Khaw tin 19h harei 20/1

# Tal thun  2020, mintri  Y tế hu ba labaih  300 - 500 bác sĩ uranaih umo mai ngak bruk di dom huyện bhum ceik, bhum atah bayah, bhum tapen negar, bhum kinh tế kan kandah. Ong Phạm Văn Tác, Vụ trưởng Vụ Tổ chức urang jakar  (mintri Y tế) ndom lac: “Meng dự án ni , Mintri  Y tế yam tal bruk padang ngak quy định ka  trách nhiệm song bruk ngak xã hội  di dom urang jakar y tế… 

# Pambuak tal bruk GrabTaxi Việt Nam peih tabiak ngak di dom tỉnh Bà Rịa - Vũng Tàu, Thừa Thiên Huế saong Lâm Đồng, baru ini mintri Giao thông vận tải hu pandar libik ini padheih ngak bruk di klau tỉnh nan, taphia nan, oh peih praong bruk ngak iek di dom tỉnh ban daok lingiu danh sách.

# Sở Lao động- Thương binh saong Xã hội tỉnh Quảng Ngãi bahrau peih ngak iek bruk pachreih baoh sang kan kathaot ngak tabiak rilo janih pandap hu yaom piah patagok jien mek tame saong tabiak truh kan kathaot khang kajap di 2 huyện Sơn Tây saong Tây Trà . Tui nan, hu daong 90 sang kan kathaot dalam 18 xã di 2 huyện Sơn Tây saong Tây Trà piah peih ngak. Tal puac thun, dom sang ini hu jien mek tame glaong jang dom baoh sang kathaot dalam xã ye hu daong 15 triệu đồng. 

# Hadei di Labaih 20 bilan padang ngak, hầm jalan Cù Mông pambuak pagam dua tỉnh Phú Yên saong Bình Định barau thông hầm. Hầm Cù Mông hu peih ngak di harei 25.9.2015, tui kuhria hu ngak blaoh di bilan 12.2018, jalan nan atah abih tih 6,62 km. Dự án hu yaom jien buh tame ngak abih tih jaik 4.000 tỉ đồng.

# Ban khik ramik jalan tapuk ban raya .HCM bahrau hu var pataom iek veik 2 thun peih ngak. Dalam 2 thun peih ngak , yaom  jien mek tame hu di dom  doanh nghiệp pablei salih di jalan tapuk  lac jiak 70 tỉ đồng. Dom bruk ngak pagam tal tapuk  biak rilo, hu 267 bruk tabiak mbaok, yaih khan tapuk bahrau, taom gaok dom tác giả tác phẩm, 28 bruk ngak chuyên đề gam song dom harei pahadar prong dalam thun 

Khaw tin dunya

# “Dom kadha daoh saong ragam tamia Việt Nam - Nhật Bản” lac angan ieu di danakdak taom gaok ilimo nghệ thuật di sang bac ĐH Văn hóa ban raya HCM saong kapul văn nghệ sĩ Nhật Bản haong kalup kapul urang kumei dahlau dhiah njauk guk chính trị ban raya HCM barau rah tabiak di sang bac ĐH Văn hóa ban raya HCM. Danakdak hu rilo kadha daoh tamia kheih mekre ye: kadha daoh Sứ giả mùa xuân: meng Nhật Bản, nhạc sĩ Onishi pang tin tức Quân giải phóng saong bhapbini Nam Bộ brok tagok Tết Mậu Thân…

Tui  panuac khan di Ủy ban châu Âu (EC) bahrau ini, London song rilo ban karei di  Anh oh dok jalan halei dalam bruk pakacah gauk mek hu angan “Ban ine ilamu di  châu Âu” dalam thun 2023. Makna lac  Anh  tabiak truh Liên minh châu Âu (EU) dalam thun 2019. Yaom lac rajaei Anh oh njauk hatai ka bruk ini min  London njauk tabiak truh  bruk ni

# Hay-on-Wye lac sa ban sit saong bhapnbini tapeng kraong Wye di Powys, negar Wales, jaik taphia negar Anh. Hay-on-Wye dui pachreih hu biak rilo urang takre tapuk mai duah di labaih 40 tiệm pablei tapuk klak. Dalam dom hiệu tapuk pak Hay, bruk njauk biai nan lac hu dom angan ieu lac “Hiệu tapuk Trung thực”.