Khaw tin 19h harei 19/8/2017

# Pahadar 72 thun Cách mạng bilan 8 saong Quốc khánh 2-9, Thành ủy, Hội đồng bhap bani, Uỷ ban bhap bani bal Hà Nội bahrau peih bruk taom mbaok Ban liên lạc dom chiến sĩ Việt Minh thành Hoàng Diệu. Tapa nan, lambaok  Ban liên lạc caong khin bal Ha Noi sangka, samar quyết định bruk caik angan jalan  Cách mạng Tháng Tám, padang ngak rup patau Ðộc lập piah hadar veik chiến công oanh liệt, bruk van klak rup drei di bol lin, bhap bani bal ine; roh duah, hu jalan pok meyaom  dom baoh sang hu công, rik daong tame jayak di Cách mạng Tháng Tám.

# Tỉnh Ninh Bình kham merat tal thun 2020 hu 90% dom sang hu pok angan saong khik kajap angan sang ilimo; 95% dom puk, pale saong 85% xã, phường, ban sit hu sang ilimo.  Tỉnh jeng ba tabiak dom bruk ngak kham merat tal thun 2030 daok dalam nyaom 20 tỉnh, ban hu chỉ số patagok anek menuac (HDI) glaong abih dalam taneh ia.

# Ủy ban Mặt trận negar tỉnh Quảng Bình bahrau peih nyaom biai peih ngak  đề án “Daong brei limo pajaih menek ka baoh sang kan kathaot njauk khat lahik trak kayua ribuk thun 2016 saong labik bhian njauk bala meng langik tasik piah cakrok patagok bruk ngak mbang, patrun kathaot khang kajap tukvak 2017-2018”. Tui nan,  1.000 drei limo pajaih hu daong brei tapak tal baoh sang piah raong glang limo menek, ngak brei công khai, dân chủ, công bằng; tok daong brei ka dom baoh sang caong khin hu limo raong.

# Meng akaok bilan 8 tal ini, urag ngak ikan tapeng tasik tỉnh Quảng Trị tame bilan cap mek ruốc. Bilan ruốc thun ini dui atah jang saong sản lượng jeng glaong jang yaok thun, meda ba jien tame rilo ka urang bhapnini bhum tasik, abih di nyu nan lac hadei di bruk nerak alam môi trường tasik meng blaoh.

# Pak nyaom biai “Labik dang di urang nong bal raya Hồ Chí Minh hu mbaok tame patagok bruk ngak kinh tế tập thể 2017 - 2018”, ong Võ Thanh Dũng, Phaok akaok hợp tác xã Cường Thịnh caong lac, bal raya njauk padang kapul taong yaom dự án saong khik kajap bruk tín chấp piah gilang pariak peih jien brei mesraiy tui quyết định ưu đãi lãi suất di bal raya, piah daong ka hợp tác xã, tổ hợp tác, thành viên hu phun jien jhul pakhang patagok bruk ngak nong.

# Tỉnh Bà Rịa - Vũng Tàu daok ngak dom jalan lang talaih piah paglaong bruk pariak gauk dalam dui pachreih dau tu tame dom libik công nghiệp dalam tỉnh. Dalam nan, sangka dahlau tal bruk palagaih ka gah đầu tư, daong doanh nghiệp patagok, tani tanat bruk ngak, pasiam raidiuk ka urang ngak; jhul khang bruk pachreih đầu tư hu pilih ruah piah raok dom gah đầu tư praong, dự án đầu tư tame gah công nghệ glaong, dịch vụ chất lượng glaong, patagok công nghiệp khang kajap.

# Pak Hà Nội, di tuk pahadar Thun gul pataom Việt Nam - Lào thun 2017 saong Thun gul pataom Việt Nam - Cam-pu-chia thun 2017, Mentri Công an peih ngak danak dak daoh tamia ngan haong kadha “Thắm tình hữu nghị Cam-pu-chia - Lào - Việt Nam” di Mentri Công an Việt Nam, Mentri An ninh Lào saong Mentri Nội vụ Cam-pu-chia.

Khaw tin dunya

# Tân Hoa xã brei thau, sa mbang hajan xua praong barau rah tabiak di mbang Bihar di gah timul Ấn Độ  ngak brei takik abih 91 urang metai saong ngak kan kandah tal raidiuk di labaih jaik 10 triệu menuac.

# Hãng thông tấn A-rập (SPA) brei thau, dom urang Islam mai meng Qatar meda hu brei adat tame A-rập Xê-út piah ngak rukun Hajj yaok thun, oh tavak hagait bruk daok meriak gauk di vùng Vịnh.

10# Tổng Thư ký Liên hợp quốc (LHQ) A.Gu-tê-rét barau hu panuac ieu dom gah pambuak tal tapa ginum biai dua gah saong rilo gah piah langyah bruk catang tagok di bán đảo Triều Tiên. LHQ halan hatian daong pambuak veik dom mbang ginum biai 6 gah ka danakdak hạt nhân di Cộng hòa dân chủ bhapbini  Triều Tiên, taphia nan hu panuac lac, bruk quân sự oh njauk pilih ruah piah langyah bruk./.