Khaw tin 19h harei 9/6 saong 6h30 harei 10/6/2016

# Mintri pato megru brei thau, thun ini thí sinh tut angan tame pakacah Trung học phổ thông pakat negar trun jaik 10% tal 15% duk saong thun dahlau, dalam nan dom thí sinh tut angan pakacah piah xét tuyển tame đại học, cao đẳng jeng trun. Thí sinh trun saong dom cụm pakacah parabha rah dalam taneh ia yau nan ye bruk peih pakacah nyun jang duk saong thun 2015.

/ Di tỉnh Lai Châu, hu jaik 3.400 anek saih tut angan tame pakacah THPT pakat negar, dalam nan hu jaik 2.100 anek saih tut angan pakacah cụm xét tốt nghiệp saong labaih 1.300 anek saih tut angan pakacah cụm gam xét tốt nghiệp gam xét tuyển tame ĐH CĐ. Tal tukvak ini, bruk kuhria caga ka mbang pakacah hu Lai Châu kuhria caga tani tanat, abih di nyu nan lac cơ sở vật chất. 

# Ban sit Hội An, tỉnh Quảng Nam barau tabiak bruk samal khik ramik saong pasiam dom janih kra kanduh tasik di Cù Lao Chàm. Tui nan, ban sit Hội An njauk gauk quy hoạch labik khik kra kanduh tasik di gah Đông Bắc pulao Cù lao Chàm, pataom tame di Bãi Bấc – dom pulao Hòn Dài, Hòn Lá. Di labik ini, meda padang Trạm khik ramik, daong kra kanduh tasik ngan saong dom bruk yau karam baoh, daong pacang bala piah paglaong bruk khik ramik, ngak jeng labik siam lagaih piah dom janih kra kanduh tasik nao tal dom mblang cuah Cù Lao Chàm caih mebaoh.

/ Oh patuah jamo yau dom uranaih karei, kamuan Hoàng Thị Quỳnh Anh, umo 2 thun, bangsa Thái daok di palei Cọ, phường Chiềng An, ban sit  Sơn La meng tuk ndih tapui tabiak njauk mbaih cambuai. Hu danak dak blac daraih ka uranaih joh jo kayua sở LĐTB saong XH tỉnh Sơn La pambuak bruk saong pasak II (blac daraih uranaih VN) saong sang iek ruak đa khoa tỉnh Sơn La peih tabiak, kamuan hu khám sàng lọc saong hu daong blac saoh. Hadei di tuk blac, pren yava di kamuan hu tani tanat, mbang menyum hu, sambai klao yau dom ayut.

# harei 8/6, darak melam Phan Thiết – darak melam akaok mereip di tỉnh Bình Thuận duh ka bruk blei, mein, mbang menyum di tuai damuai saong bhapbini dalam palei hu peih pakak. Darak melam  Phan Thiết kayua Công ty Trách nhiệm hữu hạn Nhất Thủy padang ngak, hu labaih 170 gian hàng. Tal tukvak peih pakak, dom kios hu urang pablei sih tut angan abih labik, pablei salih dom pandap lưu niệm, ao khan, thủ công mỹ nghệ, pandap mbang menyum. Ini lac bruk pablei salih barau, pabak tiêu chí văn minh đô thị, rik daong parilo labik du lịch di Bình Thuận. 

/ Langik hajan miat dalam dom harei tapa ngak ka yaok rituh ha padai hè thu di tỉnh Sóc Trăng barau drak njauk khat lahik kayua ia dauk. Hadei di tuk ia trun, mikva hu samar njuk ia, drak halok veik dom labik njauk khat lahik trak piah dil tukvak.

# Tui Văn phòng Ban chỉ huy pacang caga xua ribuk saong trun takik bala di lingik tasik tỉnh Tiền Giang, dom harei jaik ini kayua hajan praong dui atah ngak glut jaleih trak dom ar kraong, ribaong dalam tỉnh. Dalam tỉnh hu yaok pluh labiik glut jaleih gap saong praong. Dalam nan, di huyện Cai Lậy,  hu tal 9 labik glut jaleih takai kraong Tiền, kraong Ba Rài… Trak abih lac labik glut jaleih atah 70 mét,  ngang 12 mét di xã Đông Hòa Hiệp, huyện Cái Bè nyu kakak klah jalan nao mai ngak kan kandah tal bruk nao mai di yaok ratuh sang bhapbini dalam palei.

Patui di ini dom khau tin dunya:

/ Karja Ấn Độ daok duah thau bruk 90 adei anek saih njauk jru mek hadei di tuk huak var jala pandiak di sa sang bac di bang Giắc-khan, gah timur taneh ia ini. Dahlau di nan harei 6/6, dom anek saih ini njauk jru mek hadei di tuk huak var jala brei saoh di sang bac. Var huak brei saoh ini hu maong lac njom nerak kayua sa drei tacak. Dom adei anek saih hu ba nao tal sang iek ruak chip. Dom adei hu tabiak sang iek ruak hadei di tuk hu iek ruak.

# harei 8/6, gah Y tế dunya (WHO) khan brei thau Thái Lan lac taneh ia  châu Á akaok mereip padam hu bruk njaom mbak HIV meng amaik tapa anek. Tui mintri Y tế công cộng Thái Lan, bruk njaom mbak HIV meng amaik metian tapa anek kamal di taneh ia ini trun meng 10% thun 2003 daok jaik 2% thun 2015. Gah Y tế dun ya brei thau ini lac sa "jak jeng praong" di Thái Lan. Taneh ia ini jeng padam hu bruk njaom mbak ruak giang mai meng maik tapa anek .

/ LHQ barau hu panuac lac, ô nhiễm không khí daok jeng bruk praong ngak jhak tal pren yava bhap bini di châu âu. O nhiễm không khí jeng lac makna ba tal labaih 500 ribau urang metai di bhum taneh ini dalam thun 2012./.