Khaw tin 19h, harei 1/7 saong 6h30 harei 2/7

# Pak mbang họp báo biar harei 30/6, Akaok mentri, Chủ nhiệm Văn phòng raja-ei Mai Tiến Dũng brei thau: Anak dom kadha tantu, cambaih laih, tal harei 28/6, Formosa Hà Tĩnh hu dang tabiak taduan trách nhiệm, likau ma-ah bhap bani saong Raja-ei Việt Nam ka bruk ngak jhak biak trak tal tasik; hu sanya bayar dom khat lahik gah kinh tế ka bhap bani, daong pasalih bruk ngak, bayar jien xử lý ô nhiễm, pasiam veik môi trường tasik  4 tỉnh gah kreh negar yaom jien abih tih 11.500 tỉ đồng, samu  500 triệu USD. Formosa Hà Tĩnh jeng hu sanya oh caik rah tabiak veik dom bruk ngak suan adat hukum gah pacang khik môi trường saong tài nguyên aia di Việt Nam .

# Bair harei 30/6, di Hà Nội, mintri ngak nong saong patagok palei pala, gah Nông lương Liên hợp quốc (FAO) saong Quỹ patagok ngak nong dunya  (IFAD) hu peih nyaom biai pataom iek veik dự án “Thiết kế saong ngak tui dom sarak ka urang kathaot palei pala piah langyah dom bruk rui ro saong mbuan si gaok pandik harao di pakat negar. Tui ông Nguyễn Song Hà, lambaok FAO di  Việt Nam taong yaom,  dự án ba tabiak oh praong min hu makna praong. Dự an ngak hu meda rik daong bruk thiết kế saong peih ngak dom sarak suai livik ka Việt Nam.

# Harei 30/6, pambuak tal bruk pablei thanh lý 264 sruh radaih ô tô, yaom daok veik lac 390 triệu đồng, Mentri Jien padai langyah: "Ini lac yaom daok veik angaok harak gar kế toán di 264 sruh radaih ô tô pak tukvak hu bruk thanh lý, oh lac yaom jien mek hu meng bruk thanh lý 264 sruh radaih ô tô ini”. Tui Mentri Jien padai, yaom drap ar hạch toán angaok harak gar kế toán hu tamo yaom drap ar (yaom blei bahrau) saong yaom daok veik di drap ar.

# Miunyim tỉnh Nam Định harei 30/6 hu taduan mek 55 cổ vật kayua ông Nguyễn Thanh Nam, Phó Ban khik ramik inem mek sajarah ilimo Tể tướng Nguyễn Mậu Tài (huyện Thanh Trì, Hà Nội) saong 22 cổ vật kayua ông Phạm Quốc Quân, dahlau thiah ngak Giám đốc miunyim sajarah negar alin brei.

 # Harei pataom sap daoh miền Đông mbang ka XVII - Ninh Thuận 2016 ngan haong kadha "Miền Đông - Ninh Thuận - Gavang tangin ayut sahabat" kayua Cục Ilamo cơ sở pambuak haong Sở Ilamo – Padhih saong Rivang ma-in Ninh Thuận peih ngak hu tamat blaoh harei 30/6. Ban Tổ chức hu pok huy chương ameh brei ka 5 kapul nyaom nghệ thuật bhap bani nan lac Đồng Nai, Tây Ninh, Bình Dương, Ninh Thuận, Bà Rịa-Vũng Tàu. Langiu di nan daok hu 8 tiết mục xuất sắc hu pok brei huy chương ameh saong 10 tiết mục hu pok brei huy chương pariak pak Harei pataom mbang ini. 

