Khaw tin 19h harei 19 saong 6h30 harei 20/10/2016

     # Page harei 19/10, pak tỉnh Phú Thọ, Bộ Tư lệnh Quân khu 2 peih ngak dalam prong prang lễ pahadar 70 thun Harei ilamu bol lin pal phap krong Quân khu 2 (19/10/1946-19/10/2016) saong taduan mek Huân chương Quân công hạng Nhất.Hu mbaok dalam lễ pahadar daok hu akaok negar Trần Đại Quang gam haong dom urang pal akaok dom mentri, ban, ngành Trung ương saong urang pal kaok dom tỉnh dalam địa bàn Quân khu 2. Mai pataom mbaok daok hu dom amaik ẹ Việt Nam anh hùng, Anh hùng bol lin pal phap krong dom rai rah urang jakar, bol lin pal phao krong Quân khu.

     # Phó Thủ tướng Trịnh Đình Dũng saong kapul ngak bruk barau nao pasang iek bruk pacing caga xua ribhuk di mỏ dang Hà Tu dalam ban sit Hạ Long, Quảng Ninh. Urang dang akaok Tập đoàn Công nghiệp Than - Khoáng sản Việt Nam (TKV) brei thau lac hu blaoh jalan khik caga siam mekre ka khai thác hầm lò, mblang tuh nerak, dom labik mbuan si glut jaleih. Meng khat lhik di mbang ribuk thun 2015, meng akaok thun 2016, Than – Khoáng sản Việt Nam hu tabiak bruk pacing caga xua ribuk .

     # Piah động viên saong daong ba bhap bani daok pambak kayua ribuk aia sua, akaok Quốc hội Nguyễn Thị Kim Ngân saong kapul urang ngak bruk hu mai rivang dua huyện Hương Khê saong Vụ Quang tỉnh Hà Tĩnh. Ini lac dua huyện njauk khat lahik trak abih dalam mbang hajan ribuk meng blaoh. Tal tukvak ini, hajan ribuk ngak ka 108 xã, phường ngan haong labaih 30.000 baoh sang dauk dalam aia. Dom canah jalan nao mai liên huyện, liên xã njauk dauk dalam aia ngak kan kandah tal bruk nao mai saong kan si taom gaok piah daong. 6 urang metai kayua hajan ribuk. Tui kuhria khat lahik labaih 994 tỷ đồng.

   # Di Hà Nội, Đảng ủy Khối dom Cơ quan Trung ương barau peih bruk ieu daong bhapbini gaok bala xua ribuk di dom tinh gah kreh negar. Pachreih tui panuac ieu di Uỷ ban Trung ương Mặt trận negar Việt Nam, Thủ tướng rajaei, dom urang jakar, công chức, viên chức,  đoàn viên công đoàn saong urang ngak di  Đảng ủy Khối dom jabat Trung ương kaoh takik abih sa harei jien bilan daong bhapbini gaok xua ribuk. Abih tih jien daong hu payua tal bhapbini gah kreh negar dalam tukvak drak samal di abih.

    # Công ty Cổ phần pajeng ba jalan pasei Bei Gon bahrau brei thau meda pajeng ba thaoh pandap daong meng dom ga kayua drei khik iek tal dom ga di gah kreh negar. Dom jabat, kapul nyaom ngak pah hala (hu xác nhận di Ủy ban Mặt trận negar atau Kapul nyaom chữ thập đỏ tỉnh, bal) caong khin pajeng ba pandap daong meng jalan pasei liên lạc haong dom dhar pajeng ba jalan pasei pak Sài Gòn, Sóng Thần, Bình Thuận, Nha Trang, Đà Nẵng….piah ngak haral ba-ar pajeng ba ini. Pak ga Sài Gòn, dom jabat, kapul nyaom ngak pah hala meda liên hệ piah pajneg ba pandap daong oh abih jien ngan haong ong Trương Mạnh Hùng, Phòng Quản lý hành lý, [hon ka 090 817 8177.

