Khaw tin 19h, harei 4/7 saong 6h30 harei 5/7

# Page 4/7, pak Hà Nội, Nyaom biai mbang ka 3 Ban Chấp hành Trung ương Đảng khóa XII peih pakak dalam prong prang. Tổng Bí thư Nguyễn Phú Trọng dang akaok saong brei panuac peih pakak. Pak nyaom biai mbang ini, Ban Chấp hành Trung ương meda ginum biai saong brei panuac ka: Quy chế ngak bruk di Ban Chấp hành Trung ương, Mentri Chính trị, Ban Bí thư; Quy chế ngak bruk di Ủy ban Kiểm tra Trung ương; adat hukum peih ngak Điều lệ Đảng; Adat hukum ka bruk pasang iek saong kỷ luật di Đảng; bruk giới thiệu urang ngak bruk pakat glaong di dom jabat karja saong dom kadha prong karei karei. 

# Gilang pariak karja barau tabiak Thông tư 20 ramik pasiam, pabak dom paka di Thông tư 36/2012 quy định ka trang bị, khik ramik, pajeng ba saong khik caga an toàn bruk ngak di dom máy giao dịch tự động (ATM). Tui nan, dom gah  pabak bruk thanh toán oh caik tanut sa mbang soak jien di ATM bair jang  5 triệu đồng ka giao dịch nội mạng saong 3 triệu đồng ka giao dịch pambuak dom gilang pariak .

# Bahrau ini, Akaok Tổng cục Du lịch Nguyễn Văn Tuấn brei thau, yaom lac hu ralo kadha oh siam yau rah tabiak dom mbang njauk bala trak, bruk môi trường tasik 4 tỉnh gah kreh negar, biến đổi khí hậu ngak tua riya pandiak bhang pak Bhum Taneren kraong Cửu Long... nyu ngak kan kandah tal bruk patagok du lịch MIN dalam 6 bilan akaok thun 2016, taong abih tuai damuai dunya mai tal Việt Nam jeng hu labaih 4 triệu mbang (tagok 21,3% dut haong tukvak ini thun 2015); tuai damuai rivang ma-in dalam negar tui kuhria hu labaih 32triệu mbang urang (tuai  ndih veik jaik 16 triệu mbang); Taong abih jien mek tame meng bruk rivang ma-in hu labaih 200 ribau tỷ đồng (tagok 22,1% dut haong tukvak ini thun 2015). 

# Ông Nguyễn Công Trưởng, Phó akaok Ủy ban bhapbini tỉnh Lạng Sơn brei thau : kuhria yaok harei di cửa khẩu Tân Thanh hu  meng 170 - 200 radaih  vải thiều hu pablei tapa Trung Quốc. vải thiều pablei tabiak taneh ia lingiu thun ini biak mbuan lagaih, jien mek tame meng pablei vải thiều tabiak negar lingiu vụ thun ini mek hu 42 triệu USD.

# Bruk lih mek taneh glai pacang caga tapen tasik piah raong hadang suan adat dalam danao Ô Loan pak huyện Tuy An (tỉnh Phú Yên) yaom lac hu dom jabat chức năng pasang iek, taong phạt min tal harei ini jeng daok mboh. Ong Nguyễn Trung Chánh, Bí thư Đảng ủy xã An Ninh Đông brei thau, bruk lih mek taneh hu pasiam veik min  pasiam veik abih mbong ye biak kan kayua  meng thun 2012 tal ini dom urang nan ngak mbang khat. Taphia di nan, di labik ini oh hu cuah piah pajeng tuh lam, oh lac yau nan thaoh, dom baoh sang raong hadang tự phát nan ye tal urak ini biak kan langyah bruk ô nhiễm môi trường. 

# Hadei di 5 thun peih tabiak, bruk bayan jien dịch vụ môi trường glai di tỉnh Kon Tum  daok rilo tavak tavaiy njauk hu langyah. Urak ini abih tih taneh glai brei ngak dịch vụ môi trường glai di tỉnh lac labaih 360.000 ha, jaik 60% taneh glai dalam tỉnh. Abih tih jien giải ngân di 5 thun lac labaih 548 tỷ đồng. Dalam 5 thun, hu jaik 52 tỷ đồng hu bayan tapak ka urang, tui yaom jien bình quân lac labaih 330.000 đồng/sa ha/sa sang . 

# Oh ka thun halei bhap bani bhum tapen negar huyện Giang Thành (Kiên Giang)  laik tame rai kan kandah yau urak ini tuk takuh nyu kaik phun padai Hè Thu 2016, ralo labik padai metai abih, oh daok hasit hagait piah yuak kuak. Ong Danh Sal, Akaok balai pala drak saong khik caga phun pala huyện Giang Thành brei thau, dalam huyện hu 3.323 ha padai njauk dom janih jit ruak, dalam nan njauk ndom tal abih nan lac takuh kaik  padai labaih 520 ha. 

Khaw tin dunya

# Harei 3/7, labaih 500 urang njauk tame sang iek ruak di Nhật Bản kayua   pandiak bhang ngan saong nhiệt độ trung bình di rilo bhum tapa 38 độ C . Hãng HNK brei thau, akaok mereip lac 504 urang tame iek ruak, dalam nan hu dua urang nguy kịch. Dahlau nan sa harei, jeng hu labaih 450 urang njauk tame sang iek ruak di taneh ia ini kayua pandiak bhang.

#Panuac di Hãng Bernama Malaixia brei thau, Bal raya Hồ Chí Minh di Việt Nam nan lac sa dalam 3 labik praong bo jabat du lịch bang Johor (Giô-hô), gah meraong Malaysia peih bruk xúc tiến dom janih pandap du lịch saong dịch vụ dalam tukvak anak tal. Kuhria meng bilan 1 tal abih bilan 5, taong abih tuai damuai Việt Nam mai Johor tapa jalan par ini labaih 7.300 mbang urang.

# Cảnh sát Trung Quốc hu mek khik 236 urang tình nghi pambuak tal bruk mein bạc ala bruk cá độ bóng đá di tukvak rah tabiak Vòng chung kết Giải vô địch caoh blaong châu Âu (EURO 2016); Gah chức năng jeng hu mek atau phong tỏa labaih 28 triệu nhân dân tệ (4,2 triệu USD) pambauk tal dom website cá độ caong blaong taneh ia langiu .