Khaw tin 19h harei 15-6 saong 6h30 harei 16-6 .

# Harei 14/6, akaok taneh ia Trần Đại Quang saong diuk di ong gam saong kapul urang jakar pakat glaong Việt Nam hu nao tal ban ine Phnom Penh, peih bruk ravang pakat karja tal taneh ia Campuchia. Di var taom gaok dom urang jakar, urang ngak dalam  Đại sứ quán, dom jabat lambaok Việt Nam di Campuchia, mikva urang Việt daok di Campuchia, doanh nghiệp, doanh nhân, anek saih Việt Nam daok bac di Campuchia, akaok taneh ia Trần Đại Quang taong yaom glaong dom bruk ngak hu di Đại sứ quán, dom jabat lambaok Việt Nam di Campuchia dalam bruk ngak chính trị, ngak siam saong samal bruk tham mưu, rik daong praong tame bruk pakhang saong patagok talei pambuak bruk siam mekre meng kan di Việt Nam haong Campuchia.

/ Di ban sit Huế, Tổ chức Zhishan Foundation Taiwan peih bruk taduan Huân chương lao động hạng 3 kayua akaok negar alin brei saong tabiak mbaok Quỹ chí thiện kayua uranaih.  Lac tổ chức lingiu rajaei di Đài Loan hu brei adat ngak bruk di VN labaih 20 thun tapa,  Zhishan Foundation Taiwan hu ieu pataom dom pren khang daong ka uranaih kan kandah di bhum kreih negar VN dalam bruk y tế saong pato megru. Di tuk tabiak mbaok, hội đồng quỹ chí thiện ka uranaih hu taduan jaik 1,2 tỷ  đồng jien daong saong alin hadiah 35 paok jien bac, yaok paok yaom 1 triệu đồng ka uranaih kan kandah bac naih joi di tỉnh Thừa Thiên -Huế.

# Ban sit Đà Nẵng brei peih veik dịch vụ du lịch angaok kraong Hàn hadei 10 harei padheih ngak bruk, kuhria meng hadei mbang njauk bala di kapal Thảo Vân 02. Tui nan, 11dalam abih tih 25 kapal du lịch hu adat peih bruk pajeng tuai ravang meinangaok kraong Hàn. Ini lac dom kapal hu dom gah chức năng yau Sở Giao thông Vận tải, Sở Du lịch, Cảnh sát Giao thông jalan ia, Bộ đội Biên phòng ban sit Đà Nẵng pasang iek saong taong yaom lac ginup dom bruk khik caga an toàn tuk pajeng tuai du lịch angaok kraong .

/ Pahadar  91 thun harei báo chí cách mạng VN (21/6/1925- 21/6/2016), rayo papar sap – papar binguk tỉnh Quảng Nam barau peih bruk pataom iek veik, alin giải harei pataom papar sap – papar binguk mbang ka 5 thun 2016. Harei pataom pachreih hu 129 tác phẩm papar sap – papar binguk tame pakacah di 27 đơn vị papar sap papar binguk tỉnh Quảng Nam. Dalam nan hu jaik 40 tác phẩm urang siam bruk siam. Mban peih bruk hu alin 13 huy chương ameh, 11 huy chương pariak ka dom tác phẩm di gah papar sap, phim ka gah pato megru, phim tài liệu, phóng sự truyền hình.

# Di pulao Hòn Nội  di vịnh Nha Trang,  tỉnh Khánh Hòa barau peih Harei pataom Yến sào Khánh Hòa thun 2016 piah hadar tal ong muk ong kei hu buh pren yava khik caga, patagok nguồn tài nguyên yến sào di bhum tasik Nam Trung bộ.  Meng 8 pulao yến ngan saong 40 lubang yến, tal urak ini Công ty Yến sào Khánh Hòa hu ba tapol, pambak tapol cim yến jak jeng, patagok abih tih hang yến tal 169 hang ngan saong 32 pulao yến meng tỉnh Quảng Bình atah tal Côn Đảo, tỉnh Bà Rịa Vũng Tàu.

/ Bình Thuận urak ini lac sa dalam dom tỉnh nao dahlau dalam taneh ia ka bruk peih ngak nghị định 67 di rajaei ka dom sarak patagok kaya ikan. Kuhria tal kreih bilan 6/2016, tỉnh hu duyệt angan brei ngak barau, ngak pasiam kapal ikan lac 175 urang, ralo jang 28 sruh duk saong akaok thun. Tal urak ini tỉnh hu 35 sruh ngak barau daok tabiak tasik taong cap kaya ikan. 

#  Cà Mau urak ini hu jaik 916.000 urang blei bảo hiểm y tế, hu 74% abih tih menuac sia dalam tỉnh. Tỉnh kham merat patagok urang blei bảo hiểm y tế lac  75% di puac thun 2016 saong hu 80% tal thun 2020. Piah patagok bảo hiểm y tế di dom sang, gah y tế Cà Mau daok paglaong bruk iek ruak di y tế cơ sở; peih bruk iek ruak bảo hiểm y tế di dom harei thanecar saong adit piah ba mbuan lagaih ka bhapbini bhum atah bayah, bhum kan kandah hu taduan mek quyền lợi chính đáng di drei 

Patui di ini dom khau tin dunya:

/ Hãng thông tấn Yonhap ba panuac hội đồng tham mưu trưởng liên quân HQ brei thau bol bala taneh ia ini hu cap 2 kapal ikan di TQ taong cap sung hukum angaok bhum tasik trung lập di dua gah TT di pabah kraong Hàn. Bol bala HQ daok ngak bruk ini mbiah tal tuk dom kapal taong cap ikan di TQ oh daok hu mbaok di bhum tasik ini. 

#  Mintri Pablei salih Trung Quốc hu brei tabiak angan dom pandap panda pakauk pablei tapa Triều Tiên. Tui mintri ini, angan pandap panda hu dom janih pandap meda hu pandar dalam bruk ngak tabiak vũ khí hủy diệt hàng loạt. Mintri Quốc phòng Hàn Quốc kuhria mboh lac Triều Tiên daok khik takik abih 40 ki-lô-gam chất plutoni saong meda pandar oh ka tal 6 ki-lô-gam plutoni piah ngak sa baoh bom hạt nhân.

/ Dom urang ngak praong CPC brei thau taneh ia ini hu cap khik 27 urang TQ, dalam nan hu 12 urang Đài Loan, medil lac pan akaok sa kapul pachot tapa phon piah mek jien dom nạn nhân di TQ. Bruk cap khik rah tabiak tuk urang jakar CPC đột kích sa biệt thự di ban ine Phnom Penh harei 13/6 meng bloh. Tui hãng Roi- tơ, dom urang nan njauk cap khik dalam chiến dịch hu pambuak bruk di gah TQ saong CPC./.