Khaw tin 19h harei 9/11/2016

# Patui veik danak dak mbang nyaom ka dua, page harei 9/11, dom urang  Quốc hội ngak bruk pak hội trường pang harak pathau khan taong yaom dự án Hukum quy hoạch; Biểu quyết brei tapa sarak ka danak dak jien padai 5 thun saong ginum biai pak tổ ka Dự án Hukum daong doanh nghiệp mbiah haong sit, Dự án Hukum quy hoạch. Tukvak daok vak, Quốc hội ginum biai pak tổ ka Dự án Hukum daong doanh nghiệp mbiah haong sit saong Dự án Hukum quy hoạch.

# Hajan praong dalam  rilo harei tapa gam saong lingik la ar ngak ka nhiet do dom puk palei dalam tỉnh Lào Cai trun bair. Pagaiy harei 9/11, bhum glaong Bắc Hà la-ar 13,7 độ saong abih di nyu nan lac di Sa Pa biak la-ar, nhiệt độ bair 10,7 độ C. Mức nhiệt bair abih di Sa Pa meda daok meng 6 – 8 độ C. Ini lac mbang la-ar khang akoak meti rah tabiak di Lào Cai dalam bilan la ar barak ini.

 # Kayua lingik la-ar, dalam dua harei tapa, pak Quảng Bình daok hu hajan prong. Ribuk angaok dom kraong di Quảng Bình daok di tanut báo động 1. Hajan prong ngak dauk dom labik dhaong. Urak ini 8 binek kavei padang aia thủy điện gah kreh negar daok brei tathuak aia, dalam nan thủy điện A Lưới brei tathuak aia labaih 120 mét khối sa giây; Thủy điện Sông Tranh 2 brei tathuak aia labaih 700 mét khối sa giây; Sông Bung 4 brei tathuak jaik 270 mét khối sa giây; Thủy điện sông Ba Hạ brei tathuak labaih 1.600 mét khối sa giây; thủy điện Sông Hinh tathuak jaik 600 mét khối sa giây.

# Ngan saong kadha “ Khik ramik, patagok ilimo bangsa Mông dalam tukvak salih barau – mbeik drei tame saong patagok di taneh ia”. Harei pataom ilimo bangsa Mông pakat negar mbang yaka dua thun 2016 kayua mintri ilimo, padhih saong du lich pambuak bruk saong tỉnh Hà Giang peih ngak meda rah taiak meng harei 18 tal 20/11. Ini lac tuk piah pok je dom yaom ilimo mengkan siam mekre di bangsa Mông dalam ilimo di bhapbini 54 bangsa Việt Nam. Harei pataom hu mbaok di 13 tỉnh hu bhapbini bangsa Mông daok.

# Pak bal Buôn Ma Thuột, tỉnh Đắc Lắc, Công ty cổ phần pajaih phun pala  trung ương (Vinaseed) bahrau peih pakak dhar pak Tây Nguyên. Amuk Trần Kim Liên – Akaok Vinaseed brei thau, dhar di Tây Nguyên oh lac tok ngak tabiak saong pablei salih pajaih phun pala; dak padang bhum nguyên liệu ngak padai, tangeiy, ratak naih, njam patam bo daok blei abih kaya nong di mikva urang nong bhum pala drak. Amuk Trần Kim Liên lac:Tây Nguyên lac bhum hu khí hậu biak siam piah patagaok bruk ngak nong, khaol dahlak  padang dhar pak ini piah jao taong abih dom khoa học kỹ thuật siam di abih, dom janih pajaih piah daong ka Tây Nguyên pasiam veik bruk ngak nong tui jalan ngak tabiak pandap hu yaom glaong.

# Daok dalam dom bruk ngak di adit lễ hội Oóc Om Bóc - pakacah Ghe Ngo tỉnh Sóc Trăng 2016 di bhapbini Khmer Sóc Trăng, melam 8/11, di libik ilimo parang iek Du lịch Hồ Nước Ngọt, ban sit Sóc Trăng, tỉnh Sóc Trăng, hu peih pakak “ mblang darak pablei salih, parang iek, du lịch saong Harei pataom pakacah pandap mbang huak S,Trăng 2016”. Hu mbaok 463 gian pandap di labaih 270 libik, doanh nghiệp dalam taneh ia . 

 # Jabat điều tra Công an huyện Xuân Lộc tỉnh Đồng Nai bahrau cap mek chip 20 urang pambuak tal bruk ngak brei srau dhau di labik cai nghiện ma túy Đồng Nai dalam dom harei 6 saong 7/11 meng blaoh. Tapa duah thau, ini lac dom urang pal akaok kích động, pachut pajarak saong hu mbaok tame jan palai drap ar pak labik điều trị cai nghiện ma túy Đồng Nai. Ini lac mbang ka 2 dalam 2 adit tapa, học viên cai nghiện pak labik điều trị cai nghiện ma túy Đồng Nai ngak srau dhau saong dauk truh labik điều trị.

Khaw din dunya

# Nyaom biai Ủy ban ilimo - Thông tin ASEAN mbang yaka 51 barau peih pakak di ban ine Viêng chăn - Lào. Ini lac nyaom biai yaok thun di Uỷ ban piah taong yaom bruk ngak hu meng pambuak bruk di gah ilimo saong Thông tin dalam bhum jeng ye ginum biai piah ba tabiak dom jalan pambuak bruk barau. 

# Đô trưởng Phnôm Pênh, ong Pa Xô-chiết-vông brei thau Campuchia daok caga ba labaih 10.000 urang an ninh pak bal ine piah khik caga an ninh saong trật tự  dalam tuk Lễ hội Aia, dui atah meng harei 13 tal harei  15/11 ngan haong dom bruk pakacah ghe gilai, palao hoa đăng saong kakuh aia bulan. Jaik 2 triệu bhap bani meng dom tỉnh tui kuhria meda tuh mai Phnom Penh hu mbaok tame lễ hội, abih di nyu lac bruk pakacah ghe gilai. Lễ hội Aia lac bruk yaok thun prong abih pak negar Đông Nam Á ini./.