KHaw tin 19h harei 3/8 saong 6h30 harei 4/8

       #/ Mesup harei 3/8, Hội đồng bhap bini ban raya Hồ Chí Minh  mbang 9 peih mbang nyaom ka 2. Ban raya ba tabiak jalan ngak ka 5 thun anak tal song dom tanut yau: tổng sản phẩm nội địa  yaok thun tagok 8 – 8,5 %, kuhria tui tổng sản phẩm quốc dân (GDP) ye tagok jang 1mbang meteh tanut tagok yaok thun di taneh ia, dong bruk ngak bahrau ka 625 ribau urang, urang oh hu bruk ngak di ban ala 4,5%. Tui ong Trần Quang Thắng, nyaom biai mbang ni brei ba tabiak rilo bruk, dalam nan iek prong bruk salih bahrau hành chính song bruk hu mbaok di bhap bini dalam bộ máy công quyền

       # harei 2/8, mintri Y tế hu công văn pandar dom sang iek ruak paglaong dom bruk khik caga an toàn blac raih hadei di rilo mbang rah tabiak dom bruk blac raih suan takai, tangin; kakak suan niệu quản salih ka kakak tử cung. Dalam nan hu dom tiêu chí ye : thau cambaih urang ruak tuk pabak dịch vụ; padang jalan pathau khan, pataom veik, langyah bruk suan saong ramik pasiam; peih ngak dom jalan pacang caga piah trun takik dom bruk suan, kurang labaih.

        #/ Viện Dinh dưỡng pakat negar, mintri Y tế brei thau, pasang iek jiak di ni brei mboh var mbang di uranaih umo tiểu học oh ka pabak hu số lượng song chất lượng. Kayua yau nan ye, Viện Dinh dưỡng pakat negar hu pambuak bruk song Sở pato megru di Đà Nẳng, Hải  Phòng song Hà Nội peih ngak danak dak var mbang di sang bac. Dom tỉnh, ban peih ngak danak dak padang ngak bộ thực đơn var lisei bán trú ka anek saih tiểu học, dalam nan hu 40 thực đơn chuẩn ka var lisei chính song var lisei phụ hu ngak salah bloh 

      # Dom harei tapa, yaok pluh baoh kapal taong cap kaya ikan di tasik atah di urang ngak ikan huyen pulao Lý Sơn, tỉnh Quảng Ngãi tame pulao hamiet. Taong cap hu rilo min yaom kaya ikan trun biak rilo. Urang ngak ikan angan Bùi Văn Phải, Thuyền trưởng kapal ikan QNg 96169 TS daok di palei Đông, xã An Hải, huyện Lý Sơn, tỉnh Quảng Ngãi brei thau, mbang nao tasik ini kapal di ong taong cap hu labaih 11 tấn ikan dom janih. Tui yaom pablei yau dahlau thiah, kapal di ông mek hu meng 650 -700 triệu đồng, min mbang nao tasik ini kapal di ong tok mek jaik 400 triệu đồng, kaoh tabiak phun jien buh tame, yaok urang taong cap di kapal mek hu meng 3 -4 triệu đồng.

         #/ Dalam tuk di bhum Tây Nguyên  oh khik hu ia pruh anak bruk biến đổi khí hậu dak harei dak khang, tỉnh Gia Lai hu pandar công nghiệp pruh ka dom janih phun pala, oh lac patak patom hu ia bo dok daong ka phun pala tamuh siam song brei kein liba glong. Urak ni dalam tỉnh hu labaih 3.500 ha cà phê, amriak kalu, tabau, song njam patam dom janih hu pruh meng 3 janih công nghệ di Irael, WASI (Viện Tây Nguyên) song công nghệ pruh talei nhựa PE (Nguyễn Tân).

         #Piah daong ka dom sang labik tapeng tasik Sóc Trăng daok siam saong biến đổi khí hậu, salih phun pala kaya raong barau, barau ini, gah sang pacang caga xua ( sa tổ chức cộng đồng) hu pambuak bruk saong Jabat ngak nong saong patagok palei pala huyện Cù Lao Dung (Sóc Trăng) peih ngak iek bruk raong ada tasik di xã An Thạnh Nam, huyện Cù Lao Dung. Tapa nan, tổ chức sang cộng đồng hu daong 1.000 drei pajaih ada tasik ka 20 sang daok di labik tapeng tasik  xã An Thạnh Nam. Yaok sang hu daong 50 drei ada tasik pajaih, sa kadung jru men vi sinh…

        #/ 25 DN pablei salih kaya ikan tabiak negar lingiu dalam tỉnh Bạc Liêu dok pasiam veik bruk sản xuất kayua hu ginup hadang nguyên liệu, darak pasa pablei tabiak negar langiu tani tanat, phun jien hu gilang pariak pabak. Dalam bilan 7 xuất khẩu kaya ikan di tỉnh hu jiak 4.600 tấn, patagok kaya ikan pablei tabiak negar langiu 7 bilan labaih 24.660 tấn, samu 52% bruk ba tabiak, rilo jang jaik 4% dut song tuk vak ni thun dahlau.

Khaw tin dunya  

         # harei 3/8, bang Phlo-ri-đa (Mỹ) hu peih bruk pruh jru pametai jamaok hu virút Zika. Labik hu pruh jru tẩy trùng, pametai jamaok hu bán kính praong  1,6 kilômét vuông, dalam nan hu sa labik praong 1,6 kilomét gah Brak pasak Mai-a-mi (Miami) bo dom urang jakar y tế brei thau lac sruh jit Zika di bang Phlo-ri-đa.

         #/ Jeng dalam harei 3/8, NB brei thau angan song tabiak mbaok nội các bahrau. Tui kuhria, dalam bruk salih bahrau Nội các mbang ni, Thủ tướng Xin-dô A-bê jeng dok khik veik dom urang pan dom bruk prong dalam nội các urak ni, yau Akaok mintri jien padai, ngoại giao, Chánh văn phòng Nội các song dom urang pan dom bruk prong dalam trong đảng Dân chủ Tự do (LDP) cầm quyền.

        # harei 2/8, Braxin brei thau hu brei bol bala glang iek dom labik du lịch hu tính biểu tượng di Ri-ô đờ Gia-nê-rô (Rio de Janeiro) piah pacang caga dom nguy cơ khủng bố. Akoak mintri Nội vụ A-lếch-xan-đơ đờ Mô-ra-ê (Alexandre de Moraes) brei thau, bruk brei bol bala nao tal dom labik du lịch angan je meda giảm tải ka cảnh sát, daong dom urang nan meda glang iek dom labik karei di ban di luac tukvak rah tabiak Ôlimpic meng harei 05 tal 21 bilan  8.