Khaw tin 19h harei 8/11/2016

************

# Page harei 8/11, dom urang Quốc hội ngak bruk pak tổ, ginum biai ka dự án Hukum thủy lợi saong dự án Hukum du lịch (pasiam veik). Tui harak pathau khan di Raja-ei, Dự thảo Hukum Rivang ma-in (pasiam veik) brei thau bahrau 21 paka, pasiam veik, pabak, 56 paka saong khik tamo 2 paka. Dalam nan, kadha bahrau njauk caik hatai nan lac dự thảo Hukum pabak quy định ka harak adat kinh doanh bruk rivang ma-in dalam negar, ba  quy định ka kinh doanh bruk rivang ma-in dalam negar saong dunya mai sa labik yau gauk, khik caga chất lượng dịch vụ pabak ka tuai rivang ma-in…

# Di Hà Nội, Giáo hội Phật giáo Việt Nam barau peih gak dalam praong prang bruk pahadar 35 thun dak padang (7/11/1981 – 7/11/2016). Lambaok urang dang akaok Đảng, karja, Phó Thủ tướng Vũ Đức Đam mai hu mbaok. Jaik 2000 thun patagok di Việt Nam, Phật giáo hu lai tame raidiuk bhapbini, jeng sa kadha oh  kurang hu di rilo urang Việt Nam, ngak brei kaya meda jang ilimo Việt ndung bak ilimo bangsa .

# Mentri Công thương bahrau tabiak Chỉ thị ka bruk peih ngak dom jalan ngak grap tanat cân đối cung cầu, grap tanat darak pasar puac thun 2016 saong tukvak Tết Nguyên đán Đinh Dậu 2017. Tui nan, Mentri Công Thương pandar Sở Công Thương dom tỉnh, bal Trung ương taong yaom mong iek nguồn cung, hatai caong khin pandap panda, abih di nyu lac dom janih pandap bhian pandar di dom labik khik iek; oh caik rah tabiak bruk kurang pandap, oh hu nguồn atau kandong pambuk pandap hadei di Tết.

# Labaih 900 tỷ đồng hu tỉnh Điện Biên peih brei piah ngak dom danakdak dự án di sarak bangsa dalam 5 thun tapa. Dom danakdak dự án buh jien tame ngak hu : danakdak 135; daong panduan ba rahra định canh định cư ka bhapbini bangsa takik; daong tapak ka sang kathaot daok di bhum kan kandah; brei mesraiy jien patagok bruk ngak mbang, pala drak... Ông Hoàng Quý, Phó mBan bangsa tỉnh Điện Biên brei thau:  “Dom pakat dom ngành ngak siam bruk pathau khan, jak ba piah bhapbini thau, patagok pren khang piah yam tagok, oh daok pagam pambak tame bruk đầu tư di karja. Ka dua,  pandar njauk, hu kein laba, dom phun jien đầu tư, daong dalam bhum. Ka klau, bruk peih ngak dom sarak bangsa njauk nao gam saong bruk pasang iek”.

# Pak tỉnh Tuyên Quang, piah daong ka bhap bani duah jien meng bruk RAONG pala kaya ikan dalam aia angaok binek thủy điện Tuyên Quang paglaong yaom bruk RAONG pala kaya ikan dalam aia, ngak brei tapa truh eik patrun kathaot, Chi cục Thủy sản tỉnh peih ngak “Mô hình raong ikan biak karei saong pambuak bruk ngak nông trại”. Tui nan, dự án meda ba brei  11.000 drei ikan lăng pajaih ka 25  baoh sang hu rai diuk kan kandah daok angaok binek thủy điện Tuyên Quang. Dalam tukvak peih ngak, dom urang jakar gah ilamu di Chi cục Thủy sản meda peih dom tal pato pathram ka ilamu raong ikan lăng meng bai saong dom jalan ngak pacang cakak jit ruak ka ikan. 

