# Kuhria tal harei 20-3, dalam negar hu 493 dự án bahrau  hu brei harak chứng nhận đầu tư ngan haong yaom phun jien tut angan abih tih lac 2,917 tỷ USD, tagok 6,5% dut haong tukvak ini thun 2016; hu 223 dự án tut angan patagok phun jien đầu tư ralo jang 3,94 tỷ USD, tagok 206,4% dut haong tukvak ini thun dahlau saong 1.077 mbang rik phun jien, blei cổ phần di urang đầu tư negar langiu ngan haong yaom phun jien rik tame abih tih lac 852,86 triệu USD, tagok 171,5% dut haong tukvak ini thun 2016.

# UB bhap bini tỉnh Ninh Thuận barau peih parang iek jak jeng 25 thun patagok kinh tế XH saong pok meyaom 8 janih pandap  lac: Nho, medar, pabe, pabo, hadang pajaih, tỏi Phan Rang, khan bai Mỹ Nghiệp, lan am Bầu Trúc rik daong biak ralo dalam bruk patagok kinh tế di tỉnh. Ini lac bruk ngak daok dalam dom bruk pahadar 25 thun padang tỉnh NT ((1/4/1992 – 1/4/2017), 42 thun harei peih paha Ninh Thuận (16/4/1975-16/4/2017).  Hadah mbaok hu palih ruah pandap đặc thù mbang ini , saai Phú Hữu Minh Thuần – lambaok Hợp tác xã lan am Bầu Trúc, tỉnh Ninh Thuận brei thau: “Lan am Bầu trúc hu brei angan lac pandap đặc thù dahlak mboh biak uan tabuan. Patui bruk ini, kol drei salih barau gah chất lượng, parilo janih pandap piah lagaih saong xu hướng”

# Tỉnh Quảng Trị bahrau peih bruk pataom iek veik saong jao giải bruk pakacah sáng tác tác phẩm văn học nghệ thuật ngan haong kadha “Ong Lê Duẩn haong cách mạng Việt Nam saong bhummi Quảng Trị”. Ini lac bruk ngak pamong tal pahadar 110 thun harei menek Tổng Bí thư Lê Duẩn (7-4-1907 - 7-4-2017). Ban tổ chức hu pok menyaom 28 tác phẩm xuất sắc, dalam nan hu 4 giải A, 6 giải B, 8 giải C saong 10 giải khuyến khích.

# Dalam mbang pakacah trung học phổ thông pakat negar 2017, dom sở pato megru oh mek jien phí pakacah di taong abih dom thí sinh tame pakacah, dalam nan hu gam anek saih tut angan tame pakacah thêm dom môn pilih ruah tame đại học, cao đẳng. Yaom thu phí tame pakacah, dự tuyển đại học, cao đẳng nhóm ngành pato megru ngak gru pato lac 30.000 đồng sa nguyện vọng. Kadung jien karja tỉnh buh tabiak piah peih bruk pakacah, dalam nan hu jien bayar ka urang jakar, gru pato dom sang bac đại học, cao đẳng hu mintri pato megru ba mai piah iek bruk pakacah. Yaom jien bayar tui quy định di mintri jien padai ka chế độ công tác phí, chế độ bayar tổ chức dom hội nghị ngan saong dom jabat karja saong đơn vị sự nghiệp công lập. 

# Sang iek ruak Hữu nghị Việt Đức peih pakak, ba tame pandar dom máy xét nghiệm tự động VENTANA HE 600. Ini lac dom máy peih ngak tui jalan xét nghiệm Hematoxylin và Eosin (H&E) hu chất lượng glaong, tani tanat, daong ka bác sĩ meda mboh cambaih ruak di yaok urang njauk ruak ung thư; paglaong bruk iek ruak ka urang ruak.

# Tui panuac di pasak y tế dự phòng ban raya HCM, hu gac sa urang metai kayua pandiak tabiak drah. Dahlau nan, di quận 12, hu sa uranaih kamei bahrau 9 bilan (daok di phường Đông Hưng Thuận) saong sa urang kamei, umo 36 thun ((phường Hiệp Thành) metai kayua pandiak tabiak drah. 

# Bruk bốc thăm parabha bảng vòng chung kết giải vô địch U20 futsal châu Á bahrau peih tabiak di Thái Lan. Tui nan, đội tuyển caoh mbar U20 Futsal Việt Nam daok dalam bảng B. Di bảng pakacah ini, đội tuyển Việt Nam meda taom gaok haong dom đội Nhật Bản, Đài Loan (Trung Quốc), Tajikistan saong Indonesia.

Patui di ini dom khau tin dunya:

# Thủ tướng Anh Theresa May barau mbaoh tangin tame  bức thư atah 6 blah brei thau Anh daok caga tabiak truh Liên hiệp châu Âu (EU). Đại sứ Anh di EU Tim Barrow hu payua bức thư ini tal akaok Hội đồng châu Âu Donald Tusk. Amuk May jeng hu mbang ndom biai nao mai tapa phone saong Thủ tướng Đức Angel Merkel, akaok Hội đồng châu Âu Donald Tusk, akaok  Ủy ban châu Âu Jean Claude Juncker piah khan dom panuac barau abih ka Brexit dahlau di tuk bức thư hu payua nao.

# Cao ủy Liên hợp quốc ka urang tị nạn (UNHCR) brei thau, daok duah thau ka bruk lac labaih 140 urang meda lahik hadei di tuk sruh gilai pajeng dom urang ini tabaleik karam di Địa Trung Hải tok hadei di dom tuk tabiak meng tây - bắc Li-bi harei 27-3. Sa likei dam urang Găm-bi-a hu sraong tagok brei thau, jaik abih dom urang nao angaok sruh gilai nan lac urang Ni-giê-ri-a, Ma-li saong Găm-bi-a, dalam nan hu gam uranaih saong urang kamei.  

# Yaom lac hu bruk phản đối di Vê-nê-xu-ê-la, Kapul dom taneh ia châu Mỹ (OAS) jeng daok peih nyaom meyai đặc biệt piah ginum ka bruk khủng hoảng chính trị di Vê-nê-xu-ê-la. Adit dahlau, 14 taneh ia di OAS, dalam nan hu Mỹ, ieu rajaei Ca-ra-cát bayar tự do ka urang gut chính trị saong pasiam veik dân chủ tapa bruk tổng tuyển cử”. Patui di nan, rajaei Vê-nê-xu-ê-la tabiak panuac lên án OAS lih tame bruk di taneh ia ini, iek ini lac bruk vi phạm trắng trợn dom nguyên tắc di OAS. Ni-ca-ra-goa saong Bô-li-vi-a hu tabiak panuac pachreih tui rajaei Vê-nê-xu-ê-la./.