# Di Bộ Tư lệnh Bhum 5 Hải quân (huyện pulao Phú Quốc, Kiên Giang), Kapul urang lambaok dom tỉnh bal gah meraong, phóng viên báo chí hu van pataom mbaok, tadhau ayuh Tết, alin brei pandap ka urang urang jakar, bol lin Bhum 5 Hải quân. Kapul  jeng hu mai rivang, alin brei pandap saong tadhau ayuh Tết dom jabat đơn vị Lữ đoàn, Tiểu đội dalam Bộ Tư lệnh Bhum 5 Hải Quân daok angaok huyện pulao Phú Quốc.

# Di libik Km10 di canah jalan roya 70 nao tapa huyện Bảo Thắng, tỉnh Lào Cai, tổ ngak bruk di Công an tỉnh Lào Cai hu duah mboh, mek khik 2 urang pajeng labaih 200 rabau viên ma túy tổng hợp meng radaih bán tải hu nhãn hiệu Mazda BT50, biển kiểm soát 29C – 673.44. dua urang gaok mek khik hu Vàng A Sinh, ndih tapui thun 1985, daok pak bản Hua Than, xã Mường Than, huyện Than Uyên, tỉnh Lai Châu saong Nông Thành Nghĩa, ndih tapui thun 1990, daok di Bản 8, xã Khánh Hòa, huyện Lục Yên, tỉnh Yên Bái.

# Tui kuhria mboh di Ban chỉ huy pacang palaih bala meng langik tasik saong daong duah urang njauk bala tỉnh Điện Biên, meng akaok thun 2018 tal ini dalam tỉnh hu ralo mbang lingik la-ar, ngak jeng rét đậm, rét hại ngak ka labaih 400 drei anek athur raong metai kayua la-ar, khat lahik jaik 7 tỷ đồng. Dalam nan  khat lahik ralo abih di : Nậm Pồ, Tủa Chùa, huyện Điện Biên saong huyện Điện Biên Đông.

# Gah Cảnh sát điều tra mintri Công an (C46) barau tabiak  Quyết định Khởi tố vụ án; mek khik bị can Nguyễn Ngọc Sự, dahlau dhaih ngak Chủ tịch HĐTV Tập đoàn Công nghiệp tàu thủy Việt Nam Vinashin (SBIC) ka tội “Lợi dụng bruk ngak dalam tuk ngak bruk”. Nguyễn Ngọc Sự, dahlau dhaih ngak Chủ tịch HĐTV Tập đoàn Công nghiệp tàu thủy Việt Nam Vinashin (SBIC) lợi dụng bruk ngak di drei pandar phun jien di Tập đoàn Vinashin payua tame gilang pariak TMCP Đại Dương (OceanBank) piah dom urang di Vinashin taduan mek, meblah  labaih105 tỷ đồng jien lingiu lãi suất.

# Uan Tết Nguyên Đán Mậu Tuất 2018 , pak Cần Thơ hu rah tabiak “Nyaom darak pablei salih bhum taneran kraong CL – Xuân Mậu Tuất 2018” meng harei 25/1 tal harei  30/1. Nyaom darak hu mbaok di labaih 200 đơn vị, doanh nghiệp dalam saong langiu negar, bhum taneran kraong CL,  piah meyaih khan dom janih pandap yau: jik pet thời trang, takhaok kalik, mỹ phẩm, pandap mbang menyum, bingu kiểng saong ralo janih pandap biak karei di puk palei.                                                                

Khaw tin dunya:

# Harei ini, akaok mintri Thống nhất Hàn Quốc Chô Mi-âng Gi-un  brei thau, Triều Tiên meda peih sa mbang diễu hành quân sự quy mô praong dalam tuk pahadar 70 thun harei  padang bol bala bhapbini Triều Tiên (KPA) di harei 8/2 tal – sa harei dahlau si rah tabiak Thế vận hội mùa Đông Pi-âng-chang. Rilo panuac lac, bruk diễu hành quân sự ini meda ngak jhak tal dom bruk kham merat pasiam talei pambuak bruk di dua gah pambuak tal Thế vận hội mùa Đông Pi-âng-chang di bilan 2 tal.

# Mintri quốc phòng Mỹ daok ginum biai bruk  padang “labik siam mekre” rah tui jalan tapen negar Xyri haong gah Thổ Nhĩ Kỳ, dalam tuk Thổ Nhĩ Kỳ daok jhul pakhang bruk ngak quân sự “Dhal ô liu” piah pacang cakak lực lượng urang Cuốc, Xyri. Bruk padang labik siam mekre pak Xyri di Mỹ saong Thổ Nhĩ Kỳ meda lac bruk ngak xâm phạm chủ quyền di taneh aia Xyri. Yau nan min tui gah Mỹ, ini lac sa kadha piah ka Thổ Nhĩ Kỳ padeih bruk ngak quân sự cagar veik haong lực lượng urang Cuốc bo Mỹ daok daong di Xyri.

# Gah Khí tượng Nhật Bản harei 26-1brei thau, ban ine Tô-ky-ô daok rah tapa sa bilan la ar trak abih dalam 48 thun tapa, tuk nhiệt độ trun tanut âm 4 độ C saong jhak trak tal raidiuk di urang bhapbini. Lingik la ar, hajan tuyết saong ruak kum lac makna ba tal dom mbang ieu radaih cứu thương glaong jang tanut trung bình jaik dua rabau mbang saong glaong abih dalam 80 thun tapa di ban ine Tô-ky-ô./.

  Jasi saong Thúy Linh lang tapa sap Cam