# Sở ngak nong saong patagok palei pala tỉnh Tây Ninh brei thau, dalam thun ini, gilang pariak meda caik phun jien tín dụng jaik 200 tỷ đồng piah brei mesraiy ưu đãi ka  doanh nghiệp, hợp tác xã, po trang trại piah patagok ngak nong công nghệ glaong, ngak nong hacih dalam tỉnh, tukvak 2016 - 2020. Tỉnh Tây Ninh kham merat tal thun 2020 hu takik abih  40% sản lượng padai brah, njam patam baoh kraoh hu pala tui jalan VietGap, GlobalGap; tal thun 2030 meda tagok hu 60%, piah pabak bruk blei dalam taneh ia saong pablei tabiak taneh ia langiu .

# Tui jalan ngak “Hala siam pacang hala taik”, Ủy Ban Mặt trận negar tỉnh Tiền Giang hu pok brei jien meng Kadung jieng daong 2 tỉnh : tỉnh Quảng Bình nan lac 500 triệu đồng saong tỉnh Hà Tĩnh 300 triệu đồng. Urak ini ralo jabat, manuac urang mai Ủy Ban Mặt trận negar tỉnh ủng hộ labaih 200 triệu đồng piah daong ka bhap bani gah kreh negar. Bahrau ini, Ban ngak pahla Phật giáo tỉnh bahrau nao rivang, alin brei pandap daong ka bhap bani kathaot njauk ribuk aia sua di kreh negar. 

Khaw tin dunya  

# Akaok mintri Quốc phòng Philippines Delfin Lorenzana (Đen-phin Lô-ren-da-na) barau brei thau, taneh ia ini daok khik hiệp ước paglaong quốc phòng saong Mỹ, jeng ye peih ngak dom bruk tập trận chung, yaom lac Tổng thống Philippines Rodrigo Duterte (Ro-đri-gô Du-téc-tê) daok hu panuac lac meda padheih pambuak bruk quân sự yau nan di dua taneh ia. Brei panuac anak phóng viên, Akoak mintri Delfin Lorenzana khan lac, thỏa thuận paglaong talei pambuak bruk quốc phòng, lac jalan adat piah patagok bruk hu mbaok di bol lin Mỹ di Philippines, jeng daok hu khik ramik ". 

# Urang vak Thông tấn xã Việt Nam pak Washington ba PANUAC DI GAH báo chí Mỹ brei thau, kuhria tal TUKVAK ini hu jaik 41 triệu cử tri Mỹ nao buh phiếu avan meng harei 22/10 tal harei 4/11 piah bầu Tổng thống Mỹ, dua viện di Quốc hội saong dom urang dang akaok dom bang. Dom mbang duah thau dư luận harei 7/11 brei mboh, ứng cử viên Tổng thống di đảng Dân chủ, amuk Hillary Clinton (Hi-la-ri Clin-tơn) daok dang dahlau ứng cử viên Donald Trump (Đô-nan Trăm) di đảng Cộng hòa meng 3-6 điểm. Mong rah tapa, mục tiêu meriak gauk di dua ứng cử viên dalam harei bầu cử harei 8/11 nan lac bang Florida saong bang Carolina (Ca-rô-lai-na) Bắc, dom bang hu ralo cử tri saong meda ngak pambak tal kết quả puac di abih.

# Cộng hoà Liên bang Đức barau sanya daong pabak jaik 68 triệu đôla Mỹ ka quỹ di Liên hợp quốc peih ngak dom bruk daong di châu Phi. Meng paok jien daong pabak nan, abih tih paok jien bo Đức rik daong ka Cơ quan Liên hợp quốc ka urang tị nạn tagok jaik 300 triệu ơ-rô dalam thun 2016. Ngoại trưởng Đức Franh Xtên-may-ơ (Frank-Walter Steinmeier) brei thau, kadung jien ini meda daong ka dom taneh ia châu Phi daok dang anak bruk srau kadau, kan kandah di biến đổi khí hậu saong eik lipa./.