# Pak bal raya Hồ Chí Minh, Kapul urang lambaok Ủy ban Bangsa bahrau hu van ngak bruk haong Kapul urang lambaok Bộ Lễ nghi saong Tôn giáo Cam-pu-chia. Pak van ngak bruk, dua gah hu ndom biai nao mai dom jalan paglaong siam mekre talei pambuak gauk dalam bruk ngak bangsa. Dalam bruk ngak bangsa, Việt Nam saong Cam-pu-chia bhian bac megru ilamo haong gauk, padang ngak sarak brei ka bhum urang bangsa takik, bhum ceik saong njauk hatai gauk ka jalan ngak jhul pakhang talei rohim pambuak bruk di dua jabat tham mưu padang ngak sarak bangsa di dua negar.

# Kapul ngak bruk di  Khối pakacah dom jabat Đảng Trung ương bahrau mai rivang, brei 100 pok pandap, yaok pok yaom sa triệu đồng ka uranaih bangsa takik kan kathaot yam tapa kan kandah dok di  huyện Bạch Thông, tỉnh Bắc Cạn. Ni lac bruk sangka klah rabha njauk tuk vak piah dom adei yam tapa kan kandah dalam rai duik, yam tagok bac daa naih joi.

# Meng thun 2013 tal ini, tỉnh Đắc Lắc daok peih ngak 13 dự án ngan haong yaom jien abih tih labaih 337 tỷ đồng, dalam nan phun jien Trung ương labaih 331 tỷ đồng, phun jien tỉnhi saong saong dom phun jien karei labaih 6 tỷ đồng. meng dom dự án ini, tỉnh rami ramik hu jaik 3.000 baoh sang ngan haong jaik 9.700 urang lac bhap bani di cư tự do tame daok grap tanat, mboh ralo pak dom huyện Cư M’gar, Ea Súp saong Krông Bông.

# Di trụ sở Ủy ban bangsa (UBDT), urang dang akaok  Ub bangsa  bahrau hu var taduan raok,  ngak bruk song dom  chuyên gia di danak dak patagok  Liên hợp quốc (UNDP) song pang pathau khan ka bruk ngak hu tuk camereip di roh duah  "Salih jalan ngak mbang song bruk  brei mesraiy jien di dom bangsa  takik dok di  Tây Nguyên song bhum ceik gah brak " kayua kapul chuyên gia di  UNDP peih ngak.

# UB bhap bini tỉnh Quảng Bình bahrau tabiak harak phê duyệt dom angan anek saih hu daong brei jien mbang, jien daok tui Nghị định 116/2016/NÐ-CP harei 18-7-2016 di Raja-ei. Tui nan, dalam tỉnh hu labaih 280 anek saih dom sang bac pak labik biak kan kandah dalam tỉnh hu daong brei jien mbang, jien daok meng bilan 9-2017.

# Danak dak patrun kathaot huyện Văn Chấn, tỉnh Yên Bái tuk vak tapa hu peih ngak di 8 xã: Thạch Lương, Hạnh Sơn, Suối Bu, Minh An, Suối Giàng, Nghĩa Sơn, Sơn Lương song Nậm Mười, lac dom xã hu sang kan kathaot  meblah labaih 50% menuac sia  song hu sang urang bangsa takik  kan kathaot  rilo. Meng yaom jien peih ngak abih tih labaih 15 tỷ đồng, dalam nan hu 6 danak dak jalan mbak  atah abih tih labaih 6 km; 2 danak dak thủy lợi pabak ia pruh ka 118 ha

# Harei pataom quế mbang ka dua thun 2017 bahrau rah tabiak pak huyện Văn Yên, tỉnh Yên Bái. Harei pataom hu ralo bruk ngak yau: pakacah "Urang siam binai bhum quế"; dom bruk ngak ilamo brei mboh gilac dom adat cambat tanarakun meng kan di bangsa Dao bhong… Langiu di nan daok hu ralo bruk ngak karei yau: parang iek dom jamriak chế biến quế, dom janih pandap ngak meng quế; nyaom darak puk palei; nyaom darak pablei salih; bruk ngak pandap mbang meyaih khan dom janih pandap mbang meng kan di puk palei...

Khaw tin dunya:

# Tui  Roi-tơ song TTXVN, dalam họp báo, hadei di tuk taom gaok di Cai-rô, akaok mintri  Ngoại giao Ai Cập X.Xúc-cri song dom urang akaok mintri ngoai giao  Tuy-ni-di song An-giê-ri brei mboh veik bruk pachreih tui di 3 negar ka bruk tani tanat song yasa di Li-bi. Dom akaok mintri  hu panuac ieu brei ngak khang jang bruk hòa giải chính trị, piah meda samar peih dom bruk palih ruah Quốc hội song Tổng thống di Li-bi. 3 negar jeng tah klak dom bruk can thiệp quân sự meng gah langiu tame  Li-bi.

# Tui Yonhap saong TTXVN, brei panuac dalam sa nyaom biai pak Oa-sinh-tơn (Mỹ), urang pal akaok đảng Dân chủ cầm quyền di Hàn Quốc Chô Mi-a-ê brei thau, jalan ngak sron mbon nan lac jalan ngak siam di abih brei ka bruk srau dadhau  hạt nhân Triều Tiên, kayua ini lac jalan ngak duy nhất hu dom taneh ia di dunya pachreih tui. Raja-ei Tổng thống Mun Chê In  thau hu yaom glaong di liên minh Hàn - Mỹ ngan haong bruk sron mbon saong grap tanat angaok pulao kaoh Triều Tiên, min jeng ndom lac, Oa-sinh-tơn juai hu bruk ngak quân sự pacang cakak Bình Nhưỡng meyah oh hu bruk njauk hatai di Xơ-un.

# Dalam var taom gaok di Ma-ni-la, Tổng thống Phi-li-pin R.Đu-téc-tê song  Thủ tướng Trung Quốc Lý Khắc Cường hu sinya brei pakhang song jhul patagok  “động lực tích cực” dalam talei rohim di 2 negar. Phi-li-pin tong yaom glong bruk dong di Bắc Kinh ngan song dom kham merat brei padeih abih  mesuh metak song pasiam veik ban  Ma-ra-uy di Phi-li-pin../.