# Akaok Sở ngak nong song patagok palei pala tỉnh Tây Ninh Võ Đức Trong brei thau, sở dok kiểm điểm trách nhiệm dom urang song cơ sở pablei salih pandap ngak nong Vũ Hoàng (xã Thanh Điền, huyện Châu Thành, tỉnh Tây Ninh), pambuak tal bruk pablei jiak 22 tấn padai pajaih OM 1352 oh siam ngak khat lihik ka bruk ngak padai di urang nong. Piah pasiam meneing bruk nan, cơ sở taduan bayar veik yaom jien pablei pajaih ka urang nong abih tih lac 243 triệu đồng, min dom khat lihik ka pren yava ngak abih vụ urang nong ngak gleih glar, ye oh ka hu urang halei dang tabiak taduan trách nhiệm. 

# Sang bac iSchool di tỉnh Long An peih trại hè Summer Camp thun 2018. Hu mbaok tame trại hè, anek saih hu mboh, hu ngak saong brei thau hatai takre tapa dom môn khoa học, năng khiếu, kỹ năng sống, bac sap Anh saong gru pato taneh ia lingiu…Dalam 6 adit, meng 15/6 /2018 tal 25/07/2018), trại hè iSchool Summer Camp “nao atah jang, sahaneng praong jang” meda ba mai ka anek saih meng tan bac 1 tal tan bac 12 sa bilan hè bui sambai, chreih chrai saong hu makna.

      # Dalam tỉnh Tiền Giang urak ni hu labaih 500 ribau drei pabui, dang akaok bhum taneran krong CL. Yaom lac pabui rilo yaom glaong, min urang rong di  tỉnh Tiền Giang oh khang hatai rong veik kayua bruk pablei pabui oh tani tanat. Ong Nguyễn Nghĩa Dũng, po trang trại pabui  di xã Dưỡng Điềm, huyện Châu Thành, tỉnh Tiền Giang brei thau, bruk rong pabui di labik ni dok tavak tavaiy . Yaom pabui pajaih song pandap mbang ka pabui gam gam tagok, dalam tuk nan, bruk pablei dok pagam pambak tame thương lái nan ye rilo boh sang rong klaak val saoh atau salih tapa bruk karei 

         # Akaok Ủy ban bhapbini tỉnh An Giang Vương Bình Thạnh hu dang tabiak peih mbang nyaom saong dom sở, ban, ngành piah pasang iek veik bruk kuhria caga peih nyaom biai Xúc tiến đầu tư tỉnh An Giang thun 2018, tui kuhria hu peih tabiak di kreih adit? bilan 9 tal. Tui nan, uy mban bhapbini tỉnh An Giang caga ba tabiak 54 dự án piah ieu đầu tư dalam saong lingiu taneh ia di 6 gah hu: ngak nong, dịch vụ - du lịch,  công nghiệp, jalan mbak, padang ngak saong patagok đô thị , y tế. Tui kuhria, nyaom biai meda pachreih jaik 382 urang jakar dalam saong lingiu taneh ia mai hu mbaok.  

      # Giám đốc Sở Lao động Thương binh song  Xã hội tỉnh Bạc Liêu Trần Hồng Chiến brei thau: Tỉnh dok peih rilo danak dak jalan ngak piah dong ka xã hội song pasiam veik chức năng ka urang gala, urang rối nhiễu tâm trí pagam pambak tame bhap bini. Bạc Liêu kham merat thun 2018 hu  90% dom  huyện, ban  khik ka urang gala, rối nhiễu tâm trí hu dong ba tui dom jalan karei di gauk hu pabak dom  dịch vụ cơ bản, abih di nyu nan lac dịch vụ y tế.

        Khaw tin dunya

        # Dom công tố viên di Đức barau ba tabiak yaom phạt kỷ lục tagok tal 1,2 tỷ đô la Mỹ ka Vôn-oa-gen (Volkswagen), tập đoàn ngak radaih ô tô dang akaok di Đức, ngan saong panuac lac gian lận tanut tathuak tabiak khí di jamriak đi-ê-den (diesel). Dalam sa pathau khan barau ini, gah công tố Đức brei thau, ini lac tanut phạt praong abih kuhria meng dahlau mai hu padar ka sa công ty di taneh ia ini.

       # Hãng ngak xe hơi dang akaok Nhật Bản Tô-y-ô-ta (Toyota) bahrau khan lac hu buh tabiak 1 tỷ đô la Mỹ tame Gờ-ráp (Grab), dịch vụ ieu radeih công nghệ hu trụ sở di Xinh-ga-po (Singapore). Gam song bruk buh jien nan, tui sanya di 2 gah, lambaok di  hãng radeih Nhật Bản jeng hu mbaok tame  Ban giám đốc di Grab. Langiu di nan, Toyota dok klah rabha ilamu song Grab, dalam nan hu phần mềm dự báo tuk halei radeih ô tô khin hu pasiam veik.  

# Urang dang akaok gah ngoại giao di Mỹ, Hàn Quốc, Nhật Bản barau sannya lac pambuak bruk piah khik kajap bruk Triều Tiên yah klak danakdak vũ khí hạt nhân hadei di mbang taom gaok pakat glaong di Tổng thống Mỹ Đô-nan Trăm saong urang dang akaok Triều Tiên Kim Châng Un di Xinh-ga-po harei 12/6 barau blaoh. Di ini, Ngoại trưởng Mỹ Pom-peo ndom lac, Triều Tiên hu sanya yah klak kho vũ khí hạt nhân, min nan lac sa bruk bo oh mbuan si ngak blaoh dalam drah samal./.