Khaw tin 19h harei 18/10 saong 6h30 harei 19/10/2016

      # Page harei 18/10, pak Hà Nội, Thành ủy, Hội đồng bhap bani, Ủy ban bhap bani, Ủy ban Mặt trận Negar Việt Nam bal ine Hà Nội peih ngak prong prang bruk pahadar 70 thun harei ilamu tapon nyom bol pan phao kraong bal ine Hà Nội (19/10/1946-19/10/2016) saong taduan mek Huân chương Quân công hạng Nhất. Lambaok urang pal akaok Đảng, Karja, Akaok negar Trần Đại Quang hu pok  Huân chương Quân công hạng Nhất brei ka tapon nyom bol pan phao kraong bal ine Hà Nội.

      # Tui kuhria mboh dahlau di pasak khí tượng Thủy văn Trung ương, melam 18/10, ribuk ka 7 ba tal hajan praong di dom tỉnh ye : Nam Định, Thái Bình, Quảng Ninh, Hải Phòng.... Urak ini, karja dom tỉnh ban daok ieu dom kapal gilai mai labik plaih ribhuk saong caga dom jalan pacang.

      # Ban tacei pato pakat negar ka bruk pacang caga bala meng langik tasik brei thau, kuhria tal page harei 18/10, hajan ribuk ngak ka 60 urang metai, lahik saong njauk rambuis, dalam nan tỉnh Quảng Bình hu urang metai, lahik saong njauk rambuis 47 urang. Hajan ribuk jeng ngak ka jaik 3 ribau baoh sang dauk dalam aia, tapeih tabung, khut khat saong jaik 4 ribau héc ta padai, njam patam khat lahik. Ralo jalan tỉnh, jalan huyện saong jalan nao mai dalam palei njauk aia dauk, glut jaleih ngak kan kandah tal bruk nao mai...

      # Piah klah rabha dom kan kandah, khat lahik trak di bhapbini saong dom puk palei dalam  mbang hajan xua barau blaoh, pagaiy harei 18/10 di jabat rajaei, Thủ tướng Nguyễn Xuân Phúc hu tabiak bruk rik pataom jien padai daong ka bhapbini dom tỉnh gah kreih negar. Thủ tướng lac : Lambaok rajaei, dahlak caong dom kapul nyaom, menuac urang saong bhapbini dalam taneh ia, kayua bhapbini ralo darah di drei, klah rabha dom kan kandah di bhapbini bhum gaok khat lihik. Dahlak caong yaok menuac, yaok kapul nyaom rik daong tui pren di drei piah daong bhapbini kol drei daok gaok kan kandah.

      # Page harei 18/10, di Pasak Papar sap Negar, Rayo sap ndom Việt Nam hu peih bruk jak ba rik pataom jien padai  daong brei  bhap bani gah kreh negar. Brei panuac tuk peih bruk jak ba, ong Nguyễn Thế Kỷ, Ủy viên Trung ương Đảng, Akaok Rayo sap ndom Việt Nam caong lac, hadei di van rik pataom ini, dom jabat di Rayp hu jak ba urang jakar, urang ngak rik pataom jien padai brei ka bhap bani gah kreh negar. Pak di tuk peih bruk, urang pal akaok Rayo, haong dom urang dang akaok dom jabat di Rayo sap ndom Việt Nam hu rik daong meng jien padai. Yaok urang jakar, urang ngak di Rayo daong brei takik abih sa harei jien bilan piah klah rabha dom khat lahik, daong ka bhap bani gah kreh negar samar pasiam veik dom khut khat kayua ribuk .

       # Jaik 9 tuk meteh harei 18/10, sa sruh kapal haok pasram di Tổng Công ty trực thăng gah meraong di Binh đoàn 18, Quân chủng Phòng không - không quân daok ngak bruk di mblang par Vũng Tàu, tuk par tal labik ceik Dinh dalam huyen Tân Thành ye lihik tín hiệu. Hu thau, di tukvak lihik tín hiệu, angaok sruh kapal haok hu 3 urang, dalam nan hu sa lái chính saong dua urang pasram. Ông Nguyễn Xuân Trạch, Chánh Văn phòng Ủy ban bhapbini tỉnh Bà Rịa – Vũng Tàu brei thau, ini lac sruh kapal haok EC 130. Dalam tuk pasram,i 15 hadei di tuk par, sruh kapal haok lihik liên lạc. 

