Khaw tin 19h harei 16/9 saong 6h30 harei 17/9

# Hadei di sa tukvak pala iek saong pala hu tangei biến đổi gen, tỉnh Vĩnh Phúc brei buh tabiak labaih 8 tỷ đồng daong ka dom puk palei dalam tỉnh peih praong taneh pala tangei dalam bilan Đông 2016 ngan saong dom pajaih tangei biến đổi gen ye NK4300Bt/GT, NK66Bt/GT, ĐK6818S. Ini lac dom pajaih hu pala iek bloh di dom puk palei .

/ Piah caga pacang cakak ruak pandik meta bhong, harei 16/9 mintri y tế hu panuac kakei bhap bini brei gam gam rao tangin meng jabol, pandar ia hacih; oh mek tangin jalia meta, dung, cambuai; oh pandar hong gauk pandap yau: jru kanjoh meta, khan uak mbaok, camin meta, khẩu trang… pandar jabol atau dom janih jru sát trùng dom pandap pandar, pandap di urang ruak; abih di nyu nan lac patakik taom gaok urang ruak atau urang medil lac njauk ruak pandik meta bhong. 

# Kapul pasang iek liên ngành ka an toàn pandap mbang menyum di tỉnh Bà Rịa-Vũng Tàu barau peih bruk pasang iek dom labik ngak ngak njam pun bào dalam phường Kim Dinh, ban sit Bà Rịa. Gah chức năng hu mek khik saong niêm phong 2 thùng ia hóa chất pha blaoh hu padang dalam 2 thùng sơn 20 lít saong 1 kadung hóa chất sambo màu hijao oh hu nhãn mác trak 0,8kg piah ba nao dut iek. 

/ Peih ngak danak dak daong ka uranaih kan kathaot nao tal sang bac, tuk tame thun bac barau, harei 15/9, di ban sit Kon Tum, kapul daong urang joh jo saong uranaih metuai medhua tỉnh Kon Tum peih bruk alin hadiah 100 sruh radaih juak ka uranaih joh jo hanjul saong uranaih metuai medhua. 100 adei anek saih pakat bac tiểu học, THCS hu kapul daong urang joh jo saong uranaih metuai medhua tỉnh Kon Tum alin radaih juak nan, yaok harei njauk nao takai biak atah piah tal sang bac. Hu adei njauk nao takai meng 3 tal 5 mbiak jalan.

# Urak ini, di ấp 4, xã Mỹ Thành Bắc, huyện Cai Lậy, tỉnh Tiền Giang hu mbaik tatua bê tông  nao tapa kênh Cả Gáo hu meng labaih 10 thun ini mai, nyu khut tayah mbaok tatua , jhoh phần nhịp saong lan can …Piah nao mai, bhapbini njauk lót sàn meng krem la-ar oh an toàn. Dalam tuk nan yaok harei hu yaok ratuh anek saih di sang bac Tiểu học Mỹ Thành Bắc 2 saong bhapbini nao mai, mbuan ba tal metai lihik.  Ông Phan Văn Buôn, sa urang daok di xã Mỹ Thành Bắc, huyện Cai Lậy, tỉnh Tiền Giang lac : "Mbaik tatua ini megaiy rilo kayua nhịp jhoh. Tok nao saoh, nao takai min, kan si nao mai. Nao jalan ini jeng hu urang labuh bloh. Caong ngak veuik tatua ka anek saih nao tapa, njauk halei nao vòng atah gah ala daih”.

/ Huyện Cát Hải, ban sit Hải Phòng hu dom jalan ngak siam piah pachreih tuai damuai mai tal pulao Cát Bà. Adit “cát bà hijao – labik njauk nao DL bilan thu thun 2016” lac sa kadha praong ngan saong dom bruk ngak chreih chrai dalam bilan thu ini. Di harei pataom pandap mbang menyum rah tabiak meng harei 22 tal harei 26/9, tuai damuai hu mbang dom pandap di Cát Bà yau lẩu hải sản,dom janih ikan yau ikan hống, tu hài, hàu; pabe ndik ceik patau.

# "Tạ Chí Đại Trường" lac sa urang sử học hu tính độc lập saong phong cách karei dalam roh duah sajarah nan lac panuac ndom di dom urang roh daoh di var ginum biai “ Sajarah di Tạ Chí Đại Trường" saong caong khin ginum biai dalam jang, rik daong pok meyaom dom tac pham di ông. Danakdak kayua pasak ilimo Pháp pambuak bruk saong Công ty sách saong truyền thông Nhã Nam peih ngak. Tiến sĩ Trần Trọng Dương, Viện roh duah Hán Nôm, Viện Hàn lâm Khoa học Xã hội Việt Nam brei thau : Drei hu sahanneg, hu ngak, hu vak, hu puac dom hagaiyt drei sangka , takre oh njauk vak dom bruk bo urang karei takre – nan lac bruk praong abih bo Tạ Chí Đại Trường hu ba mai ka Sử học Việt Nam.

Patui di ini dom khau tin dunya:

/ Harei 15/9, kỹ sư trưởng danak dak hàng không vũ trụ hu urang peih di TQ, ong Châu Kiến Bình brei thau taneh ia ini meda brei padang sa blai vũ trụ hu kein laba kinh tế saong pandar ralo dữ liệu jang Blai vũ trụ dunya ISS urak ini.

# Đại sứ quán Việt Nam di Na Uy brei thau, barau ini, mintri ilimo padhih saong du lich hu pambuak bruk saong Đại sứ quán Việt Nam di Na Uy peih danakdak nghệ thuật saong parang iek hu angan "Hương sắc Việt Nam" di sang daoh Gamle Logen di ban ine Oslo (Na Uy), pahadar 71 thun Quốc khánh Việt Nam saong 45 thun  pambauk bruk ngoại giao Việt Nam - Na Uy. Na Uy lac sa dalam takik dom taneh ia daong patagok ka Việt Nam di gah ilimo tapa dự án giao lưu âm nhạc "Transposition", hu mbaok di 12 tổ chức nghệ thuật dang akaok di dua taneh ia, rik daong paglaong taom gaok ilimo saong nghệ thuật.

/ Tổng thống Vê-nê-xuê-la Ni-cô-lát Ma-đu-rô harei kabroi (15/09) brei dui atah jang 60 harei bruk kinh tế khẩn cấp piah pacang cakak bruk khủng hoảng kinh tế praong urak ini di taneh ia ini. Ini lac mbang ka 4 tổng thống Ma-đu-rô dui atah sắc lệnh ini./.