Khaw tin 19h harei 7/7

       # Di var taduan raok kapul urang jakar Đảng Cộng sản Ấn Độ (CPI) daok  ravang saong ngak bruk di taneh ia drei, amuk Trương Thị Mai, Ủy viên mintri Chính trị, Bí thư Trung ương Đảng, akaok Ban Dân vận Trung ương ndom lac, Đảng Cộng sản, rajaei saong bhapbini Việt Nam tuk halei jeng iek praong talei pambuak bruk siam mekre saong Đảng Cộng sản Ấn Độ, taduan hu bruk daong di Đảng Cộng sản Ấn Độ saong bhapbini Ấn Độ caik ka Việt Nam dalam bruk mesruh peih paha taneh ia dahlau thiah jeng ye dalam bruk dak apdang saong khik caga negar urak ini.

        # Thượng tướng Nguyễn Chí Vịnh, Thứ trưởng mintri Quốc phòng hu nao tal Đại sứ quán taneh ia Cộng hòa bhapbini Trung Hoa di Việt Nam payua panuac ndua dhar phuan gah Trung Quốc dalam bruk daong duah sruh kapal ahaok Casa-212. Ông caong khin tukvak tal, mintri Quốc phòng Việt Nam saong mintri Quốc phòng Trung Quốc peih praong talei pambuak bruk di gah daong duah daong urang njauk bala tui hukum dunya, tapa nan, rik daong paglaong talei pambuak bruk di dua Đảng, dua karja, dua bol bala Việt Nam – Trung Quốc. 

       # Di huyện pulao Phú Quốc, tỉnh Kiên Giang, Cảng hàng không dunya Phú Quốc gam saong Hãng kapal ahaok China Southern Airlines (CZ) peih jalan par dunya meng Quảng Châu (Trung Quốc) tal Phú Quốc. Hu thau, gam saong jalan par Quảng Châu - Phú Quốc, tui kuhria dalam bilan 7 ini meda hu dom mbang par di Hãng kapal haok China Eastern Airlines (MU) par meng Chiết Giang (Trung Quốc) tal Phú Quốc saong Hãng kapal ahaok Vietjet par meng Côn Minh (Trung Quốc) tal Phú Quốc. 

       # Tui panuac meng Ủy ban karja ka urang Việt Nam daok di taneh ia langiu (mintri Ngoại giao) brei thau, danakdak Trại hè Việt Nam 2016 ngan saong kadha “Tuổi trẻ kiều bào saong nem mek ilimo bangsa” meda rah tabiak meng harei 10/7 tal 23/7/2016 di dom tỉnh, ban : Hà Nội, Quảng Ninh, Nghệ An, Quảng Trị, Huế, Quảng Nam, Quảng Ngãi saong Đà Nẵng. Danakdak  Trại hè Việt Nam 2016 meda ba mbuan lagaih ka damdara kiều bào nao ravang saong duah thau dom inem krung ilimo, inem mek sajarah di taneh ia.

      # Di ban sit Hạ Long, Quảng Ninh, barau rah tabiak nnyaom biai pakat urang dang akaok dự án " Sáng kiến Liên minh vịnh Hạ Long - Cát Bà". Nyaom biai hu ginum dom bruk alam môi trường daok ngak having akaok di vịnh Hạ Long, Cát Bà. Dom urang jakar hu mboh lac, oh meda caik ka nyu suai jang anak bruk nerak meng rilo gah ye urak ini. Sáng kiến Liên minh vịnh Hạ Long – Cát Bà lac sa  dự án kayua gah khik ramik alam lingik tasik dunya (IUCN) pambuak bruk saong pasak khik ramik Sinh vật tasik saong patagok Cộng đồng peih ngak meng jien daong di Gah patagok dunya Hoa Kỳ (USAID).

