# Gah Ilamo saong padhih bal Hải Phòng caik hatai tal bruk pasang iek, pathau khan piah patrun bruk cuh gilau, vàng mã, dom bruk ma-in, giải trí oh siam mekre di dom khu inem mek, kalan, bimon, baha saong lễ hội dalam bal. Dalam thun 2018, Sở Ilamo saong padhih bal hu tham mưu ka UB bhap bani bal Hải Phòng tabiak harak pandar dom puk palei, ban tổ chức dom lễ hội pasoam veik bruk khik iek, peih ngak lễ hội njauk tui adat hukum. 

# Di pabah tasik  Sa Huỳnh, xã Phổ Thạnh, huyện Đức Phổ, tỉnh Quảng Ngãi bahrau peih bruk tabiak tasik taong ikan akaok thun  Mậu Tuất 2018. Ni lac labik peih bruk “tabiak tasik” ka 2  di  tỉnh Quảng Ngãi. Ong Huỳnh Minh daok di  palei Thạnh Đức 2, xã Phổ Thạnh brei thau, bruk ngan nan hu makna tâm linh di urang tong ikan bhum tasik cong khin hajan siam hangin lagaih, urang nao tasik tong chap hu rilo ikan hadang.

# Ủy Ban bhap bani tỉnh Đắk Lắk peih nyaom biai pataom iek veik 7 thun peih bruk pato bruk ngak ka urang ngak palei pala vaktu 2010-2017; pataom iek veik bruk pato bruk ngak thun 2017. Tui nan, vaktu 2018-2020, tỉnh Đắk Lắk kham merat pato  bruk ngak ka jaik 27.000 urang ngak palei pala. Tỉnh Đắk Lắk jeng pataom tame pato dom bruk ngak yau: pala drak, khik caga phun pala, raong menuk ada athur, raong pala kaya ikan dalam aia, thủ công mỹ nghệ… Manuac urang hu pato bruk ngak dahlau nan lac dom urang daok ngak bruk dalam dom  doanh nghiệp ngak nong, urang daok ngak bruk di dom hợp tác xã, labik kan kandah, bhum urang bangsa takik. 

# Dalam dom harei padeih Tết Nguyên đán 2018, dom labik main  du lịch di Đồng Nai raok hu 176 ribau, tagok jiak 27% duh song Tết thun bloh. Thun ni, padeih tết lavik, rilo doanh nghiệp, cơ quan padeih tal abih harei 10 bingun bilan sa, nan ye tuai damuai tal dom labik du lịch meda yam tapa tanut 220 ribau urang. Jien mek tame meng bruk  du lịch lac 20 tỷ đồng, tagok labaih 37%. Dom labik du lịch dui pachreih hu rilo tuai mai lac: núi Chứa Chan, Bửu Long, Suối Mơ, Vườn Xoài, palei Tre Việt, Bò Cạp Vàng...

# Tui Văn phòng điều phối palei pala bahrau huyện Tiểu Cần, tỉnh Trà Vinh, huyện bahrau hu 3 xã lac Hùng Hòa, Ngãi Hùng saong Tân Hòa hu pok brei angan lac palei pala bahrau. Tal bilan 2/2018, taong abih 9 xã di huyện Tiểu Cần hu pok brei angan palei pala bahrau. Thun 2018, Tiểu Cần kham merat jeng huyện palei pala bahrau di tỉnh Trà Vinh. 

Khaw tin dunya

# Harei 22/2, dom urang jakar Ác-hen-ti-na chap mek 6 urang pablei salih ma túy song mek hu 389 ki-lô-gam cô-ca-in meng sứ quán Nga ở Bu-ê-nốt Ai-rết. Brei panuac dalam mbang họp báo, Akaok mintri An ninh Ác-hen-ti-na, Bun-rích (Patricia Bullrich) brei thau, dom urang pablei salih ma túy lợi dụng bưu chính ngoại giao di  sứ quán Nga piah ba ma túy tal  châu Âu.

# Gah pablei salih dunya (WTO) brei thau Nhật Bản mek hu jayak dalam mbang yak bak cagar veik dom adat pakauk blei tame saong yêu cầu pasang iek bổ sung di Hàn Quốc ngan haong dom janih kaya ikan dalam aia hu asal mai meng dom bhum tasik jaik taphia labik rah tabiak bala hạt nhân Phư-cư-xi-ma (Fukushima) di bilan  03/2011. Pambuak pagam tal dom janih kaya ikan dalam aia di Nhật Bản, urak ini, hu ralo negar tah klaak atau pacadu dom hạn chế ngan haong dom janih kaya ikan dalam aia mai meng Phư-cư-xi-ma, dalam nan hu Mỹ saong Ô-xtrây-li-a. 

# Abih tih hu 102 urang metai kayua cúm di  Ai len dalam  3 bilan tapa. Tui pasak dịch vụ y tế Ai len, jabat di rajaei, urang metai kayua cúm dalam thun ni di negar ni lac 95 urang, rilo jang 7 urang duk song tuk vak ni thun dahlau. Tui kuhria, abih tih hu jiak 3 ribau urang ruak tame sang iek ruak meng di bilan 12 thun dahlau. Jabat ni hu panuac ieu, dom urang mbuan si njom ruak cúm brei klauk jru pacang caga cúm./.