Khaw tin 19h, 29/9 saong 6h30, 21/9

# Pagaiy 20/9, 3 mintri pambuak tal bruk ikan metai di 4 tỉnh gah kreh negar hu panuac brei thau ka alam môi trường tasik saong bruk pandar kaya ikan dalam ia di bhum tasik dom tỉnh Hà Tĩnh, Quảng Bình, Quảng Trị, Thừa Thiên - Huế.  Tui panuac di mintri Y tế, taong abih dom janih kaya ikan dalam ia yau ikan  ngừ, ikan thu ( ikan hraiy) ikan nục, ikan chỉ vàng, ikan bạc má, ikan hố, ikan  bò, ikan cam, ikan trích, ikan đuối, ikan cơm ( ikan ngưới) saong dom janih ikan dalam ia karei diuk di tầng nổi, ikan raong di labik đầm raong di 4 tỉnh gah kreh negar jeng hu siam mekre. Dalam tuk nan, dom janih ikan tầng đáy yau ghẹ, hadang, hadang tít, baoh bao, ikan đục, bạch tuộc, reng patau… di tầng đáy dalam 13,5 hải lý oh ka siam piah mbang.

/ Mintri pato megru barau brei thau dự thảo bruk pakacah, xét tốt nghiệp THPT saong palih ruah anek saih tame đại học, cao đẳng thun 2017. Tui kuhria mbang pakacah THPT pakat negar thun 2017 hu dom kadha barau yau: piah hu xét tốt nghiệp, anek saih bac THPT pakacah 4 kadha pakacah nan lac 3 kadha pakacah bắt buộc (Toán, ngữ văn, ngoại ngữ) saong sa kadha pakacah eng drei palih ruah lac khoa học tự nhiên (dom môn vật lý, hóa học, sinh học) atau khoa học XH (dom môn lịch sử, địa lý) anek saih bac thường xuyên pakacah 3 kadha pakacah nan lac dua kadah pakacah bắt buộc (toán, ngữ văn) saong sa kadha pakacah eng drei palih ruah: khoa học tự nhiên atau khoa học XH. 

# Labaih 10 thun tapa, hu labaih 140.000 mbang sang kathaot di Gia Lai taduan hu phun jien mesraiy ưu đãi di karja tapa gilang pariak sarak karja tỉnh, abih tih jien mesraiy jaik 3.350 tỷ đồng. Tukvak tal, gilang pariak daok caik jien tagok yaok thun ka bhum atah bayah, bhum bhapbini bangsa takik, bhum kinh te kan kandah. Abih di nyu nan lac, gilang pariak pataom tame ka dnakadak daong urang kathaot, bhapbini bangsa takik oh ka hu sang daok, sang  taik tahak, mbaih mboh di bhum atah bayah ngan saong lãi suất ưu đãi 3% sa thun.

/ Di tỉnh Ninh Thuận, meng pala ratak naih ĐX 208,dom mblang hamu palei Mỹ Hiệp, Mỹ Sơn (huyện Ninh Sơn) ralo vụ tapa oh ngak padai hu kayua kurang ia, min vụ đông xuân thun ini hu bak sa sambo hijao, ngan saong năng suất mek hu 1,8 tấn sa ha. Kuhria tui yaom drak nan lac 27 ribau đồng sa kg, urang nông mek tame hu jaik 50 triệu đồng sa ha, kaoh bloh phun jien daok laba hu labaih 30 triệu đồng, glaong jang ralo duk saong ngak padai.

# Pagaiy 20/9, Sở Giao thông vận tải ban raya Hồ Chí Minh peih bruk padang ngak tatua vượt Gò Mây atah labaih 538 mét di canah 4 jalan roya 1A – jalan Lê Trọng Tấn – jalan  Nguyễn Thị Tú, quận Bình Tân. Ini lac mbaik tatua di dự án BOT ramik psiam jalan roya 1A, labik jalan meng canah 4 An Sương (quận 12) tal An Lạc (huyện Bình Chánh), rik daong trun takik áp lực nao mai ka labik ini. Tui thiết kế, tatua vượt Gò Mây hu dak padang tui jalan roya 1A, praong 24,2 mét, hu 4 làn radaih ôtô saong 2 làn radaih hỗn hợp, jien buh tame ngak abih tih labaih 511 tỷ đồng.  

/ Meng thun 2011 tal ini, tapa pasang iek, tui iek, dom pakat ủy, tổ chức đảng di Tây Ninh duah mboh saong hu panuac brei mek veik jaik 900 triệu đồng, kỷ luật 12 urang đảng tham nhũng, ngak suan gah kinh tế tapa kiểm toán; tapa langyah khiếu nại, tố cáo; tapa điều tra, truy tố, xét xử saong thi hành án… abih tih tagok tal yaok rituh bruk, abih tih drap ar pataom mek veik yaom labaih 236 tỷ đồng.

#  Di pasak nyaom biai tỉnh Đắk Nông daok peih parang iek bản đồ saong tư liệu “Hoàng Sa, Trường Sa di Việt Nam – dom bằng chứng sajarah saong pháp lý”.   Dom asal kadha langyah ka bản đồ, ấn phẩm ini hu lang tapa dom sap bangsa takik yau M’Nông, Ê-đê…piah daong ka mikva mbuan thau jang.

          Patui di ini dom khau tin dunya:

/ Thủ tướng Nhật Bản Sin-dô A-bê barau sanya daong pahala 2,8 tỷ đôla Mỹ ka urang tị nạn, urang di cư saong dom taneh ia taduan dom urang ini dalam 3 thun tal.

# Hãng thông tấn di Triều Tiên KCNA harei 19/9 brei thau, urang dang akaok Kim Châng Un hu glang iek sa mbang thử động cơ tên lửa barau, tui nan, ông hu ieu dom urang alamu saong kỹ sư Triều Tiên kuhria caga ka sa mbang palao vệ tinh sớm di abih.

/ Tổng thống Mỹ Barắc Ôbama saongThủ tướng Trung Quốc Lí Khắc Cường njauk gauk brei patagok talei pambuak bruk di Hội đồng Bảo an Liên hợp quốc saong tapa dom jalan thực thi hukum hadei di bruk thử hạt nhân ka 5 di cộng hòa dân chủ bhap bini TT meng bloh./.