Khaw tin 19h harei 16/12

# Cục An toàn pandap mbang menyum bahrau taduan hu panuac brei thau dahlau meng Ban Thư ký Mạng lưới jabat an toàn pandap mbang menyum dunya (INFOSAN) ka dom janih pandap mbuan njaom khuẩn salmonella hu blei tame Việt Nam meng negar langiu. Cục An toàn pandap mbang menyum daok pasang iek veik saong tacei pato dut iek chỉ tiêu Salmonella Agona ngan haong dom janih pandap tui panuac brei thau dahlau ini. 

#Dalam tuk pahadar 45 thun jayah Hà Nội - Điện Biên Phủ angaok lingik, Gilang tapuk bol bala pambuak bruk saong Cục Chính trị Quân chủng Phòng không Không quân peih bruk parang iek tapuk, báo ngan saong jaik 1.000 ấn phẩm hu parang tabiak tui 6 asal kadha. 

# Pasak khik iek chất lượng Westgard (Hoa Kỳ) hu pok Harak Chứng nhận mek hu chuẩn Six Sigma (jalan pasiam veik quy trình piah patrun bruk ngak suan) brei ka jabat dut iek dalam pasak Ung bướu – Sang iek ruak Chợ Rẫy, bal raya Hồ Chí Minh. Ini lac jabat dut iek akaok meti pak Việt Nam mek hu chứng nhận dunya ini ngan haong 75% dut iek hu mbaok tame mek hu labaih 6 Sigma. 

# Var raong pabui 2 tal, hu hệ thống xử lý khak, ia nerak khép kín lac mô hình hu ngak dahlau piah patagok kinh tế sang urak ini di mikva libik bhian gaok ia xua xã Triệu Giang, huyện Triệu Phong (Quảng Trị).  Mô hình ini hu pilih ruah kayua nyu lagaih tuk hajan xua tal, urang raong mbuan si ba tapol pabui tagok tal 2, oh njauk ba pabui tagok bhum glaong yau dahlau thiah.

# Tui Sở Lao động, Thương binh saong Xã hội Khánh Hòa, tỉnh daok ngak dom jalansiam piah daong urang kathaot saong baoh sang kathaot gilac veik kathaot hadei di ribuk. Tui nan, tỉnh samar brei harak hiểm y tế ka baoh sang kathaot, jaik kathaot; ieu pataom pren khang meng pablak dom danak dak cakrok patagok kinh tế - xã hội di bhum ceik…

# UB bhapnini ban sit Hạ Long (tỉnh Quảng Ninh) barau ba tabiak bruk khik saong patagok dom yaom ilimo siam kheih di palei ngak ikan di Vịnh Hạ Long. Libik peih ngak di bhum Cửa Vạn di Vịnh Hạ Long saong libik bhapnini daok Cái Xà Cong, phường Hà Phong. Jien peih ngak tui kuhria abih labaih 1.698 tỷ đồng. 

# Jalan bingu Tết Mậu Tuất 2018 angaok jalan nao kabak Nguyễn Huệ, bal raya Hồ Chí Minh meda rah tabiak meng harei 13/2/2018 (28 bilan Mat) tal harei 19/2/2018 (4 bingun Tết) ngan haong kadha “Caong khin yam atah”; brei mboh sa bal raya hiện đại cakrok patagok, mbeik drei yam tame min jeng daok khik hu asal ilamo dalam harei Tết meng kan di bangsa.

Khaw tin dunya

# Ruak me-ik saradang bhian hu thau lac makna ngak patagok bruk mbuan ba tal dom ruak di thận, min roh duah barau ini di dom urang alamu Mỹ brei mboh bruk karei jang, nan lac dom ruak di thận jeng meda ngak patagok bruk mbuan ba tal ruak me-ik saradang.

# Bal ine Zagreb di Croatia (Bỉ) hu urang puac blah du lịch European Best Destinations (Dom labik pachreih urang nao tal abih di châu Âu) palih ruah lac labik hu darak Giáng sinh mekre abih châu Âu.

# Nhà xuất bản inelang angan je Merriam-Webster di Mỹ hu pilih ruah  "feminism" (bình quyền ka urang kumei) meng từ khóa di thun 2017. Tui Tổng biên tập nhà xuất bản Merriam-Webster, dom mbang duah thau từ khóa "feminism" angaok blah Merriam-Webster.com dalam thun 2017 hu tagok tal 70% duk saong thun dahlau nan saong bruk tra cứu duah thau tagok rilo jang hadei dom bruk praong.