Khaw tin 19h harei 5/7 saong 6h30 harei 6/7

        # Gah điện lực Việt Nam meda padang ngak Dự án Điện aia harei pak Ninh Thuận. Dự án sang mac điện aia harei kayua gah điện lực Việt  Nam (EVN)  buh jien tame ngak tui kuhria meda padang ngak pak xã Phước Thái, huyện Ninh Phước, tỉnh Ninh Thuận hu công suất praong abih tih 200 MW (mêgawat), yaom jien buh tame ngak 8.000 tỷ đồng. Dự án meda peih ngak dalam thun 2018 saong ba tame pandar dalam thun 2019.

        # Tỉnh Đắk Lắk daok ba tabiak rilo jalan ngak piah mek veik jaik 51.000 ha taneh glai daok njauk urang meblah piah pala veik glai, rik daong tal thun 2020 ba bruk pabak glai dalam tỉnh tagok 40%. 

# 6 bilan puac thun, dom doanh nghiệp saong dom labik ngak mbang pablei salih pak bal raya Hồ Chí Minh caong hu 135.000 urang ngak, dalam nan hu 35.000 urang ngak tui tukvak. Tui Pasak kuhria mboh dahlau bruk caong urang ngak saong brei thau ka darak pasar urang ngak bal raya Hồ Chí Minh: Meng ini tal puac thun, darak pasar urang ngak bal raya daok tagok khang saong tui jalan caong khin urang ngak hu ilamu ngak bruk.

       # Pagaiy harei 5/7, karja dom xã, ban sit saong bhapbini huyện Đắc Hà, tỉnh Kon Tum ba gauk tabiak ngak dom bruk piah pacang padam jit ruak panidak tabiak darah daok pambak samal di puk palei ini. Dalam tukvak katut barau blaoh, di  huyện Đắc Hà, tỉnh Kon Tum hu 317 urang ruak pandiak tabiak darah njauk tame sang iek ruak, dalam nan hu sa urang metai. Bác sĩ Nguyễn Ngọc Phùng, Phó Giám đốc pasak y tế huyện Đắc Hà brei thau :“Kol dahlak tui iek catang urang ruak. Di pasak ini kol dahlak paglaong thu dung điều trị tui njaukjalan ba tabiak di mintri y tế; taphia nan pathau khan tapak tal dom urang ruak peih ngak dom jalan pacang caga ka dom urang jiak taphia piah trun takik bruk pambak ruak. Dom Trạm y tế xã gam saong uy mban bhapbini xã peih ngak dom bruk hacih saat alam môi trường”.   

           #Tui Sở Lao động – Thương binh saong Xã hội tỉnh Đồng Nai, meng akaok thun 2016 tal ini, tui kuhria yaok bilan, dom doanh nghiệp di Đồng Nai palih ruah bahrau labaih 5.000 urang ngak, glaong jang labaih 20% dut haong thun 2015. Meng ini tal puac thun 2016, dom doanh nghiệp dalam tỉnh Đồng Nai meda patui veik palih ruah bahrau jaik 30.000 urang (mboh ralo lac urang ngak phổ thông), dalam nan dom công ty jhik pet, takhaok kalik caong hu urang ngak biak rilo. 

         # Tui kuhria mboh di Chi cục raong pala kaya ikan dalam ia tỉnh Bạc Liêu, kayua lingik jhak, pandiak bhang dui atah tal puac bilan 6/2016, tỉnh Bạc Liêu hu labaih  15.000 ha hadang metai. Gah ngak nong tỉnh daok pachreih urang nong palao pajaih dalam bilan 7 piah khik ka bruk raong hadang thun 2016 hu labaih 120.000 ha. 

        # Ong Dư Bé Ba, Akaok Ủy ban bhap bani huyện U Minh tỉnh Cà Mau brei thau, tỉnh brei adat buh jien tame ngak dự án kuac kuah kraong Cái Tàu saong yaom jien abih tih labaih  95 tỷ đồng. Ini lac phun jien karja dalam bruk đầu tư công vaktu 2016 – 2020. 

        Khaw tin dunya

      # Thái Lan saong Malaysia kuhria peih mbang pasram Thamal haong gauk mbang yaka 22 meng harei 18-28/7 tal di bhum tapeng negar dua taneh ia an ninh karei. Thamal lac bruk pasram bộ binh khik caga tapeng negar thường kỳ di Thái Lan saong Malaysia.

      # Ủy ban bầu cử Australia (AEC) harei 5/7 hu pambuak veik bruk pasang iek phiếu ngan haong yaok triệu phiếu bầu dalam mbang bầu cử aval saong hu payua tapa bưu điện, dalam tuk dua đảng praong lac Liên đảng Tự do - Negar saong Công đảng đối lập kham merat duah jalan piah padang Raja-ei bahrau. Tui hãng tin ABC, hadei di mbang kiểm phiếu sơ bộ Liên đảng hu 68 urang, Công đảng hu 67 urang, dom đảng sit saong ứng viên độc lập hu 5 urang saong urak ini 10 urang oh ka thau di gah halei.

      # Gilang pariak dunya (WB) barau ini hu mbaoh tangin thỏa thuận saong Liên minh Điện ia harei dunya kayua Ấn Độ dang akaok piah jhul pakhang bruk ngak tabiak năng lượng ia harei di dom taneh ia daok patagok, piah pamoang tal bruk ieu pataom sa rabau tỷ đôla đầu tư di thun 2030.