       # Ủy ban bhap bani Bal raya Hồ Chí Minh bahrau tabiak panuac lac jit ruak kayua virus Zika pakat xã, phường dalam bal. Phường Phước Long B, Quận 9, labik tabiak panuac lac hu jit, hu sa urang kamei umo 28 thun bahrau njaom  virus Zika. Yau nan, Bal raya Hồ Chí Minh hu 4 urang njaom virus Zika dalam abih tih 7 urang dalam negar. Bác sỹ Nguyễn Trí Dũng, Akaok Pasak Y tế dự phòng Bal raya Hồ Chí Minh nói: Tapa bruk tabiak panuac lac hu jit ngak brei paglaong akaok saneng ka bhap bani, piah ka bhap bani caik hatai sangka, thau cambaih laih jang bruk ngak di drei dalam pacang caga jit ka drei saong ka rahra. Meyah drei daok dalam labik hu jit ruak ye dahlau abih njauk sang ka pacang khik rup drei meng bruk pametai  jamaok saong lăng quăng).

       # Dua hợp tác xã kiểu barau gah ngak amraik kalu hacih hu Hợp tác xã amraik kalu hacih Lộc Phát saong Hợp tác xã Quyết Chí tabiak mbaok harei  17/10 di tỉnh Bình Phước hu gah pambuak bruk taneh ia langiu mbaoh tangin blei abih pandap. Ini lac dom HTX kieu barau tui jalan jhul khang di tỉnh ùy Bình Phước piah daong urang nong paglaong sản xuất tui jalan ngak mbang praong, ngak tabiak pandap hacih, khik hu pren pariak gauk saong caga mbeik drei tame darak pasal dunya hadei tuk Hiệp định TPP hu ba tabiak pandar.

          Khaw tin dunya

       # Tổng thống Philippines Đu-téc-tê peih bruk nao rivang mbang akaok meti tal Trung Quốc. Mbang nao rivang ini meda ba tabiak ralo kadha bahrau dalam talei rohim pambauk bruk Philippines -Trung Quốc hadei di sa tukvak suai livik oh njauk gauk. Hu thau, Trung Quốc lac negar akaok meti langiu di bhum taneh Đông Nam Á bo ong Duterte nao rivang hadei di tuk tagok ngak Tổng thống. Mbang rivang  meng harei 18 tal harei 21/10.

      # Di bhum Trung Đông - Bắc Phi, Công ty Dầu mỏ taneh ia Iran (NIOC) barau peih thầu pakat dunya ngan saong 50 mỏ dầu saong khí đốt di taneh ia ini. Ini lac mbang peih thầu pakat dunya akaok mereip di gah dầu khí Iran kuhria meng tuk taneh ia ini mek hu thỏa thuận hạt nhân sajarah saong dom atneh ia dalam dunya meng bilan 7/2015. Tui mintri Dầu mỏ Iran, dom công ty taneh ialangiu meda nộp đơn dự thầu tal puac harei 19/11 saong angan dom công ty trúng thầu tui kuhria hu khan brei thau di harei 7/12 tal. 

       # 85 Nghị sĩ di Thượng viện saong Hạ viện Nhật Bản di dom đảng phái hu mai sirah kalan Ya-sư-cư-ni  (Yasukuni). Dahlau di nan harei 17/10, Thủ tướng Nhật Bản Xin-dô-A-bê (Shinzo Abe) hu payua pandap  palin tal kalan Yasukuni. Kalan Ya-sư-cư-ni pok kakuh 2,5 triệu lính Nhật metai dalam Mesruh metak Dunaya mbang ka II, dalam nan hu 14 tội phạm chiến tranh. Trung Quốc saong Hàn Quốc mong baoh kalan ini yau biểu tượng di chủ nghĩa quân phiệt Nhật Bản./.