Khaw tin 19h harei 17/9

# Sở Du lịch Hà Nội barau brei thau danakdak “ harei pataom du lich palei ngak mengkan Hà Nội - Việt Nam 2016" peih ngak di labik inem mek Hoàng thành Thăng Long - Hà Nội, meng harei 29-9 tal 2-10 jaik tal. Ngan saong kadha "Hà Nội - Tinh hoa bruk ngak mengkan”, harei pataom hu caong lac bruk ngak ilimo, du lich rik daong yaih khan, khik saong patagok dom palei ngak thủ cong mengkan pagam saong du lich di ban ine Ha Noi jeng ye dom tỉnh, ban dalam taneh.

/ Labaih 5 thun peih ngak danak dak bruk ngak negar ka padang ngak palei pala barau, tapa dom phun jien bruk ngak negar saong di puk palei, huyện Đăk Đoa, tỉnh Gia Lai hu buh tame padang ngak jaik 100 công trình thủy lợi brei ka bruk pala drak, labaih 200 công trình ia pandar, labaih 4.000 sang daok; langyah labaih 120 ha taneh pala drak ka bhap bini bangsa takik kan kathaot saong định canh, định cư ka 109 baoh sang bhap bini bangsa takik takik  di 2 xã Đăk Sơmei saong xã Hà Đông.

# Đại sứ quán Israel pambuak bruk saong Công ty Phòng khám baoh sang  Việt Nam barau peih bruk iek ruak saong alin pandap ka bhapbini di 9 xã kathaot di huyện Kon Plông tỉnh Kon Tum. Danakdak pataom hu 25 bác sĩ, 25 điều dưỡng viên thiện nguyện mai meng dom taneh ia ye Anh, Pháp, Mỹ, Nhật bản, Israel saong dom nhân viên y tế mai meng Hà Nội, ban raya Hồ Chí Minh saong Đà Nẵng. Tapa nan, Kapul jeng hu brei jru saoh ka labaih 13 rabau sang bhapbini dalam tỉnh .

/ Tal kreih bilan 9/2016, Bình Thuận hu 172 po kapal tut angan tame mesraiy phun jien tui Nghị định 67 hu Ủy ban bhap bini tỉnh Bình Thuận phê duyệt. Dom dhar gilang pariak dalam tỉnh hu pambuak bruk brei mesraiy ngan saong 60 kapal, dalam nan hu 58 sruh ngak barau, 2 sruh pasiam veik. Abih tih phun jien sanya brei mesraiy lac 376 tỷ đồng, peih jien brei mesraiy bloh 354 tỷ đồng.

# Parang iek dunya ka công nghệ, thiết bị saong bruk điều phối, truyền tải điện (Electric & Power Vietnam 2016) saong pareng iek dunya mbang yaka  6 ka công nghệ tự động hóa saong hệ thống dut iek quy trình di  mạng lưới điện công nghiệp, sang máy (Industrial Automation Vietnam 2016) hu peih ngak saong gauk di ban raya Hồ Chí Minh. Dua prang iek ini pachreih 150 doanh nghiệp mai meng 30 taneh ia saong bhum taneh, hu : Đức, Ấn Độ, Hàn Quốc, Đài Loan, Singapore, Thổ Nhĩ Kỳ, Trung Quốc, Việt Nam…gam saong bruk hu mbaok di dom thương hiệu hu angan je di dunya.

/ Meng harei 15 tal 19/9 di ban sit Cần Thơ hu rah tabiak nyaom darak dunya VN – Prang thun 2016. Ini lac bruk ngak daok dalam nyaom meyai pambuak bruk dom puk palei VN – Prang mbang ka 10, mbang akaok meti hu peih tabiak di ban sit Cần Thơ kayua UB bhap bini ban sit Cần Thơ dang akaok piah xúc tiến pablei salih, peih praong talei pambuak bruk, ngak tatua pambuak bruk di doanh nghiệp VN saong Prang, taom gaok ilamu dom puk palei di dua taneh ia. Nyaom drak pachreih hu jaik 300 gian hàng ngan saong 200 đơn vị, doanh nghiệp dalam taneh ia saong doanh nghiệp Prang.

# Hadei di 5 thun peih ngak danakdak ba menyek ka dom sang oh ka hu menyek di tỉnh Sóc Trăng (rilo meng lac dom sang bhapbini Khmer), dự án ngak blaoh njauk tukvak, ba tame pandar khik caga hu ka chất lượng, kỹ thuật hu brei menyak tani tanat ka 45.322 sang bhapbini (rilo jang labaih 25.000 sang duk saong kuhria dahlau; dalam nan dom sang bhapbini Khmer pandar menyek negar meng 67% tagok 97%.

Patui di ini dom khau tin dunya:

/ TQ saong Ấn Độ peih vòng tham vấn barau ka pasang iek vũ khí di ban ine Niu Đê-li di Ấn Độ, klah rabha jalan sahneng ka dom bruk daok hu dua gah sangka dalam gah pambuak bruk, ngan saong bruk praong lac Ấn Độ tame kapul dom negar pabak brei hạt nhân.

#  Kadung jien dunya  (IMF) hu brei tapa quyết định giải ngân 1 tỷ USD daong ka Ukraine, pambuak veik bruk daong ka taneh ia ini tani tanat kinh te daok gaok kan kandah. Quyết định di IMF ba dom paok jien giải ngan daong Ukraine tagok 7,62 tỷ USD.  Kuhria meng bilan 8/2015, Kiev oh ka taduan mek hu paok jien halei dalam paok jien daong yaom 17,5 tỷ USD di  IMF kayua kadung jien ini huac bruk tham nhũng di Ukraine – taneh ia jeng daok dang anak rilo srau kadau ka chính trị.

/ Bruk caong pablei 2,2 triệu harak di dom urang peih ngak Paralympic Rio 2016 meda ngak hu. Harei 15/9 tui mong VN, abih tih harak pablei hu ralo jang 2 triệu, saong tuikuhria oh dang veik di nan tuk không khí Paralympi daok chreih chrai bak jalan di Brazil./.