       # Tui pasak khik ramik limen Đắc Lắc, meng bruk duah mboh sa drei limen anek metai dalam sa lubang gluh di beir negar Yok Đôn di harei 4/7, dom drei limen glai metai dalam thun ini tagok tal tanut kỷ lục, sumu sa angaok klau dom drei limen anek daok dalam dom baok glai dalam tỉnh. Makna ngak ka limen metai rilo lac kayua tua khang, limen kurang ia menyum yau nan ye njauk nao duah dom danao dalam, danao gluh, bingun ia saong njauk bala. Urak ini di dom baok glai tự nhiên di Đắk Lắk daok 5 tapol limen glai meng 85 tal 90 drei. 

        # Pahadar 70 thun harei apdang Quốc hội Việt Nam, salam uan jak jeng mbang pilih ruah urang ka Quốc hội mbang 14 saong pilih ruah urang ka hội đồng bhapbini dom pakat tukvak 2016-2020, pagaiy harei 7/7, Sở ilimo padhih saong du lich ban raya Hồ Chí Minh pambuak bruk saong miunyim ban raya peih parang iek hu angan “Quốc hội Việt Nam nao gam saong bangsa”. Labaih 300 thaot binguk, harak gar saong pandap panda, parang iek hu parabha jeng 3 kadha praong lac : Bruk tổng tuyển cử akaok mereip, Quốc hội taneh ia  Việt Nam yasa saong 40 thun ban Bai Gon - Gia Định hu caik angan Chủ tịch Hồ Chí Minh. Parang iek brei mboh jalan 70 thun dak apdang saong patagok di Quốc hội Việt Nam ngan saong dom kadha biak praong glaong, taphia nan daok brei mboh dom rik daong praong di Quốc hội meng tukvak khik caga tal dak apdang taneh ia ginup meda .

         Khaw tin dunya

        # Tui panuac khan meng mintri Quốc phòng Nhật Bản, dalam quý II/2016, Nhật Bản njauk ba tabiak dom sruh kapal ahaok mesruh kỷ lục, abih tih lac 200 mbang piah pacang cakak kapal ahaok Trung Quốc tame bhum lingik taneh ia ini. Tui kuhria mboh di mintri Quốc phòng Nhật Bản, tukvak jaik ini, Trung Quốc dak harei dak patagok dom bruk quân sự, dalam nan hu gam bruk hải quân saong không quân… di bhum tasik Hoa Đông, jaik bhum pulao meriak gauk oh hu menuac daok, urak ini kayua gah Nhật Bản khik iek saong ieu lac Xên-ca-cư (Senkaku), dalam tuk gah Trung Quốc ieu lac Điếu Ngư.

        # Hãng thông tấn Yonhap ba panuac di bol bala Hàn Quốc brei thau,  lính thủy đánh bộ di taneh ia ini saong Mỹ daok peih sa mbang pasram haong gauk, pataom tame dom bruk loa tame saong taong tame piah dut iek pren pambuak bruk di dua gah dalam tuk peih bruk mesruh pacang Triều Tiên. Pataom tame pasram hu 800 lính thủy đánh bộ Hàn Quốc saong 500 lính thủy đánh bộ Mỹ daok ngak bruk di tỉnh Ô-ki-na-oa (Okinawa) di Nhật Bản.  

       # Thủ tướng Ấn Độ Na-ren-đra Mô-đi (Narendra Modi) saong Thủ tuong Nhật Bản Sin-dô A-bê (Shinzo Abe) sanya patagok talei pambuak bruk dua gah dalam mesruh pacang khủng bố, abih di nyu nan lac hadei di mbang tấn công saong bắt cóc con tin barau ini di ban ine Dhaka di Bangladesh, ngak ka 7 urang di dua taneh ia ini metai. Taphia di nan, dalam mbang ndom tapa phone barau ini, dua urang dang akaok jeng njauk hatai gauk rik daong ka bruk patagok jang di dom taneh ia bhum Nam Á. Thủ tướng Abe ndom lac, Nhật Bản meda daong patagok ka Ấn Độ./.