# Pahadar 128 thun harei menek Chủ tịch Hồ Chí Minh (19/5/1890- 19/5/2018), Tỉnh đoàn Thanh Hóa hu pok meyaom 50 dam dara naih gheih ngak tui panuac Wa. Tui nan, Ban Bí thư Trung ương Đoàn hu pok brei huy hiệu umo ranaih dũng cảm ka sa-ai Lê Xuân Huân, Chi đoàn Tập đoàn Bưu chính Viễn thông Việt Nam, dhar Thiệu Hóa saong anh Phùng Văn Thịnh, Hội viên Kapul Liên hiệp dam dara xã Hải Thanh, huyện Tĩnh Gia.

   # Di Đắk Nông, Kapul dam dara Cộng sản Hồ Chí Minh tỉnh jeng hu pok angan 13 kapul nhyaom saong 27 urang hu bruk ngak gheih dalam bruk dam dara ngak tui panuac Wa tukvak tapa. Tui taong yaom di mban peih ngak, tapa bruk bac megru saong ngak tui Wa, urang ranaih umo dalam tỉnh hu ngak rilo bruk siam; meng nan mboh rilo kapul nyaom, menuac urang hadah trah di dom gah. 

# Mentri ngak nong saong patagok palei pala bahrau brei thau ka bruk pasang iek chất ngak ung thư gan hu dalam amariak tapung. Tui nan, dalam 262 mẫu dut iek, hu labaih 36% mẫu hu độc tố Aflatoxin janih jru mek mai meng bimao meyah pataom caik dalam tukvak atah meda ba tal ung thư gan. Dom Amariak tapung hu độc tố ini mboh ralo di dom tỉnh gah barak saong gah kreh negar. 

# meng akaok bilan 5 tal ini, yaom hadang thẻ saong hadang sú di tỉnh Sóc Trăng jeng ye dalam bhum taneran kraong Cửu Long daok trun saong urak ini daok di tanut bair abih dalam 2 thun tapa. Cambaih laih, dom harei tapa, urang blei di Sóc Trăng mai blei hadang thẻ janih 100 drei sa kg lac jaik 70.000- 80.000 đồng/sa kg, trun meng 20.000- 30.000 đồng/sa kg duk saong akaok thun 2018. Ngan saong yaom ini urang raong hadang tok mek veik hu phun jien atau laba biak bair.

# UBND tỉnh Long An bahrau tabiak adat ka tiêu chuẩn saong jalan pok meyaom dalam bruk pakacah “Long An ba gauk padang ngak palei pala bahrau” tukvak 2 (2016 – 2020). Tui nan, xã mek chuẩn palei pala bahrau hu thưởng công trình phúc lợi yaom 500.000 đồng, xã mek hu chuẩn palei pala bahrau paglaong  hu thưởng công trình phúc lợi yaom 1 tỷ đồng; huyện mek chuẩn palei pala bahrau hu thưởng công trình yaom 5 tỷ đồng. 

Khaw tin dunya

# Gah hải quan ban Thẩm Quyến, sa pasak công nghệ di Trung Quốc, barau phá sa jalan talei tội phạm pandar thiết bị par oh hu menuac peh piah pajeng ba điện thoại thông minh (smartphone) meng Hồng Kông nao Thẩm Quyến. Hu abih tih 26 nghi phạm gaok mek dalam bruk hu hải quan Thẩm Quyến pambuak bruk saong dom gah chức trách Hồng Kông.

# Tui kuhria, raja-ei Anh meda peih ngak dom jalan piah peih talaih saong pasiam veik dom quy định brei adat khai thác khí tự nhiên meng patau phiến. Taphia di nan, Raja-ei meda peih ngak sa kadung jien daong patau phiến hu yaom 1,6 triệu bảng Anh (2,2 triệu USD) dalam 2 thun anak tal piah dak padang pren khang saong ilamo di karja puk palei njauk langyah chip bruk brei adat khai thác patau phiến saong dak padang dom jabat khik iek  môi trường patau phiến.

# Dom urang alamu Thụy Sĩ hu ngak tabiak sa thiết bị điện tử sit saong lap jien meda thau hu menuac tapa mùi saong meda pandar dalam daong cứu hộ kayua megaiy taneh atau jaleih tuyết. Tui khan brei thau, dom urang roh duah di Viện Công nghệ Liên bang Zurich brei thau, thiết bị ini hu ngak tabiak phỏng tui chức năng di anek asau cứu hộ.