Khaw tin 19h, harei 21/9 saong 6h30 harei 22/9

# Pagaiy harei 21/9, di Hà Nội, Học viện Chính trị quốc gia Hồ Chí Minh peih Harei pataom pakacah gru pato naih joi mbang yaka dua thun 2016. Brei panuac peih harei pakacah, Giám đốc Học viện, ong Nguyễn Xuân Thắng caong lac, dom thí sinh meda kham merat abih drei dalam bruk ba dom kien thuc ka dom rairah urang dang akaok, quản lý di taneh ia.

/ Dua mintri Công thương  saong jien padai barau pandar dom doanh nghiệp đầu mối ramik veik yaom pablei  xăng menyek. Tui nan, yaom pablei lẻ yaok lit xăng RON 92 tagok 160 đồng, jeng 16.232 đồng salit meng biar harei 21/9, dalam tuk 2 janih menyek hỏa saong diesel trun hasit. Tui dua mintri công thương – jien padai, bruk tagok yaom pablei lẻ hu ba tabiak kayua yaom xăng menyek dunya 15 harei tapa tagok glaong.

# Hadei di tuk mintri Y tế brei thau ikan tasik di tầng nổi di tỉnh Quảng Trị an toàn, ông Hà Sỹ Đồng - Phó akaok uy mban bhapbini tỉnh Quảng Trị brei thau, anak meta Ủy ban bhapbini tỉnh Quảng Trị meda tacei pato mikva pataom tame taong cap ikan tầng nổi piah trun takik kan kandah, khik caga an toan pandap mbang menyum.

/ UB bhap bini tỉnh Tuyên Quang barau mbaoh tangin brei adat đề án padang ngak saong ilamu palei, tổ dân phố pambuak saong mblang thể thao saong mblang bein tukvak 2016 – 2025 di tỉnh, ngan saong yaom jien tui kuhria labaih 546 tỷ đồng. 

# Katê thun 2016 di bhapbini Cam Ahier tỉnh Ninh Thuận hu rah tabiak meng harei 29/9-1/10.  Thun ini tỉnh Ninh Thuận peih “Lễ hội Nho saong Vang - Ninh Thuận 2016”, pambuak pagam saong Katê di bhapbini Cam Ahier. Taphia nan, tỉnh peih dom mbang pakacah tangin menyim, ngak lanh am mengkan; pakacah ndua ia, jhul gai, kéo co saong tiệc mbang menyum pandap mbang Cam, piah yaih khan ilimo hadah krah livik rai di bhapbini Cam Aheir .

/ Dalam tuk adit ilamu DL Mường Lò, Ủy ban an toàn jalan mbak pakat negar pambuak bruk saong mban an toàn jalan mbak tỉnh Yên Bái saong ban sit Nghĩa Lộ barau peih bruk alin hadiah 1.000 baoh mot bảo hiểm brei ka urang kamei bangsa Thái juk. Ban sit Nghĩa Lộ hu bhap bini Thái meblah 46% abih tih menuac sia. Urang kamei Thái juk hu adat hadei di tuk tok pasang ye mbuk cauk glaong angaok akaok, bhian ieu lac tằng cẩu, tuk peih radaih mac biak kan kandah tuak mot bảo hiểm thông thường , meyah hu tuak jeng oh njauk quy cách.

#Di var tadun raok urang Hội đồng bhapbini ban raya HCM kayua amuk Nguyễn Thị Quyết Tâm, Phó Bí thư Thành ủy, akaok Hội đồng bhapbini ba akaok kapul, Thị trưởng Mexico City, ông Miguel Angel Mancera ndom lac ban ine di Mexico halan hatian padang talei pambuak bruk  rilo gah saong ban raya Hồ Chí Minh, abih di nyu nan lac gah y tế, salih barau công nghệ saong du lịch. 

Patui di ini dom khau tin dunya:

/ Jabat khik iek saong patrun patakik bala meng lingik tasik di Indonesia brei thau, takik di abih 10 urang metai, 30 urang karei njauk rambuah, 3 urang lahik saong yaok rituh urang njauk panduan nao labik karei kayua ia sua saong jaleih haluk di tỉnh Tây Java dalam melam 20/9 saong mesup 21/9. Gah chức năng daok kham merat duah saong daong chip. Yaok rituh urang gaok kan kandah hu panduan nao tal dom labik daok di rajaei saong dom căn cứ quân sự. 

# Quốc hội Hàn quốc harei 21/9 brei tapa sa  Sarak barau ieu Cộng hòa dân chủ bhapbini Triều Tiên klak danakdak hạt nhân. Sarak brei thau cambaih, dom bruk ngak “khiêu khích liều lĩnh” di Cộng hòa dân chủ bhapbini Triều Tiên tok ngak ka taneh ia ini gaok cô lập saong dang anak rilo ap luc meng  dunya, taphia nan, ieu Triều Tiên peih ngak dom jalan nao siam “ hu makna, klak dom du an pambuak tal hạt nhân.

/ Rajaei NB daok pasang iek đầu tư dom dự án roh duah tài nguyên di Nga, EU saong Mỹ. Panuac khan di rajaei taneh ia ini harei 20/9, brei thau jalan đầu tư lac pambuak bruk tapa tập đoàn Đầu khí – kim loại taneh ia NB. Bruk ngak ini piah pabak bruk daok pamaong ngak di rajaei taneh ia ini tal thun 2030 hu 40% abih tih lượng pandar menyek saong khí đốt tự nhiên brei hu khai thác meng dom dự án hu phun jien di công ty NB./.