu pilih ruah ngak tabiak hu 4 pajaih bơ TA1, Booth 7, TA40 saong Reed jeng hu chất lượng, năng suất glaong, hu ba tame ngak duh siam ka bruk blei mbang dalam taneh ia saong pablei tabiak taneh ia langiu. Ini lac 4 pajaih bơ hu mintri ngak nong saong patagok palei pala công nhận. Dom pajaih bơ nan meda tamuh siam di dom tỉnh gah meraong, abih di nyu nan lac dom tỉnh bhum Tây Nguyên ye Đắk Lắk, Đắk Nông, Lâm Đồng, Gia Lai.

# Yaom lac bahrau tame akaok bilan paik boh dureing, min urak ni yaom pablei boh ni di Lâm Đồng tagok glong biak glaong dalam dom thun ini mai, ngak ka rilo sang bein bui sambai. Di dom bhum pala durieng rilo abih yau  Đạ Huoai, Bảo Lâm, Bảo Lộc, Di Linh… urang mai tal bein blei durieng  yaom meng 45.000 –55.000 đồng/kg, glong jang  2 mbang dut song tuk vak ni thun dahlau.

# Phòng Cảnh sát kinh tế Công an tỉnh Tây Ninh barau pasang iek, duah mboh Công ty  Thái Dương daok di labik 167, xã Gia Bình, huyện Trảng Bàng, tỉnh Tây Ninh, ngak mbang gah chiết xuất, pablei salih gas daok pandar suan hukum yaok rabau baoh kanduh bình  gas, nhãn hiệu karei di gauk piah ngak veik jeng kanduh bình hu angan Thái Dương.  Urak ini urang jakar phòng Cảnh sát kinh tế Công an tỉnh Tây Ninh daok ngak bruk saong Công ty  Thái Dương piah taong yaom tanut ngak suan.

 # Harei 26/5, Liên đoàn lao động tỉnh Đồng Nai pambuak bruk song Sở Lao động - thương binh song  xã hội tỉnh peih kapul nao rivang song brei pandap ka 20 urang ngak bahrau gaok  tai nạn lao động dalam tỉnh. Ni lac sa dalam dom bruk dalam bilan An toàn vệ sinh lao động, pacang caga khuah patuh hu dom jabat  chức năng sangka, klak rabha dom kan kandah ka urang ngak gaok bala  

#  Phòng cảnh sát hình sự- Công an tỉnh Tiền Giang barau mboh hu sa labik tram menuk mbang jien di xã Tân Hương, huyện Châu Thành, mek khik 20 urang piah duah thau, xử lý bruk tram menuk mbang jien. Tapa panuac khan di bhapbini, jala harei 25-5, kapul cảnh sát hình sự, cảnh sát cơ động- Công an tỉnh Tiền Giang samar tame mek 20 urang daok mein tram menuk mbang jien di mblang taneh saoh di urang bhapbini jaik jalan roya 1 di xã Tân Hương, huyện Châu Thành. Bruk ini daok hu Công an huyện Châu Thành daok taduan mek hồ sơ, langyah tui hukum.
# Thủ tướng Anh Thê-rê-xa Mây brei thau, bruk đe dọa di chủ nghĩa khủng bố di negar ni jeng daok di tanut glong diabih hadei di mbang tong  bom  di sa  mbang hòa nhạc di ban Man-chét-tơ (Manchester)- Anh  harei 22/5 meng bloh.Thủ tướng Thê-rê-xa Mây hu panua ni, hadei di tuk dang akaok mbang ginum biai di  ủy ban phản ứng khẩn cấp di rajaei  di  văn phòng thủ tướng di Luân Đôn.  

Khaw tin dunya 
# Thủ tướng Anh Thê-rê-xa Mây harei ini brei thau, bruk đe dọa di kol khủng bố di taneh ia ini daok di tanut glaong abih hadei di mbang taong mbom bak darah di sa var hòa nhạc di ban Man-chét-tơ (Manchester)- Anh harei 22/5 barau blaoh.Thủ tướng Thê-rê-xa Mây ba tabiak panuac ini hadei di tuk dang akaok mbang nyaom di ủy ban phản ứng khẩn cấp di rajaei di jabat thủ tướng di Luân Đôn.

#Dom  urang alamu barau duah mboh lac dom ấu trùng di sa janih halak kadit meda hu vai trò praong dalam bruk langyah khủng hoảng nerak di dunya tuk janih sinh vật maong lac “oh kein laba hagait” ini, daok brei mboh pren phân hủy sinh học Pô-li-ê-thi-len– sa dalam dom janih nhựa khang abih saong hu pandar rilo abih ngan saong tốc độ biak nể phục. bhian di janih nhựa Pô-li-ê-thi-len njauk lihik tal 400 thun meng ralai abih hu.