# Mentri Lao động Thương binh saong Xã hội bahrau hu harak pandar Ủy ban bhap bani dom tỉnh, bal patui veik bruk pasang iek, duah mong bruk ngak njauk adat hukum urang ngak di dom doanh nghiệp, abih di nyu lac bruk bayar jien bilan, jien thưởng; oh caik rah tabiak bruk tavak jien bilan, jien thưởng di urang ngak dalam dom bilan jaik si Tết Nguyên đán. Mentri jeng pandar dom puk palei  khan brei thau ka bruk jien bilan, jien thưởng thun 2016 saong tukvak Tết Nguyên đán 2017.

# Đề án Kiểm kê, duah pataom, khik ramik, parang iek pathau khan inem krung ilimo mengkan hadah trah di dom bangsa takik Việt Nam, tukvak 2017 - 2020 barau hu Thủ tướng rajei phê duyệt. Đề án ba tabiak bruk praong nan lac paglaong chất lượng saong pandar siam menuac urang ngak tapak bruk kiểm kê, duah pataom, khik ramik, parang iek, pathau khan inem krung ilimo mengka hadha trah di dom bangsa takik VN.

# Phaok Bí thư Tỉnh ủy, Akaok Ủy ban bhap bani tỉnh Nghệ An Nguyễn Xuân Đường hu peih bruk jak ba dom jabat, puk palei bo tapak di nyu lac dom urang humbaok dalam nyaom biai pachreih tui saong daong brei urang kathaot mbang Tết Đinh Dậu 2017. Hadei di tuk ba tabiak, taong abih urang hu mbaok dalam nyaom biai jeng hu rik daong, pachreih tui. Tỉnh meda brei ralo kapul nao tapak trun dom puk palei piah tadhau ayuh Tết, alin brei pandap tapak ka urang kathaot, palaghaih ka dom urang ini uan raok Tết bui sambai jang dom thun dahlau.  

# Ngak tui jalan ngak di Đảng, karja, rajaei ka peih ngak dom bruk saong patak pataom, caga palai pajoa di dom harei tết  Nguyên đán Đinh Dậu 2017, Thường trực Thành ủy Đà Nẵng barau hu công văn pandar dom pakat ủy, libik đảng, karja, Mặt trận negar saong dom kapul chính trị - xã hội ban sit ngak siam dom bruk nan. Di Tết Nguyên đán saong pahadar 87 thun harei dak apdang  Đảng oh peih bruk raok daa tuai di dom libik cơ quan Đảng, karja. Oh no ravang, tadhau yuh tết dom puk palei, libik; pakauk dom bruk alin pandap tết ka pakat angaok; oh pandar jien, drap ar công trái quy định tame dom bruk ngak cá nhân di dom harei Tết.

# Piah jhul patagok bruk giao lưu ilamo di Việt Nam haong Nhật Bản, dalam dom harei akaok thun bahrau 2017, Lễ hội Oshougatsu meda hu peih ngak pak mblang C9 sang bac Đại học Bách khoa Hà Nội (labik ka 1 Đại Cồ Việt, Hà Nội) meng harei 8/1/2017. Mai tal Lễ hội Oshougatsu 2017, urang meda hu mbaok tame ralo bruk ilamo Nhật Bản yau: Duah thau bruk Tết meng kan saong ilamo Nhật Bản, thaot binguk 3D, pakacah Sumo, thaok bánh giày mochi meng kan, vak thư Pháp .... 

# Ủy ban Toàn quốc liên hiệp dom kapul Văn học Nghệ thuật Việt Nam barau peih nyaom biai ka thực trạng saong bruk khik ramik, patagk ilimo mengkan dom bangsa takik VN di HN. Rilo panuac khan brei thau di nyaom biai lac njauk drak samal khik, patagok ilimo dom bhapbnini bangsa piah dom urang nan ginup pren độc lập, tự chủ di bruk mbeik drei tame dunya. Rajaei, uy mban bhapbini dom tỉnh njauk hu danakdak khik chip, paglaong bruk ta eng drei khik caga anak bruk mbuan si lihik sa ilimo dom bangsa, abih di nyu nan lac bangsa takik menuac.

# Muyim Dakrai sajarah quân sự Việt Nam bahrau peih bruk taduan mek pandap kayua dom nhân chứng lịch sử, họa sĩ saong urang điêu khắc alin brei. Tui nan, Muyim hu taduan mek ralo pandap di nhân chứng lịch sử, họa sĩ, urang điêu khắc pok brei, pagap yau: Bằng Anh hùng tapon nyom bol pan phao kraong bhap bani, nduan cối, bi đông, ca menyum aia di Trung tướng, Anh hùng tapon nyom bol pan phao kraong bhap bani Phạm Xuân Thệ…

Khaw tin dunya

# Tui Tân Hoa Xã, sa ca njom barau  virus kum menuk ada H7N9 di menuac hu duah mboh di ban Hạ Môn (Xiamen), dao di tỉnh Phúc Kiến (Fujian), gah timul Trung Quốc. Urang ruak lac urang likei, umo 44 thun, hu brei thau njaom virus harei 18/12. Urang ruak hu iek ruak di sang iek ruak saong daok hu pren yava tani tanat. Ini lac ca njaom virus H7N9 ka klau di adit tapa di Trung Quốc.

# Raja-ei Nhật Bản hu brei tapa kadung jien karja glaong di abih, hu yaom 97.450 tỷ yên (samu 831 tỷ USD) ka thun 2017. Yaom jien brei ka an sinh xã hội tagok khang, jien brei ka quốc phòng tagok lime thun gam saong jien buh tame ka dom gah jhul pakhang bruk patagok nan lac dom kadha ngak brei kadung jien karja thun 2017 (kuhria meng harei  1/4/2017) tagok tal tanut glaong di abih. 

# Hãng kapal haok taneh ia Iran Air di Iran barau ngak blaoh thỏa thuận blei 100 sruh kapal ahaok pajeng tuai hu yaom jien abih tih jaik 20 tỷ USD (19 tỷ euro) saong tập đoàn ngak kapal ahaok Airbus di châu Âu./.