Khaw tin 19h harei 22/9 saong 6h30 harei 23/9/2016

      # Thứ trưởng mintri Lao động-Thương binh saong Xã hội Phạm Minh Huân brei thau, mintri Lao động-Thương binh saong Xã hội daok roh duah ka bruk tagok thun padheih hưu dalam mbang ramik pasiam Bộ Luật Lao động ba tagok Quốc hội dalam thun 2017. Thun padheih hưu di urang kumei meda tagok 58 saong urang likei tagok 62 dahlau daih hu ba tabiak dalam mbang ramik pasiam hukum bảo hiểm xã hội thun 2014 lac sa dalam dom jalan ngak meda hu roh duah piah ba tabiak.

      / Di ban sit Đồng Hới, pasak tư  vấn hukum ka urang oh ka thành niên, di TƯ hội luật gia VN hu peih bruk brei thau quyết định padang dhar pasak tư vấn hukum ka urang oh ka thành niên di tỉnh Quảng Bình. Dhar hu padang tabiak piah tư vấn hukum, daong pháp lý brei saoh ka urang oh ka thành niên; abih di nyu nan lac urang oh ka thành niên lac nạn nhân di tội phạm, di bruk taong paoh dalam baoh sang.

       # Piah pakhang, paglaong chất lượng dom sang bac phổ thông bangsa gam daok gam bac bhum bangsa takik, bhum ceik saong bhum hu bruk ngak mbang biak kan kandah, khik caga dom sang bac phổ thông bangsa bán trú hu patagok tani tanat, khang kajap, tỉnh Thái Nguyên ba tabiak bruk tal thun 2020 hu labaih 30%  dom sang bac phổ thông bangsa gam daok gam bac hu chuẩn negar; pasiam duk bac, sang daok, công trình bán kiên cố mbaih mbaoh, khik ka taong abih anek saih bangsa gam daok gam bac hu bac megru, mbang, ndih, daok dang dalam siam mekre, mbuan lagaih ...

      / Tapa 2 thun pandiak bhang khang ngak ka ia di ralo danao di tỉnh Ninh Thuận thu lagu. Piah duah ia, urang nông daok di dom puk palei hu rok danao, bingun di puh piah mek ia pala drak, ngak nông. Min, ralo danao, bingun di mikva ngak tạm bợ nyu jeng labik biak nguy hiểm ka menuac saong athur raong dalam bulan hajan.

     # peih bruk ngak mbang  di bhum taneh dhaong, njaom phèn mbak, biak kan kandah min meng hatai kham merat, hatai sahneng hadah krah, pandar tame taneh riya, ông Lê Văn Vui daok di palei Vĩnh Kiên, xã Vĩnh Quới, ban sit Ngã Năm, tỉnh Sóc Trăng hu jak jeng saong bruk ngak nong tổng hợp pala drak pambuak saong raong glang, daong ông mek mai labaih tỷ đồng yaok thun. 

     / Urak ini ralo urang ngak bein di xã Phương Phú, huyện Phụng Hiệp, tỉnh Hậu Giang daok ngak mbang hu meng bruk pala phun cam xoàn. Hu yau nan, lingiu di bruk palih ruah  phun pala lagaih, urang nông daok thau pambuak gauk dalam ngak mbang piah oh padeih paglaong năng suât saong chất lượng, meng nan bo hu labik dang khang kajap di drak pasar.

     # Sở Kế hoạch saong Đầu tư tỉnh Long An brei thau, urak ini tỉnh daok pataom tame peih ngak danakdak “ ieu pataom dom nguồn lực padang ngak jalan mbak brei ka bruk patagok công nghiệp bhum kinh tế praong”. Tapa nan, peih tabiak jalan dui pachreih đầu tư patagok công nghiệp, ba công nghiệp jeng  pren khang patagok kinh tế, xã hội di puk palei.

      Patui di ini dom khau tin dunya:

     / Panuac meng dom gah ngoại giao di Liên hợp quốc brei thau , kapul  dom taneh ia dunya daong Xyri hu ginum biai gah lingiu mbang nyaom di Đại hội đồng Liên hợp quốc ở Niu Yoóc, piah ginum meyai ka bruk daong pasiam bruk padeih cuh di taneh ia Trung đông ini.

     # Talei pambuak bruk căng thẳng di Hunggary saong Bỉ lac bruk oh barau, min bruk căng thẳng nan oh mboh jalan patrun.  Dahlau di tuk peih nyaom biai Thượng đỉnh EU di Bratislava  puac adit blaoh, Ngoại trưởng Luxemburg, Asselborn hu ba tabiak sa đề xuất biak pandiak hatai lac, tah klak Hungary tabiak truh EU, tạm thời atau vĩnh viễn.

     / Hajan praong  ngak jeng ia sua khang  di pulao Gia-va (Java) di In-đô-nê-xia, meng harei 20 /9 tal ini, ngak takik di abih 20 urang metai saong 14 karei lahik./.