Khaw TIN 19h harei 14/6 saong 6h30 harei 15-6

************ 

 #Harei kabroi 13/6, Phó akaok taneh ia, amuk Đặng Thị Ngọc Thịnh ba akaok kapul urang jakar Việt Nam hu mbaok tame mbang nyaom 32 Hội đồng Nhân quyền, Liên hợp quốc di Giơ-ne-vơ, Thụy Sĩ, dalam tuk pahadar 10 thun padang Hội đồng Nhân quyền. Brei panuac di mbang nyaom, Phó Chủ tịch ndom lac Việt Nam oh padhieh kham merat piah khik caga siam jang quyen di yaok urang Việt Nam, taphia di nan kham merat rik daong tame bruk khik caga quyen anek menuac di angaok dunya.

/ Thủ tướng rajaei barau hu panuac tacei pato ka bruk peih praong, parilo urang blei BHYT saong peih bruk tin học hóa dalam pasang iek, taong yaom, bayar jien iek ruak BHYT. Thủ tướng rajaei pandar BHXHVN samar ngak, pok tagok dom jabat hu thẩm quyền patabiak sarak saong dom jalan ngak lagaih piah jhul samar bruk peih pambak urang blei BHYT  jeng yau patagok BHYT tui baoh sang.

*  di huyện bhum glaong Trạm Tấu, tỉnh Yên Bái hu mboh rilo sruh jit ruak dalam dom bilan akaok thun ini. Dalam nan, kum B hu jaik 300 urang ruak; thủy đậu labaih 130 urang njauk tame sang iek ruak. Anak bruk mbuan sit patuh khang dom janih jit ruak, gah y tế huyện Trạm Tấu, tỉnh Yên Bái hu padang bruk pacang caga dom janih ruak truyền nhiễm di menuac. Taphia nan, hu caga blaoh menuac urang, jru, hóa chất, trang thiết bị piah pabak bruk pacang caga jit ruak .

/ Sở DL ban Đà Nẵng barau peih bruk pok meyaom 6 kapul nyaom saong 17 urang hu mbaok tame  daong tuai  DL kram kapal Thảo Vân2 angaok kraong Hàn  melam  4/6.  6 kapul nyaom nan lac thuyền trưởng saong thuyền viên kapal DL kraong Hàn 1; kapal Phú Quý 2; 2 kapal di doanh nghiệp tư nhân Biển Đảo Việt, kapal du lịch Hàn Giang 2. Kapul Vạn Lặn phường Nại Hiên Đông, quận Sơn Trà hu pok meyaom 2 triệu đồng yaok kapul saong sa urang hu thưởng 1 triệu đồng.

# Hadei di tuk rayo sap ndom Việt Nam brei thau ka bruk duah mek khoáng sản suan hukum rah tabiak rilo di huyện Hàm Thuận Bắc min karja palei oh ngak hagait hu, harei 13/6, Ủy ban bhapbini tỉnh Bình Thuận hu jao ka Sở Tài nguyên saong Môi trường dang tabiak pambuak bruk saong kapul pasang iek liên ngành, Công an tỉnh, Ủy ban bhapbini huyện Hàm Thuận Bắc, akaok Ủy ban bhapbini xã Hàm Chính saong Hàm Liêm pasang iek, brei thau cambaih kol mek khoáng sản suan hukum; ngak cambaih trách nhiệm di dom labik, dom urang hu pambuak tal. .Langyah catang bruk ngak suan saong hu jalan ramik pasiam, oh caik ka bruk duah mek suan hukum dui atah.

/ Hadei di Trà Vinh saong Sóc Trăng,  Kiên Giang lac tỉnh dang ka 3 bhum taneran kraong Cửu Long hu rilo bhap bini Khmer daok, jaik 51.000 baoh sang, meblah 12% menuac sia dalam tỉnh. Dalam nan, urak ini daok hu yaok ribau baoh sang bhap bini Khmer hu biak takik atau oh hu taneh ngak mbang, rai diuk gaok kan kandah. Tal urak ini, tỉnh hu langyah ka labaih 2.000 baoh sang khmer hu taneh ngak mbang; ba bruk ngak ka labaih 10.180 urang ngak, ngan saong yaom jien peih ngak abih tih labaih 60 tỷ đồng.

* Urak ini, bruk duah urang ngak ikan daok lihik di tasik dalam mbang kapal ikan kram di langiu tasik Vũng Tàu daok hu peih ngak. Dahlau nan dua harei, sruh kapal ikan pajeng 13 urang ngak ikan daok taong cap kaya ikan di bhum tasik Vũng Tàu,  gaok sa kapal lạ ginuh kram. Dom kapal ikan daok jaik nan samar mai daong saong ba 12 urang ngak ikan tame Côn Đảo, tỉnh Bà Rịa – Vũng Tàu. 1 urang ngak ikan lahik daok hu gah chức năng pataom gauk duah.

Patui di ini dom khau tin dunya:

/ Akaok hội đồng châu Âu Đô-nan Tu-xcơ  hu panuac lac bruk Anh tabiak truh liên minh châu âu, atau daok ieu lac Brexit, meda lac bruk peih mbaok tukvak palai pajoa oh lac EU bo daok gam taong abih nền văn minh chính trị Phương tây. Ong Tusk mboh lac yaok taneh ia dalam EU jeng njauk khat lahik gah kinh tế, abih di nyu nan lac taneh ia Anh, Brexit meda peih mbaok ka sa tukvak palai pajoa oh lac EU bo daok lac taong abih nền văn minh chính trị Phương Tây. 

* harei 13/6, cảnh sát hu mbaok biak rilo di dom canah jalan di ban ine Paris, caga tame pacang khang piah khik caga trật tự dalam tuk dom mbang tabiak  jalan hu maong lac praong abih kuhria meng tuk patuh tabiak dom mbang tabiak jalan phản đối Bộ luật lao động barau di Pháp El Khomri, meda rah tbiak di harei 14/6 di Paris saong rilo labik dalam taneh ia Pháp. Dom mbang tabiak jalan nyu ngak ka taneh ia Pháp neh rabha gauk saong jaik si tê liệt meng labaih 4 bilan ini mai .

/ Sang mac bia hơi So-ua-tờ Bru-ơ-ri hu jabat di Nam Flo-ri-đa, Mỹ, barau ngak hu sa janih talei đai đóng gói klaok bia barau meda ralai eng atau piah ngak pandap mbang ka ikan, dalam sa kham merat piah trun takik ô nhiễm saong khik caga động vật tasik. Dom talei đai ini hu ngak meng phế phẩm lúa mì saong lúa mạch dalam tuk ngak bia, langyah nyu meng dom janih phụ gia saong pandar khuôn đúc piah ngak jeng dom talei đai. Sản phẩm ini meda pandar ngak pandap mbang ka động vật tasik, atau ralai eng hadei di 2 mong gaok ia tasik./.