     # Pamaong tal gah kreh negar rilo darah, tỉnh Tiền Giang brei kaoh tabiak 800 triệu đồng meng kadung jien pacang caga bala meng lingik tasik piah daong bhapbini kathaot bhum gaok ia ndauk di gahkreh negar. Dalam nan, tỉnh Tiền Giang daong ka tỉnh Quảng Bình 500 triệu đồng, tỉnh Hà Tĩnh 300 triệu đồng. Urak ini, dom kapul nyam, dom tổ chức xã hội, urang  hảo tâm di tỉnh Tiền Giang daok samal jak ba, rik daong jien, pandap piah kapul nyaom nao ravang, klah rabha dom kan kandah saong alin pandap ka urang gaok bala libik gaok kanyaik jhak di lingik di dom tinh gah kreh negar.

    # Akaok Ủy ban bhap bani tỉnh Kiên Giang bahrau hu van ngak bruk haong  Ban tổ chức Hoa hậu Hòa bình dunya - Miss Grand International saong njauk gauk palih ruah huyện pulao Phú Quốc ngak labik peih ngak melam chung kết mbang pakacah Hoa hậu Hòa bình dunya thun 2017. Mbang pakacah Hoa hậu Hòa bình dunya thun 2017 hu angan iew lac “padeih mesruh metak saong bạo lực” saong hu peih ngak di dom puk palei yau Quảng Bình, Huế saong Phú Quốc (Kiên Giang).

    #  Kapul ngak bruk di mintri Y tế kayua akaok Cục Y tế Dự phòng Trần Đắc Phu barau hu var ngak bruk saong tỉnh Đắc Lắc ka jit pandiak tabiak darah, saong Zika dalam tinh. Tui pathau khan, meng akaok thun tal ini, dalam tinh duah mboh hu jaik 11.000 urang ruak pandiak tabiak darah dalam nan hu dua urang metai, tagok 7 mbang meteh duk saong dom bilan ini thun dahlau. Daok jit ruak kayua vi rút Zika, barau ini di buôn Tlan, xã Cư Pơng, huyện Krông Búk hu duah mboh sa anek kamal 4 bilan nghi njaom vi rút Zika.

      Khaw tin dunya

    # Ủy ban Bầu cử Liên bang Mi-an-ma (UEC) bahrau brei thau meda peih ngak bầu cử quốc hội pabak di harei 1/4/2017. Mbang bầu cử pabak ini hu peih ngak piah “lam bak” 18 kik daok thaoh dalam quốc hội Mi-an-ma, dalam nan hu  9 kik di Hạ viện, 3 kik di Thượng viện saong 6 kik nghị viện bang. Langiu di nan, tui hukum negar Mi-an-ma, dom baoh kik di quốc hội njauk daok klah thaoh hadei di tuk dom nghị sỹ hu bổ nhiệm khik dom vị trí dalam nội các.

   # Ma-lai-xi-a barau patagok bruk khik caga an ninh biên giới taneh ia drei piah caga bhapbini Ma-lai-xi-a bag auk tame kol IS di I-rắc saong Xy-ri mai veik taneh ia. Bruk ngak ini rah tabiak hadei di tuk bol bala I-rắc peih mbang mesruh praong tame kol IS di ban Mô-xun di I-rắc. Meyah ban Mô-xun  hu bol bala I-rắc mek veik, dom urang Malaixia tui IS meda duah jalan  mai veik taneh ia. Kayua yau nan ye, Ma-lai-xi-a brei khik catang di mblang par saong biên giới, taphia nan paglaong khik  iek dom canah jalan suan hokum bhian hu kol tội phạm blei menuac pandar.

    # Raja-ei Canađa bahrau brei thau, vắcxin pacang cakak Ebola kayua dom urang roh duah negar ini bào chế saong hu Kapul nyaom Y tế dunya taong yaom lac vắcxin hiệu quả akaok mereip pacang cakak Ebola meda samar peih ngak vaktu ngak iek lâm sàng bahrau. Thun dahlau, janih vắcxin ini hu ngak iek pak Ghi-nê ngan haong kết quả biak siam. Tui số liệu di kapul nyaom Y tế dunya, dalam dom mbang jit, Ebola ngak metai di 90% urang njaom mbak, yaom lac ndom gah lí thuyết cơ hội diuk trung bình lac 50%. Đại dịch Ebola thun 2014 ngak takik abih  11 ribau urang metai pak Tây Phi./.