Khaw tin 19h harei 11/6/2016

# 5 thun tapa, dom kapal taong ikan di ban sit Đà Nẵng tagok rilo mbang duk saong thun 2010 min  chất lượng kapal saong ilamu urang ngak ikan oh ka hu paglaong, ngak suai tukvak hiện đại hóa bruk taong cap ikan. Nan lac asal kadha hu ba tabiak dalam nyaom biai pataom iek veik 5 thun saong ba tabiak jalan ngak thun 2016 di mban tacei pato tasik, pulao ban sit Đà Nẵng.

/ Danak dak pacang cakak, patrun urang ngak lac uranaih tukvak 2016 – 2020 barau hu thủ tướng rajaei mbaoh tangin brei adat ngak piah pacang cakak, patrun  urang ngak lac uranaih. Asal di danak dak nan lac brei thau, pato pakai, jak ba XH piah paglaong  bruk pacang cakak, patrun bruk uranaih hu mbaok tame ngak bruk, uranaih mbuan si nao ngak bruk saong uranaih  ngak bruk sung hukum ka karja dom pakat, dom ngành, dom kapul nyaom, urang pandar urang ngak, XH, amaik ame saong uranaih.

# Ông Ðoàn Văn Bình, Chánh Văn phòng Ðiều phối palei pala barau tỉnh Cà Mau brei thau, meng akaok thun tal ini jien padai buh tame ka danakdak palei pala barau lac labaih 442 tỉ đồng saong jak ba apdang ngk 3 mbaik tatua jaik 1 tỉ đồng. Dalam thun 2016, tỉnh kham merat brei ka 6 xã mek hu angan chuẩn palei pala barau taphia 17 xã hu brei ngan bloh. 

 / Biar harei 9/6, di Hải đội 2, dalam ban sit Trần Đề, huyện Trần Đề, bộ chỉ huy Bộ đội Biên phòng tỉnh Sóc Trăng brei thau quyết định di bộ tư lệnh BĐBP ka bruk brei kapal tuần tra pambuak bruk roh duah daong bala (BP 18-98-01) ka Bộ đội Biên phòng tỉnh Sóc Trăng saong jao bruk ka Hải đội 2. Trung tá Nguyễn Thanh Lâm, Hải đội trưởng Hải đội 2, Bộ đội biên phòng tỉnh Sóc Trăng lac: “Hadei di tuk đơn vị hu brei sruh kapal, ngak siam bruk tuần tra, pasang iek angaok tasik, khik kajap trật tự hukum angaok tasik, khik kajap oh brei dom kapal negar langiu lih tame bhum tasik VN”.

# Barau ini, Uỷ ban bhapbini tỉnh Bến Tre hu harak pok tagok mintri ilimo padhih saong du lich ka bruk brei angan dua inem mek di inem mek negar đặc biệt dalam tỉnh. Dua inem mek nan lac : labik inem mek Mộ saong labik pahadar Nguyễn Đình Chiểu. Hu thau, dua inem mek nan hu makna  biak praong dalam bruk khik ramik saong pato pakai ilamu ranam taneh ia mengkan .

/ Bhap bini bhum taneran kraong Cửu Long daok dang anak dom kan kandah di hajan khang, ribuk, ia dauk, ngak khat lahik ka bruk ngak nông saong rai diuk. Saai Anh Phạm Tuấn Anh, daok di palei Mỹ Nam 2, xã Mỹ Quý, huyện Tháp Mười, tỉnh Đồng Tháp lac sa dalam yaok rituh urang njauk khat lahik yau nan. Labaih 20 công padai di saai hu urang blei đặt cọc dahlau, yaom 5.300 đồng sa kg. Min, dom harei puac bilan 5, hajal khang gam gam ngak dauk, padai jaleih, khut, chất lượng padai trun. Yau nan ye bo urang blei lac padai jhak bloh klak nao oh blei.

# Pasak patopakai paglaong ilamu truyền thông (rayo sap ndom Việt Nam) pambuak bruk saong rayo paparsap papar binguk Nghệ An barau peih khóa pato paglaong ilamu ngak  phóng sự katut paparsap saong papar binguk. Tame tan pasram hu 45 urang lac urang vak, biên tập viên, phát thanh viên, quay phim mai meng rayo paparsap papar binguk Nghệ An, rayo paparsap papar binguk dom huyện, ban,  pasak  Truyền thông pato pakai pren yava tỉnh. Tapa nan paglaong ilamu ngak bruk, patagok bruk  sáng tạo dalam bruk ngak tui jalan barau ka dom urang vak, biên tập viên, phát thanh viên rik daong paglaong chất lượng dom danakdak paparsap papar binguk di anak tal .

Patui di ini dom khau tin dunya:

/ Gah khik caga takai tasik Italia barau brei thau, jaik 2 ribau urang di cư hu daong di langiu takik di Libi. Ini lac sa dalam dom bruk barau abih dalam dom bruk daong hu peih tabiak di Địa Trung Hải.

# Di sang daoh “Ô-pê-ra Tsa-ri-tsưn-skaya” (Tsaritsynskaya Opera) di ban Vôn-ga-grat (Volgograt) barau rah tabiak mbang daoh, tamia mengkan di Việt Nam dalam dom harei ilimo Việt Nam di Liên bang Nga 2016. Dalam labik ndung bak ilmo Việt mengkan, dom khán giả Nga pok meyaom bruk tạo hình dalam dom kadha daoh văn “Thăng Long địa linh nhân kiệt”, tamia “Hồn Gió Việt” saong Kalinka tui sap alat ragam mengkan di Việt Nam.

/ Talei pambuak bruk Liên minh Châu Âu saong Nga jhak nao hadei di tuk rah tabiak bruk srau kadau di Ucraina di thun 2014, ba tal bruk khối ini ba tabiak dom jalan trừng phạt Nga meng harei 31/7/2014 saong hu dui atah tal harei 31/7/2016./.