Khaw tin 19h, 5/8 saong 6h30 harei 6/8

      #/ Bruk peih mbaok mbang parang iek ka bhap bini ASEAN hu rah tabiak di HN harei 5/8. Bruk ini kayua mintri Thông tin song  Truyền thông pambuak bruk peih ngak, dok dalam danak dak bruk ngak di mban tacei jalan pakat negar ka  thông tin, tuyên truyền Hiệp hội dom negar  Đông Nam Á (ASEAN),piah pahadar thun camereip padang bhap bini ASEAN, pamong tal pahadar 50 thun harei padang ASEAN . Di labik parang iek Akaok mintri Thông tin song Truyền thông Trương Minh Tuấn ndom lac Bruk padang bhap bini ASEAN lac sajarah dak rai dalam tong abih jalan pambuak bruk di ASEAN, hu makna prong ngan song Hiệp hội, khu vực jang yau yaok negar thành viên

     # Jeng dalam harei 5/8, di Hà Nội, kapul urang nong Việt Nam dang peih nyaom roya urang nong Châu Á ka bruk patagok palei pala khang kajap mbang yaka 7 ngan saong kadha “ klah rabha ilamu di dom kapul urang nong tame danakdak đầu tư công ka ngak nong khang kajap piah patruh eik patrun kathaot tal thun 2030".  Nyaom roya hu ginum biai saong ba tabiak rilo bruk siam piah rik daong jhul khang bruk patagok khang kajap di ngak nong, palei pala di yaok taneh ia dalam bhum Châu Á saong kết nạp dom thành viên barau nan lac: Kapul urang nong Việt Nam, kapul urang nong kumei tự chủ Ấn Độ, Hiệp hội urang nong negar Tajikistan, mạng lưới urang nong Lào. 

    #/ Mintri thông tin song truyền thông peih bruk patabiak bộ tem bưu chính "Tem phát hành chung Việt Nam - Thái Lan" song tabiak mbaok ứng dụng công nghệ thực tế tương tác  angaok tem bưu chính Việt Nam di harei 5/8. Ni lac bruk pahadar 40 thun harei padang talei rohim VN-TL (6/8/2016-6/8/2016).

    # Di mbang nyaom ka dua, Hội đồng bhapbini tỉnh Nghệ An, khóa XVII, tukvak 2016 – 2021 , pambuak tal dom panuac brei thau di cử tri saong dom urang jakar hoi dong bhapbini tỉnh ka danakdak palei pala barau, uy mban bhapbini tỉnh Nghệ An brei thau, sraiy danakdak palei pala barau daok kandon di Nghệ An daok dalam pasang iek hu. Tui kiểm toán karja saong mintri jien padai, urak ini sraiy danakdak palei pala barau di tỉnh Nghệ An lac 751 tỷ đồng, tui nana yaok xã sraiy 1,7 tỷ đồng. Tui kuhria,  2 thun hadei Nghệ An meda bayar abih sraiy palei pala barau . 

     #/ Piah caga ka bilan pala glia thun 2016, dom bein pabam pajaih di tỉnh Phú Yên pala hu 7 triệu phun pajaih song dok pala 5 triệu phun. Ong Đỗ Thế Vĩnh, Chi cục Kiểm lâm tỉnh Phú Yên brei thau, dom phun nan ginup piah pala 6000 ha, dalam nan hu 4.200 ha glai sản xuất, 1400 ha glai pacang caga song 600 ha glai pala salih dahlau deih hu pandar taneh glai, taneh ngak glai piah peih ngak dom dự án.

     # Kuhria meng thun 2013 tal ini, ikan ngừ pablei tapa Nhật Bản trun hamiet, laik meng labik dang ka 3 dalam dom taneh ia blei iakn ngừ di VN trun ka 4 saong meda daok ka 5 di thun 2016. Ini lac asal kadha di nyaom biai “ ikan ngừ VN yam tal jalan tagok barau” kayua Hiệp hội Chế biến saong pablei kaya ikan dalm ia tabiak taneh ia langiu di VN peih ngak di harei 4/8 di ban raya Hồ Chí Minh. 

     #/ Kayua ribuk ka 2,  dom harei tapa di tỉnh Bạc Liêu hu hajan prong gam tui ngin khang di rilo labik ngak kan kandah oh takik tal bruk ngak mbang pala drak di bhap bini dalam tỉnh. Urak ni BL trun pajaih jiak 60 ha padai hè thu, palao rong labaih 130 ribau ha hadang. Ni lac gah ngak mbang prong, jeng lac bruk KT prong di tỉnh. Nan ye langik hajan ngin dalam dom harei tapa ngak kan kandah tal bruk pataogk sản xuất di tỉnh, kayua yau nan ye tỉnh dok tacei ba khang piah khik caga tanut patagok KTXH thun 2016 mek hu tui jalan ba tabiak.

     Khaw tin dunya

     8# Taphia  nyaom biaia akaok mintri kinh tế ASEAN mbang yaka 48 (AEM 48) saong dom nyaom biai pambuak tal rah tabiak di Viêng Chăn, bair harei 4/8, akaok mintri Công Thương Trần Tuấn Anh hu var gaok dua gah saong ông Ramon Lopez (Ra-mon Lô-pet), akaok mintri Công Thương Philippines. Di var gaok, akaok mintri Trần Tuấn Anh taong yaom glaong darak pasal Philippines ka brah pablei tabiak di VN. Akok mintri caong Philippines pambuak bruk saong Việt Nam glang iek mbaoh tangin tame Nghị định thư  dui atah tukvak Bản thỏa thuận pablei salih brah thun 2010 (abih tukvak harei 31/12/2016) ka tukvak 2017-2020. 

     #/ Phán quyết harei 12/7 ka bruk biển đông di Tòa Trọng tài  di La Hay (Hà Lan) ngak jeng dom tiền đề, cơ sở pháp lý piah ka dom gah pambuak tal dalam khu vực patui bruk ginum biai song pambuak bruk di anak tal. Ni lac panuac di ong Sean D.Murphy (Xin D. Mớt-phi), giáo sư luật di sang bac Đại học George Washington (Mỹ), jeng lac  sa urang dalam ủy ban Luật quốc tế di LHQ

     # mintri Quốc phòng Hàn Quốc brei thau di harei 5/8, dom urang jakar pakat glaong di Hàn Quốc, Nhật Bản saong Mỹ hu ginum biai tapa cầu truyền hình, ginum biai jalan pacang caga siam jang dom bruk đe dọa tabiak meng Triều Tiên, dua harei hadei tuk Bình Nhưỡng palao thử dua tên lửa đạn đạo Rodong. Panuac khan di mintri Quốc phòng Hàn Quốc brei thau mbang ginum ini hu peih tabiak piah neh rabha asal kadha ka bruk nan saong ba tabiak jalan ngak haong gauk piah pacang cakak  dom bruk khiêu khích quân sự meda hu peih ngak di tukvak tal ./.