Khaw tin 19h harei 23/9 saong 6h30 harei 24/9/2016

     # Danakdak iek ruak nghiện dom janih yau jru phiện meng Methadone tui jalan xã hội hóa daok hu tỉnh Lào Cai peih praong tal abih dom sang cai nghiện xã, phường dalam ban sit Lào Cai. Di dua 2 labik iek ruak Methadone xã hội hóa di tỉnh urak ini hu 750 urang tame iek ruak. Danakdak iek ruak ini taduan hu bruk pachreih tui di bhapbini; rilo urang nghiện halan hatain mai labik iek ruak piah hu tư vấn saong pilih ruah jalan iek ruak yau ye sa bruk siam mekre jang bruk bắt buộc nao cai nghiện.

    / 8 anek saih VN mek hu giải thưởng dalam mbang pakacah lang ariya so-nét di Sếch-pia tapa sap Việt. Bruk pakacah kayua hội đồng Anh pambuak saong cty tapuk saong truyền thông Nhã Nam peih tabiak harei 22/9, ngan saong jaik 250 kadha pakacah meng grap labik dalam taneh ia.

    # Sang bac Tiểu học Tư thục Ngọc Linh lac sa dalam takik sang bac di ban sit Sơn La oh peih ngak mô hình sang bac barau VNEN. Yaom lac sang bac ini hu chuẩn negar tukvak 1 hu cơ sở vật chất praong siam, hu haduk bac, haduk mbang, haduk ndih karei. Thun bac 2014-2015, sang bac jeng peih ngak  iek jalan bac ini di  tan bac 3, min tok peih ngak 3 thun blaoh padheih. Tuk pato pakai tui jalan ini, gru pato lahei tukvak jang, oh njauk ndom rilo, oh njauk soạn giáo án. Min, tok hu 20% anek saih dalam tan bac patagok hu tính chủ động, thau hu kadha pato..  

     / Labaih 15 thn tapa, nhà giáo ưu tú Nguyễn Thị Vinh, akaok kapul pachreih bac ban sit Cao Bằng (tinh Cao Bằng) hu ralo jalan ngak bahrau piah patagok bruk pachreih bac, pachreih megru, ngak pachreih ralo anek saih bhum glaong nao tal sang bac.

     # Gaok duah mboh di radaih khách pajeng kayau suan hukum, kol lâm tặc nyu pandar hung khí  tame taong kiểm lâm piah meblah kayau. Hạt kiểm lâm Beir pakat negar Phong Nha – Kẻ Bàng, tỉnh Quảng Bình brei thau, dalam xã Hóa Hợp, huyện Minh Hóa, tỉnh Quảng Bình barau rah tabiak bruk sa kapul lâm tặc taong kiểm lâm bị thương tích, meblah veik kayau kaoh mek suan hukum.

     /Cty cổ phần đầu tư Thủy sản Đông Á saong cty TNHH sa thành viên ngak kapal Phà Rừng, tỉnh Phú Yên barau jao kapal ikan kanduh pasei ka ong Phan Thanh trị, daok di phường Phú Đông, ban sit Tuy Hòa. Ini lac kapal kanduh pasei ka 4 di tỉnh Phú yên hu ngak barau tui Nghị định 67 di rajei ka dom sarak patagok kaya ikan.

      # Sang iek ruak Đại học Y dược ban raya Hồ Chí Minh brei thau, sa urang ruak kayua njuk 2 pok pakao yaok harei gaok đột quỵ trak, barau hu  cấp cứu drak samal yau nan ye tapa hu bruk mbuan laik tame đời sống thực vật. 

      Patui di ini dom khau tin dunya:

     / Dom mbang trun jalan khang barau rah tabaik di mbang  brak Ca-rô-li-na di Mỹ hadei di bruk cảnh sát cuh metai sa urang da màu. Bruk tamuh tabiak meng dalam taneh ia Mỹ sa mbang tra ngak srau kadau taneh ia Mỹ, abih di nyu nan lac dalam tuk menuac urang doak huac hu bruk khủng bố.

      # Braxin barau thử nghiệm vắcxin caga virút Zika di menuac dalam dua bilan tal. Vắcxin hu angan DNA kayua dom urang alamu di Viện Bu-tan-tan di  Braxin pambuak bruk saong dom đồng nghiệp Mỹ patagok. Giám đốc Viện Bu-tan-tan Giô-rê Ka-lin (Jogre Kalil) brei thau, ini lac sa bruk đột phá di công nghệ saong vắcxin ini siam ka urang kumei metian.

      / Sa mbang megei baoh taneh 6,4 độ Rích-te barau ngak megei gah selatan, NB. Jabat khảo sát địa chất Mỹ brei thau, pasak di mbang megei baoh taneh dalam 10km, atah ban ine Tô-ki-ô 232 km mai gah timur. Oh hu cảnh báo sóng thần./.