# T.Ư Đoàn dam dara CS Hồ Chí Minh bahrau tabiak bruk peih ngak Giải báo chí pakat negar ka bruk ngak di Đoàn saong bruk dam dara, uranaih thun 2018. Dom tác phẩm báo chí hu mbaok dalam Giải njauk pataom tame brei thau ka dom jalan ngak siam, bruk ngak siam, dom ilamu, nhân tố bahrau; dom bruk ngak,  công trình dam dara, kareih camin urang đảng ranaih umo thun, urang jakar đoàn, dam dara uranaih naih gheih di dom gah; lý luận saong thực tiễn dom kadha pato pakai ka  lý tưởng cách mạng, đạo đức, jalan diuk rai ilamo ka dam dara uranaih dalam vaktu urak ini...

# Di Hà Nội, Đoàn Khối dom jabat ban  Hà Nội bahrau peih  bruk pahadar  87 thun harei padang  kapul dam dara CS Hồ Chí Minh, jao Kỷ niệm chương "Kayua rai rah ranaih umo", Pok meyaom 10 urang jakar , công chức ranaih umo naih gheih. thun 2018, urang ranaih umo  Khối thau lac jhul pakhang bruk  "Tham mưu joi, ngak bruk siam", padang thaot binguk urang jakar, công chức ranaih "Kỷ cương - Trách nhiệm - Tận tình - Thân thiện", ngak jeng pren khang pachreih ba  Đoàn Khối tui jalan ba akaok nao dahlau dom bruk di xã hội.

# UB bhap bani tỉnh Điện Biên bahrau peih nyaom biai taong yaom bruk peih ngak Đề án 79 ka bruk ramik veik grap tanat labik daok di bhap bani, patagok kinh tế - xã hội, khik kajap quốc phòng – an ninh huyện Mường Nhé, tỉnh Điện Biên. Meng tuk peih ngak Đề án tal ini, tỉnh Điện Biên hu rami ramik labik daok tani tanat ka 1.000 sang, mboh tangin phê duyệt 15/31 jalan ngak daong bruk ngak mbang pala drak saong rai diuk ka bhap bani; buh jien padang ngak 188 công trình cơ sở hạ tầng di dom puk palei, ramik veik labik daok saong dom puk palei bahrau. Taong abih phun jien peih ngak labaih 1.000 tỷ đồng.

# Dom bilan akaok thun ni, Tỉnh Đoàn Lào Cai ieu pataom hu labaih  4 tỷ đồng brei ka bruk an sinh xã hội. Dom danak dak , bruk an sinh xã hội, halan hatain pataom tame labaih  1.000 palei , bản  di  104 xã bhum glong, bhum atah bayah biak kan kandah dalam tỉnh, tapa dom bruk yau halan hatain bilan  liar, Xuân tapen negar, Tết kayua urang kan, truac hadah jalsan palei

# Pak bal Đà Lạt (Lâm Đồng), Cục papar sap papar bingik saong Thông tin điện tử (Mentri Thông tin saong Truyền thông) peih nyaom biai angan “patagok nguồn thu saong pandar công nghệ số dalam gah papar sap, papar binguk – cuang kandah saong mbuan lagaih”. Nyaom biai lac tuk piah ka dom rayo papar sap, papar binguk Trung ương, tỉnh, ban ba gauk roh duah, ba tabiak dom jalan ngak piah patagok nguồn thu dalam tukvak njauk tự chủ ka jien padai saong jien piah ngak danak dak, jien ka bản quyền tagok glaong.

Khaw tin dunya

# Philippines hu panuac ieu labaih 6.000 urang negar ni oh hu harak adat ngak bruk di  Kuwait hu mbaok tame danak dak di karja  Manila ka bruk mai palei veik meng jalan kapan haoh brei saoh, piah nyaih bruk njauk pateok.. Mintri  Ngoại giao Philippines ba tabiak tuk vak luac di abih tut anngan tame  bruk mai palei veik ka dom urang ngak suan hukum nan lac harei  12/4.

# Mỹ saong Israel bahrau tamat blaoh mbang pathram trận quân sự haong gauk hu angan "Juniper Cobra 2018" dui atah meng harei 4/3 meng bloh. Dalam jaik 3 adit, dom gah lục quân saong phòng không dalam dom gah Quốc phòng Israel (IDF) saong Bộ Tư lệnh quân đội Mỹ pak châu Âu hu pambuak bruk pasram haong ralo giả định karei di gauk, dalam nan hu dom bruk taong tame tên lửa giả định cuh tame Israel.

# Hàn Quốc song  Trung Quốc  hu peih bruk ginum biai mbang sa ka bruk peih prong Hiệp định Thương mại Tự do dua gah tapa bruk đầu tư song  dịch vụ, jang yau patagok mbuan lagaih  ka dom  doanh nghiệp di 2 gah. Hu mbaok tame ginum biai mbang camereip rah tabiak di  Seoul hu  Thứ trưởng iek gah pablei salih song đầu tư di Hàn Quốc Kim Young-sam song Thứ trưởng pablei salih Trung Quốc Vương Thụ Văn./.