Khaw tin 14h30 harei  13-6

    # Pagaiy harei ini 13/ 6, Ủy ban Thường vụ Quốc hội peih mbang nyaom ka 49 piah kuhria caga dom asal kadha ka mbang nyaom ka sa, Quốc hội mbang 14. Tui bruk ba tabiak, Ủy ban Thường vụ Quốc hội meda brei panuac ka danakdak padang ngak hukum , pháp lệnh di Quốc hội thun 2017; bruk kuhria caga mbang nyaom ka sa Quốc hội mbang 14; brei panuac ka harak pathau khan bruk peih ngak hukum patak pataom, caga palai pajoa thun 2015; quyết toán kadng jien sarak karja thun 2014; bruk langyah saong parabha jien mek tame, patak pataom pandar  kadung jien karja thun 2015.

      / Harei kabroi 12/6, akaok negar Trần Đại Quang saong diuk di ong hu nao rivang, ndom meyai saong urang jakar, urang ngak dalam Đại sứ quán Việt Nam di công hòa dân chủ bhap bini Lào, mikva urang VN daok di Lào. Akaok negar ndom lac, dalam dom mbang ginum meyai, dom urang dang akaok pakat glaong Lào taong yaom biak glaong bruk rik daong abih hatai di mikva urang Việt ngan saong bruk dak padang saong patagok taneh ia Lào. Akaok negar pok meyaom saong taong yaom glaong dom rik daong biak praong di urang Việt drei daok di Lào brei ka bruk dak padang saong khik caga taneh ia palei negar.

      # Bair harei 12/6, Thủ tướng Nguyễn Xuân Phúc saong kapul ngak bruk di rajaei hu var ngak bruk di tỉnh Đồng Tháp.  Thủ tướng ndom lac, bruk rami ramik veik gah ngak nong di Đồng Tháp biak njauk pok meyaom ngan saong dom jalan ngak gheih, sumu gauk gam ka pandap, mo hinh pala drak, meng di nan paglaong hu dom yaom glaong. Thủ tướng pandar mintri ngak nong saong patagok palei pala pataom iek veik mô hình di Đồng Tháp piah roh duah, pasiam pambak praong dalam taneh ia.

      / Sở DL ban Đà Nẵng barau ngak bruk saong 16 doanh nghiệp, po 26 kapal DL angaok kraong Hàn piah ramik veik dom quy định tuk ngak bruk. Sở DL ban Đà Nẵng pandar dom doanh nghiệp trang bị veik taong abih ao phao lagaih ka tuai tuk tagok kapal. Caik camera, gom, phao cứu hộ. Sở ini hu pambuak bruk khang kajap saong sở jalan mbak pasang iek dom kapal, meyah ginup điều kiện hu pok tagok ban Đà Nẵng brei adat ngak bruk DL veik angaok kraong Hàn dalam tukvak avar di abih.

      # Sở ilimo, padhih saong Du lịch tỉnh Quảng Ngãi barau pambuak bruk saong uy mban bhapbini huyện Trà Bồng peih harei pataom cồng chiêng saong daoh ragu daoh bhapbini dom bangsa takik tỉnh Quảng Ngãi thun  2016.  Hu mbaok tame harei pataom thun ini hu dom nghệ nhân, diễn viên dom bangsa takik Hre, Cor, Cadong oh parbha umo thun, mai meng 6 huyện bhum ceik tỉnh Quảng Ngãi lac Tây Trà, Sơn Tây, Trà Bồng, Sơn Hà, Minh Long saong Ba Tơ.

       / Meng thun 2010 tal urak ini, dalam tỉnh Đắc Nông hu labaih 200 uranaih metai mblung ia. Dom uranaih metai kayau bala ini ralo di bilan hè saong meblah tal jaik 80% dalam abih tih uranaih metai kayua bala. Kan kandah abih di bruk pacang cakak blung ia dalam tỉnh lac dom puk palei oh ka hu labik sambai me-in ka uranaih. Tuk bilan hè, langik pandiak nan ye dom uranaih bhian jak gauk nao menei ia danao, kraong craoh. UB bhap bini tỉnh Đắc Nông hu jao ka dom dơn vị pambuak bruk peih ngak iek bruk pacang cakak blung ia ka uranaih.

        # Sa mbang mblung ia barau rah tbaiak di danao ia Bầu Ngứ dalam palei Bầu Ngứ, xã Phước Dinh, huyện Thuận Nam, ngak ka sa uranaih likei metai. Urang gaok bala lac adei Phú Văn Núi (menek thun 2004), daok di palei Phước Lập ( ia la u), xã Phước Nam. Dahlau di nan,  Phú Văn Núi saong 3 yut sahabat dalam palei nao vah ikan di danao ia Bầu Ngứ. Dahlau si nao vah, dom adei gam mbang menyum hadei nan  tabiak danao Bầu Ngứ vah ikan. Tuk tame danao vah ikan, kayua hu hasit alak tapai gam saong bất cẩn yau nan ye Núi blait takai trun libik ia dalam. Tal tuk melam, urang meng dauh mboh rup Phú Văn Núi.  

      Patui di ini dom khau tin dunya:

     / Lễ hội VN di NB thun 2016 tamat bloh melam kabroi 12/6, di ban ine Tokyo, Nhật Bản. Dalam dua harei lễ hội, pachreih hu jaik 200 ribau tuai damuai mai rivang. Mai tal lễ hội, tuai damuai langiu bruk hu mbang dom pandap mbang meng kan VN yau phở, nem, pacut, bún chả… blei ralo pandap thủ công mỹ nghệ hu angan, daok hu maong iek dom kadha daoh tamia di nghệ sĩ NB saong VN parang me-in   

      # Gah pambuak bruk saong patagok kinh tế dunya barau ba tbaik roh duah brei thau, nerak không khí meda ngak khat lihik jaik 2,6 rabau tỷ đô la Mỹ yaok thun ka gah kinh tế dunya, kuhria meng ini tal thun 2060. Roh dauh daok brei thau, meda hu meng 6 tal 9 triệu urang metai sớm kayua nerak không khí yaok thun, kuhria tal thun 2060. Roh duah jeng mboh lac, nerak không khí meda ngak paglaong naong trak ka jien padai di gah y tế saong ngak trun năng suất phun pala. Nerak không khí mai rilo makna karei di gauk, min rilo meng lac kayua radaih ô-tô, radaih patuh , xử lý hareih tuh tabiak saong bruk pandar than đá atau đi-ê-zen di dom sang mac phát điện.

       / Di dunya hu tal 168 triệu uranaih daok atau dang anak bruk mbuan njauk khai thác pren lao động. Dalam tuk nan, dom bruk khủng hoảng saong mesruh metak urak ini ngak ka uranaih mbuan tổn thương jang. Hu biak ralo menuac hu panuac ieu oh blei, oh pandar pandap  hu pandar lao động uranaih. Bilan dahlau Gah tui iek nhân quyền ndom lac dunya njauk hu sa hiệp ước piah ka dom doanh nghiệp saong po lao động padeih lạm lụng, pandar lao động uranaih saong ba uranaih jeng nộ lệ saman bahrau./.