# pagay harei 1/7, labaih 66 rabau anek saih di dom cụm pakacah di ban raya Hồ Chí Minh tame mbang pakacah Trung học phổ thông pakat negar thun 2016. Di harei ini, lingik la ar bingi daong ka dom anek saih mboh chreih chrai rilo. Dom anek saih hu mbaok di dom labik pakacah meng pagaiy hadah piah iek veik bài, duah duk pakacah saong kuhria caga dom pandap cần thiết. Tiêu Hải Phong, anek saih pakacah di Hội đồng pakacah sang bac Đại học Khoa học Xã hội saong Nhân văn ban raya Hồ Chí Minh lac :“dahlau tuk pakacah lac anek saih halei  jeng mboh duh hatai hasit. Dahlak caong đề pakacah thun ini njauk saong pren di dom adei. Dalam nan, binah daong ka anek saih hu điểm 7 hu mbuan jang, daok dom binah phân hóa glaong njauk saong dom kiến thức di sang bac phổ thông.”

# Meng hatai caong khin klah rabha jalan saneng ngak tabiak janih karei dalam tuk pasalih di dom urang po bein ngak du lịch pak Phong Điền,  Ủy ban bhap bani huyện Phong Điền, bal Cần Thơ saong Pasak roh duah pablei salih saong daong ba doanh nghiệp (BSA), Klup kapul Daong ba urang nong pambuak bruk peih mbang taom gaok, ndom biai nao mai di dom chuyên gia haong dom urang po bein ngak du lịch ngan haong kadha “ labik hijao siam saong panuac sanya ka harei hadei”. Ong Nguyễn Trí Nghiệp, Akaok Công ty Nông trại Island pablei salih phun pajaih saong dịch vụ du lịch pak tỉnh Vĩnh Long brei thau:“ Khaol drei njauk pambuak gauk veik. Khaol drei pambuak gauk piah  parabha bruk haong gauk, yaok urang ngak sa janih. Piah ka tuai mai tal labik  ini hu thưởng thức dom món hay, nao tal labik diah mong hu dom pandap karei saong hu dom taom gaok, dom ilamo, cư xử  karei di gauk ye tuai damuai meda duah mai tal drei ralo jang, khaol drei hu kein laba siam jang. Khaol drei ngak meda meng du lịch sinh thái bein”.

Khaw tin dunya

# Dom urang dang akaok gah y tế Mỹ harei 30/6  brei thau, hu veik 3 anek kamal ndih tapui di Mỹ gaok ruak akaok sit hu pambuak tal virus Zika. Kuhria tal harei 23/7 hu 7 anek kamal di Mỹ ndih tapui tabiak gaok ruak akaok sit atau dom dị tật karei pambuak tal Zika ye bất thường ka não. 5 urang kumei sẩy thai atau ndih tapui dahlau harei min oh khik hu anek. Urak ini pasak pacang caga saong dut iek jit ruak Mỹ daok dut iek 287 urang kumei litran mbuan si njaom virus Zika.

# Mentri Ngoại giao Thái Lan melam 30/6 hu tabiak harak brei thau ka bruk negar ini hu Mỹ ba tabiak truh angan dom negar njauk tui iek kayua hu bruk pablei mauac. Harak di Mentri Ngoại giao Thái Lan ndom lac bruk Mentri Ngoại giao Mỹ ba negar ini tagok nyaom negar pakat 2 salih ka pakat  3 dalam Harak pathau khan yaok thun ka bruk pablei manuac hu ba tabiak di melam 30-6 (lac tuk page di Mỹ) nan lac bruk njauk pok meyaom, saong brei mboh ý chí chính trị biak biai di Raja-ei Thái Lan jeng yau dom siam mekre dalam langyah bruk pablei manuac.

# Mintri Quốc phòng Algeria harei 30/6 brei thau dalam dom mbang pagui mek kol khủng bố dalam bilan Ramadan kuhria meng harei 6/6 tal ini, bol bala taneh ia ini pametai hu 39 kol khủng bố di Médéa (Mê-đê-a), Bouira (Buốc-ra), Sidi Bel-Abbès (Xi-đi Ben A-bê), Illizi (I-li-di), Jijel (Gi-gien) saong Sétif (Xê-típ), nan ye abih tih dom kol khủng bố pametai hu meng akaok thun tal ini labaih 100 urang .