Khaw tin 19h harei 13/2

# Piah ba menyek truac hadah saong ngak mbang pala drak di bhapbini daok di Khe Chữ, Công ty Điện lực Quảng Nam hu thi công 2,3km jalan talei 22KV, 1,3 km jalan talei 0,4 KV saong sa trạm biến áp 31,5KVA, thi công dom bruk ba brei công tơ saong mạng điện, bóng đèn điện dalam sang ka 70 sang hu dak padang sang daok barau dalam abih tih 144 sang hu xã Trà Vân, huyện Nam Trà My ba tame libik tái định cư ini. 

# Di Quảng trường 16 bilan 4, ban sit Phan Rang - Tháp Chàm, UB bhapbini tỉnh Ninh Thuận hu peih pakak beir bingu xuân Mậu Tuất 2018 ngan saong kadha “Ninh Thuận jum pataom, sáng tạo, mbeik drei tame saong patagok”. Di beir bingu Xuân hu rilo tiểu cảnh hu thiết kế brei thau thaot binguk Ninh Thuận daok di jalan patagok ngan saong dom pren khang ye: kinh tế biển, công nghiệp, patagok năng lượng tái tạo; du lịch saong ilimo; ngak nong công nghệ glaong saong dom pandap đặc thù di bhum taneh Ninh Thuận. 

# Sở Giao thông Vận tải tỉnh Bình Dương brei thau, di dom harei jaik si Tết Mậu Tuất 2018 dom tuai damuai nao mai patgaok glaong min jeng khik caga hu bruk pajeng ba tani tanat ka urang bhapbini caong khin nao mai di dom harei jaik si tet. Tapa jalan talei pandiak, Giao thông Vận tải Bình Dương oh taduan mek hu khan brei thau halei di bhapnini ka bruk dom libik pajeng ba tuai mek jien vé glaong jang niêm yết tui quy định. 

# Dom harei jaik di tet nguyên đán Mậu Tuất thun 2018, pren blei pandap panda di urang blei patagok glaong, tỉnh Vĩnh Long daok peih ngak rilo bruk dut iek, khik tani tanat darak pasal, khik caga ginup lượng pandap pandar ngan saong yaom tani tanat ka urang bhapbini. Di dom darak huyện, xã pandap pandar ba nao pablei gam gam, yaom dom pandap thiet yeu saong pandap panda duh ka tet tani tanat, oh hu karei. Langiu di nan, di tuk puac thun, hu 183 mbang doanh nghiệp hu tut angan di Sở Công Thương piah peih bruk khuyến mãi piah kích cầu urang blei ngan saong yaom jaik 76 tỷ đồng. 

# Tuk Tết Nguyên đán Mậu Tuất, ban sit Long Xuyên, tỉnh An Giang dak caik darak bingu Xuân di dom bờ kè Bùi Văn Danh, Phạm Hồng Thái saong Lê Thị Nhiên (phường Mỹ Long saong Mỹ Xuyên). Gam saong nan, ban sit jeng drah samal thi công ramik pasiam 24 canah jalan nao mai nội ô pambuak pagam saong ramik pasiam vỉa hè laneng lahei di 6 phường dalam ban sit.  

Khaw tin dunya

# Ngoại trưởng Anh Boris Johnson (Bô-rít Giôn-xơn) barau hội kiến saong Thủ tướng Thái Lan Prayut Chan-ocha (Pray-út Chan-ô-cha) haong dom urang jakar pakat glaong di taneh ia piah ginum biai ka bruk urang Rohingya di taneh ia tabhia Myanmar jeng ye bruk pilih ruah di Thái Lan.  

# Taneh ia po sang di Đại hội Thể thao châu Á (ASIAD) 2018 Indonesia ba tabiak 4 bruk njauk ngak dahlau ka bruk peih ngak jak jeng bruk mein thể hao praong abih khu vực châu Á.  Ông Erick Thohir (Ê-rích Thô-hai), Chủ tịch mBan peih ngak Đại hội Thể thao châu Á (INASGOC), brei thau 4 bruk njauk ngak dahlau di ASIAD 18 hu: bruk pakacah, quản trị; daong saong an ninh. Tui bruk ba tabiak, ASIAD 18 hu peih ngak di 2 ban lac ban ine Jakarta saong ban Palembang (Pa-lem-bang), Nam Sumatra, meng harei 18/8 tal harei 2/9 thun ini. 

# Jabat ngak pahla dunya "Save the Children" (njauk daong uranaih harei 12/2 cảnh báo lac jaik 4,7 triệu uranaih di Đông Phi mbuan si klak bac dalam thun ini kayua bruk lavang lavaiyh di dom khu vực gaok kan kandah kayua tua riya saong taong paoh gauk. Giám đốc "Save the Children" di khu vực Đông saong Nam Phi  jak ba bruk sangka di dom gah tài trợ, rajaei saong dom doanh nghiệp piah khik caga lac dom adei meda diuk saong patagok.